21 Shtator 2019

Gjilani nis fushatën e korrje-shirjeve

Gjilan, 12 korrik - Në Komunën e Gjilanit ka nisur fushata e korrje – shirjes së grurit ku për shkak të kushteve jo të favorshme në stinën e vjeshtës, këtë vit në Gjilan ka më pak se përherë hapësirë të mbjellur me kulturën e drithërave të bardha.

Drejtori i Bujqësisë në Gjilan, Ramiz Ramadani, ka thënë se përkundër që ka më pak hapësirë të mbjellur me kulturën e drithërave të bardha e posaqërisht me kulturën e grurit, gjenja e grurit është e mirë dhe planifikohet që Brenda 10 ditë deri në dy javë e gjithë hapësira e mbjellur në Gjilan do të korret.

“Kemi filluar fushatën në mënyrë simbolike në fshatin Livoç i Ulët dhe shpresojmë që nga 10 deri në 15 ditë do të bëhet korrja e gjitha sipërfaqeve të grurit. Sipas njoftimeve profesionale nga Drejtoria e Bujqësisë dhe komisioni për monitorimin e korrje-shirjeve konfirmohet se gjendja e grurit është e mirë dhe me rendimente më të mira se sa kemi pritur. Gjendja është shumë më premtuese, sepse nga pamja vizuele nëpër ngastra të ndryshme shihet një gjendje jashtëzakonisht e mirë e grurit”, ka thënë ai.

Ramadani ka konfirmuar se fushata është hapur në koordinim me ekspertët dhe komisionin komunal, i cili ka vlerësuar se gruri tashmë është i pjekur dhe i gatshëm për tu dërguar në pikat grumbulluese të cilat janë aktive dhe kanë kapacitete të mjaftueshme për pranimin e gjithë sasisë së grurit.

“Pas vlerësimit se janë krijuar të gjitha kushtet dhe është bërë pjekja teknologjike e grurin, e fillojmë zyrtarisht fushatën. Këtë vit i kemi mbi dy mijë e 100 hektarë me grur, 80 hektar me elb dhe një sasi të vogël prej 30 hektarëve me tërshërë. Në këtë fushatë janë të përgatitur 61 autokombajna dhe gjendja e tyre është në rregull.

Drejtori ka kërkuar nga autokombajnerët që ti përmbahen çmimit për korrjen e grurit i cili është caktuar në shumën prej 100 eurove për hektar dhe njëkohësisht ka apeluar që të shfrytëzojnë mundësinë e furnizimit me naftë nga dy pikat Hib Petrol dhe Shell Kosova të cilët kanë ofruar një zbritje simbolike për fermerët në bazë të memorandumit me Komunën e Gjilanit.

Gjithashtu Ramadani ka kërkuar që të ketë kujdes të shtuar dhe të mos bëhet ndezja e hamulloreve sepse është dëmshme për vet tokën dhe njëkohësisht është e sanksionueshme me ligj.

Drejtori Ramadani ka bartur mesazhin e kryetarit Haziri për një fushatë të suksesshme dhe të bereqetshme duke konfirmuar mbështetjen e vazhdueshme të Komunës së Gjilanit për fermerët në përgjithësi në mënyrë që të punohet sa më shumë toka e cila ka kapacitete të lartë të prodhimit. 

Kalendari

Ngjarjet e datës 21 shtator 2019 - Kryetari i Lëvizjes Vetëvendosje Albin Kurti merr pjesë në manifestimin tradicional Kulturor e Shkencor "Ditet e Dom Mikelit", Stubëll të Epërme të Vitisë. (Subëll e Epërme, ora 9:00)

- Fillon Dita e Pastrimit të Botës në Kosovë ku do të marrin pjesë ministri i Mjedisit dhe Planifikimit Hapësinor, Fatmir Matoshi, ministri i Mbrojtjes, Rrustem Berisha, Forca e Sigurisë së Kosovës, Kompania “Pastrimi”, përfaqësues nga Komuna e Prishtinës, figura të rëndësishme diplomatike, studentë e vullnetarë të shumtë. (Stadiumi “Fadil Vokrri”’ në Prishtinë, ora 10:00)

- Me rastin e përvjetorit të Ahmet Krasniqit, kandidatja e LDK-së për Kryeministre, Dr. Vjosa Osmani bën homazhe te varri i Presidentit Historik Dr. Ibrahim Rugova dhe te varri i ish Ministrit të Mbrojtjes së Republikës së Kosovës, Ahmet Krasniqi. (Velani, ora 10:00)

- Vazhdon kampionati ekipor në pingpong. (Shkolla Tefik Qanga në Ferizaj, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it mban konferencë për media, në të cilën do publikohet raporti: “Krimet e Rënda në Kosovë, ligji VS praktika: Analizë e politikës së ndjekjes dhe dënimeve në rastet e trajtuara në Departamentet e Krimeve të Rënda të Gjykatave Themelore në Republikën e Kosovës, analizë e veçantë e trajtimit të rasteve të veprave penale të terrorizmit”. (Hotel Sirius, ora 10:30)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:00)

- Aksionet e pastrimit mbahet në komunën e Podujevës. (Podujevë, ora 11:00)

- Mbahet një aksion me moton “Dita e pastrimit të Botës 2019” në Mitrovicë. (Para objektit të komunës së Mitrovicës, ora 11:00)

- OJQ “Sundimi i Demokracisë në Kosovë" organizon aksion pastrimi përreth liqenit “Batllava” në Orllan. (Orllan, ora 11:15)

- Kandidatja e LDK-së për Kryeministre, Dr. Vjosa Osmani shpalosë programin e LDK-së për zhvillimin ekonomik, në Konventën për zhvillim dhe punësim. (Hotel Emerald, ora 12:00)

- Kryetari i Lëvizjes Vetëvendosje Albin Kurti zhvillon një vizitë në Gjilan. (Gjilan, ora 12:00)

- Aksionet e pastrimit mbahet në Komunën e Prizrenit. (Prizren, ora 14:00)

- Promovohet libri monografik “Nexhmije Pagarusha” i cili është një rrëfim origjinal dhe personal i një udhëtimi të mrekullueshëm nëpër jetën dhe krijimtarinë e këngëtares tonë të famshme, bilbilit të këngës shqipe në Kosovë, znj. Nexhmije Pagarusha. (Hotel Swiss Diamond, ora 19:00)

- Kryetari i Lëvizjes Vetëvendosje Albin Kurti mban tubim në Petrovë të Shtimës. (Fshati Petrovë, ora 19:00)

 - Kryetari i Lëvizjes Vetëvendosje Albin Kurti mban tubim në Hajvali të Prishtinës. (Restaurant "Ora", Hajvali, ora 21:00)