17 Janar 2018

Gjilani shpërndan 200 mijë kilogram grur për mbjelljet vjeshtore

Gjilan, 13 tetor - Komuna e Gjilanit sot ka shpërndar 200 mijë kilogram grur për rreth 800 fermer të Gjilanit, në kuadër të subvencionimit të mbjelljeve vjeshtore dhe rritjen e kapaciteteve prodhuese të grurit, duke siguruar farë cilësore dhe të përshtatshme për tokën e Gjilanit.

Drejtori i Bujqësisë dhe Pylltarisë në Gjilan, Ramiz Ramadani, është shprehur i gëzuar me këtë subvencion të grurit, duke potencuar që vetëm me mbështetje dhe me orientim të subvencioneve në sektor të ndryshëm në bujqësi, sigurohet rritje e kapaciteteve prodhuese.

“Falë mbështetjes së kryetarit të Komunës së Gjilanit Lutfi Haziri, këtë vit sikur edhe në vitet tjera kemi arritur që të subvencionojmë mbjelljet vjeshtore për rreth 800 fermerë që do të mbulohet një sipërfaqe prej rreth 800 hektarësh, ndërsa sipërfaqet e mbjella këtë vit me kulturën e grurit do të jenë mbi 3 mijë hektarë. Komuna e Gjilanit ka mbështetur të gjithë femerët aplikues për farën e grurit, të cilët nuk janë përfshirë në skemën e mbjelljeve vjeshtore të Ministrisë së Bujqësisë”, ka thënë drejtori Ramadani.

Më tej Ramadani ka bërë të ditur se këtë vit janë realizuar shumë projekte në bujqësi dhe ky i sotmi është vetëm njëri nga to, në mbështetje të bujkut gjilanas.

“Subvencionimi i mbjelljeve pranëverore dhe vjeshtore, por edhe projekte të tjera janë gjithnjë në shërbim të krijimit të lehtësirave dhe mbështetjes së bujkut të Gjilanit. Projekti i sotëm është vetëm njëri nga shumë projekte të realizuara nga Komuna e Gjilanit, për të vazhduar edhe me projekte të tjera, tashmë të planifikuara për këtë vit. Temperaturat e volitshme janë favorizuese, që mbjellja të kryhet në kushte jashtzakonisht të mira klimatike”, ka potencuar drejtori Ramadani.

Ramadani më tej ka shfaqur edhe vizionin e kryetarit, Lutfi Haziri, për mbështetjen në katër vitet e ardhshme në bujqësi, duke shfaqur edhe zotimin, që nga viti vijues në bazë të programit të kryetarit Haziri, do të fillohet sibvencionimi i bimës së duhanit, prej 1200 euro për hektarë. E gjitha kjo për ta rikthyer fuqishëm prodhimin e industrisë së duhanit në Komunën e Gjilanit. 

Kalendari

Ngjarjet e datës 17 Janar 2018 - Mbahet mbledhje e Komisionit për Shëndetësi, Punë dhe Mirëqenie Sociale në të cilën do të behët shqyrtimi i projektligjit për ndërmarrjet sociale. (Ndërtesa e Kuvendit, sallaN 303, ora 10:00)

- Në kuadër të organizimeve në 550-vjetorin e vdekjes së Skënderbeut dhe Vitit Mbarëkombëtar të Skënderbeut, nesër më 17 janar 2018, zhvillohen homazhe te shtatorja e Skënderbeut. (Shtatorja e Skënderbeut, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i raportit të punës së Komisionit, për vitin 2017 si dhe shqyrtimi i draft-planit të punës së Komisionit, për vitin 2018. (Ndërtesa e Kuvendit, salla N204, ora 10:00)

- Për nder të 18 vjetorit të themelimit të Administratës Tatimore të Kosovës, do të mbahet shënimin simbolik të këtij përvjetori, në të cilin pjesëmarrës do të jenë Kryeministri i Republikës së Kosovës Ramush Haradinaj, Ministri i Financave Bedri Hamza, palët e interesit dhe donatorët. (Qendra e Shërbimit të Tatimpaguesve, ish-ndërtesa e Gërmisë, ora 11:00) 

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit,  salla  C 301, ora 11:00)

- Prezantohen projektet e studentëve, të cilët do të pasqyrojnë punën që është bërë gjatë semestrit dimëror 2017/18. (Fakulteti i Edukimit, ora 11:00)

- Mbahet mbledhje e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Tatimin në Pronën e Paluejtshme, me raport amandamente të Komisionit funksional për Buxhet dhe Finanaca. (Ndërtesa e Kuvendit, salla N 303, ora 12:00)

- Ministri i Ministrisë së Inovacionit dhe Ndërmarrësisë, Besim Beqaj do të vizitojë kompaninë e prodhimit të produkteve farmaceutike “Trepharm”. (Hapësirat e “Trepharm” në Sllatinë, ora 12:30)

- Komuna e Gjilanit ben zbulimin e bustit te heroit Gjergj Kastrioti - Skenderbeu. (Sheshi kryesore para zyres se kryetarit ne Gjilan, ora 13:00)

- Mbahet Akademi kushtuar 550 vjetorit të Skënderbeut, me ç ‘rast do të promovohet pulla postare e Postës së Kosovës dhe Postës së Maqedonisë në të cilen do të nderohen edhe figurat e shquara të shqiptarëve, Jusuf e Bardhosh Gërvalla dhe Kadri Zeka, në 36-vjetorin e vrasjes së tyre. (Teatri Kombëtar të Kosovës, ora  15:00)

- Komuna e Gjilanit organizon akademin e Flakes se Janarit 2018, qe i kushtohet 550 vjetorit te vdekjes se heroit kombetar Skenderbeu dhe 50 vjetorit te protestave masive per flamurin kombetar. (Teatri i Qytetit, ora 16:00)

- Muzeu i Kosovës, me nismën e "Museum Illyricum" - Zvicër, organizojnë ekspozitë me libra; pulla dhe bankënota nga mesjeta e deri në vitet '30-ta. (Lapidariumin e Muzeut të Kosovës, ora 18:00)

- Hapet ekspozitë 55 portrete për 550-vjetorin e vdekjes së Skënderbeut dhe Vitit Mbarëkombëtar të Skënderbeut. (Swiss Diamond Hotel, ora 18:00)

- Në 550 vjetorin e vdekjes së heroit kombëtar Skenderbeu dhe 50 vjetorit të protestave masive për flamurin kombëtar organizon aktivitetin Peneli i Flakes. (Teatri i Qytetit të Gjilanit, ora 19:00)