17 Shtator 2019

Gjilani fiton 100 mijë euro grant për fushën e pastërtisë

Gjilan, 11​ janar - Komuna e Gjilanit ka fituar grantin e radhës në vlerë prej 100 mijë euro nga Ministria e Mjedisit dhe Planifikimit Hapësinor për Performancën e mirë në kuadër të aksionit “Ta Pastrojmë Kosovën”.

Kryetari i Komunës, Lutfi Haziri, ka falënderuar ministrin Matoshi për vlerësimin e lartë për Gjilanin, duke thënë se ky grant është edhe një motiv shtesë për të punuar në mënyrë permanente për një ambient më të mirë.

“Pas grantit prej 300 mijë euro që e kemi marrë para ca ditësh nga organizata zvicerane DEMOS, lajmi i mirë është që kemi fituar edhe 100 mijë euro të tjera nga Ministria e Mjedisit për fushën e pastërtisë. Të dyja këto grante do të investohen në infrastrukturë publike dhe projekte për komunitetin”, ka thënë Haziri.

Përndryshe, javë më parë ministri i Mjedisit dhe Planifikimit Hapësinor, Fatmir Matoshi, gjatë një vizite që i ka bërë Gjilanit, e ka vlerësuar këtë komunë si model sa i përket angazhimit në fushën e pastërtisë.


Kalendari

Ngjarjet e datës 17 shtator 2019 - Mbahet dita e dytë e  konferencës më të madhe për zhvillimin e qëndrueshëm në rajon më temë 'Energjia për tv ardhmen'. (Hotel Emerald, ora 9:30)

- Komuna e Gjilanit bën homazhe në 20-vjetorin e rivarrimit të dëshmorëve të kombit. (Kodra e Dëshmorëve në Gjilan, 10:00)

- Komuna e Rahovecit mban mbledhjen e nëntë te rregullt te Komiteti për Politik dhe Financa. (Rahovec, ora 10:00)  

- Me rastin e vdekjes së veprimtarit të shquar romë, Nexhip Menekshe do të mbahet mbledhje komemorative për të kujtuar veprimtarin e pasur të së ndjerit si: dramaturg, gazetar, poet dhe arsimtar të gjuhës rome. (Shtepia e Kulturës “Xhemajli Berisha” në Prizren, ora 11:00)

-  Lëvizja Fol organizon diskutimin e radhës në kuadër të Forumit Fol Hapur me kandidatin e Vetëvendosjes për Kryeministër, Albin Kurti. (Zyrat e Lëvizjes FOL,  ora 11:00)

- Ambasada Hungareze në Prishtinë bën prezantimin e programit për Javët e Kulturës Hungareze, të shoqëruar me nga një gotë verë, dhe biseda joformale me gazetarët. (Ambasada e Hungarisë, rr. Arben Xheladini 157 në Prishtinë, ora: 13:30)

- Komisioni Qendror i Zgjedhjeve organizon tërheqjen e shortit për renditjen e subjekteve politike në fletëvotim për zgjedhjet e parakohshme për Kuvendin e Republikës së Kosovës që do të mbahen më 6 tetor 2019. (Ndërtesa e KQZ-së, kati 4, ora 16:00)   

- Komuna e Gjilanit shënonë 20-vjetorin e rivarrimit të dëshmorëve të kombit. (Teatri i qytetit në Gjilan, 16:00)