21 Mars 2019

Gjilani subvencionon 1555 fermerë

Gjilan, 18 tetor - Drejtoria e Bujqësisë dhe Pylltarisë në Gjilan, gjatë nëntë muajve të këtij viti, ka subvencionuar në forma të ndryshme afro 1555 fermerë nga buxheti komunal.

Drejtori Ramiz Ramadani, në një konferencë për gazetarë, ka thënë se realizimi i këtij plani ka ardhur falë mbështetjes së madhe që është dhënë vazhdimisht nga kryetari Lutfi Haziri.

“Shpresojmë që në vitin e ardhshëm do t’i rrisim subvencionet për bujqit. Projekti për korrje-shirjet ka shkuar jashtëzakonisht mirë, megjithëse pritjet tona kanë qenë për rendimente më të larta, mirëpo reshjet e shiut gjatë muajve gusht dhe korrik kanë bërë që këto rendimente të jenë të nivelit mesatar në kuadër të mesatares së vendit. Gjithashtu, edhe këtë vit kemi subvencionuar mbjelljet vjeshtore me qëllim të përkrahjes së bujqëve në mbjelljet vjeshtore dhe përfitues kanë qenë 847 fermer”, ka thënë Ramadani.

Ai ka bërë të ditur edhe projektin për investimin e rrugëve fushore, që kanë qenë prioritet edhe këtë vit dhe në total janë trajtuar gjithsej 15.88 kilometra gjatësi rrugë fushore, me vlerën investive rreth 70 mijë euro, ku janë përfshirë fshatrat Kmetoc, Dobërçan, Verbicë e Kmetocit, Bresalc, Ponesh, Livoç i Epërm dhe i Ulët, Velekincë.

Drejtori Ramadani ka konfirmuar se të gjithë bletarët e Gjilanit, të cilët kultivojnë më shumë se 30 shoqëri bletësh janë të mbështetur me centrifuga elektrike, duke njoftuar edhe me projektin e madh të mbjelljes së drunjve dekorativ në kuadër të aksionit “Ta pastrojmë Gjilanin.  

“Pretendojmë që në këtë aksion me mjetet vetanake Gjilani do të bëjë mbjelljen e mbi një mijë drunjëve dekorativ, kurse me mbështetjen edhe të nivelit qendror do të mbjellim gjithsej 7 mijë drunj dekorativ dhe njëkohësisht do të trajtojmë me projekt edhe Kodrën e Dëshmorëve, ku do të bëhet nivelimi, hapja e rrugëve, gjelbrimi i kësaj hapësire, pastaj do të vazhdohet njëkohësisht edhe me mbjelljet në oborret e shkollave, ambulantat, çerdhet dhe rrugëve kryesore e shesheve”, ka thënë ai.

Kurse, në sektorin e pylltarisë drejtori Ramadani ka konfirmuar se përpos kujdesit të shtuar në ruajtjen e pyjeve nga dëmet ilegale, janë duke punuar edhe dhënien e vendgjuetive “Karadaku”, “Maja e Gjelbër” dhe “Zhegoci”.

Siç ka konfirmuar ai, një punë e madhe dhe bashkëpunim është duke u bërë edhe me donatorët si Komisionin Evropian, USAID-in dhe tjerët, ku do të trajtohet fusha e turizmit, agro-biznesit, pemtarisë etj.

Kalendari

Ngjarjet e datës 21 mars 2019  
- Ministri i Punëve të Jashtme i Republikës së Kosovës, Behgjet Pacolli, do të jetë nikoqir i homologut të tij nga Mali i Zi, Srdjan Darmanoviq. (Ambientet e Ministrisë së Punëve të Jashtme, ora 8:50)

- Përurohem hapësirat e reja të Shoqatës Down Syndrome Kosova qendra në Prishtinë. (Qyteza Pejton Lokalet e NPB-së, ora 9:00)

- Institucioni i Avokatit të Popullit organizon tryezën me temë"Përgjegjësia juridike e shtetit për shkeljet e të drejtave të njeriut". (Institucioni i Avokatit të Popullit, ora 9:30)

- Instituti Demokraci për Zhvillim  organizon diskutim me rastin e publikimit të dokumentit të politikave “Matja dhe vlerësimi i politikave të riintegrimit”, (Hotel Sirius, ora 9:45)

- Ministri i Mjedisit dhe Planifikimit Hapësinor, Fatmir Matoshi do të takohet me kryetarin e Komunës së Prishtinës, Shpend Ahmeti ku do të diskutojë për hartat zonale, krijimin e zonave të gjelbra, veturat elektrike, policia mjedisore si dhe tema të tjera mes dy institucioneve. (Kabineti i Ministrit Matoshi, ora 10:00)

- Mbahet konferenca e përbashkët për media e Ministrit të Jashtëm, Behgjet Pacolli, dhe ministrit të jashtëm të Malit të Zi, Srdjan Darmanoviq. (Ambientet e Ministrisë së Punëve të Jashtme, ora 10:00)

Shoqata Down Syndrome Kosova organizon konferencen “Aftësia e Kufizuar Intelektuale në Kosovë”. (Hotel Sirius, ora 10:30)

- Qendra Mediale në Çagllavicë organizon debatin publik me temë "Platforma e Kosovës për dialog - realiteti apo fundi i dialogut?". (Qendra Mediale në Çagllavicë, ora 10:30)

- SHL-Kosova themelon Rjetin e Qendrave Rinore të Kosovës ku edhe mban Kuvendin për zgjedhjen e Bordeve të këtij Rjeti. (Zyra e KDI-së, ora 11:00)

- Lëvizja Vetëvendosje mban konferencë për media në të cilën flasin deputetët Glauk Konjufca dhe Arbërie Nagavci. (Holli i Kuvendit, ora 12:00)

- Ministri Mjedisit dhe Planifikimit Hapësinor, Fatmir Matoshi, do të vizitoi Termocentralin Kosova B lidhur me prezantimin e fillimit të investimeve madhore mjedisore në Termocentralin Kosova B, nga ana e menaxhmentit të KEK-ut. (Termocentrali Kosova B në Obiliq, ora 13:00)

- Partia Socialdemokrate mbanë koferencë për media. (Selia Qendrore e PSD-së, në lagjen Arbëria.  ora 14:00)