11 Korrik 2020

Fillon implementimi i projektit për zhvillimin bujqësor- rural

Prishtinë, 28 shtator - Ministria e Bujqësisë, Pylltarisë dhe Zhvillimit Rural (MBPZHR) në mbështetje të Bankës Botërore, në vitin 2011 do të fillojë implementimin e Projektit për Zhvillimin Bujqësor dhe Rural të Kosovës (PZHBRK).

Për qëllimet e këtij projekti, MBPZHR ka përgatitur draft-dokumentin “Vlerësimi mjedisor – Korniza për menaxhimin mjedisor”, i cili trajton problemet e ndryshme agromjedisore.

Me qëllim të kontributit në funksion të implementimit të këtij projekti, MBPZHR fton për bashkëpunim shoqëritë civile, fermerët, industritë përpunuese, furnitorët, shoqatat e specializuara për mbrojtjen e mjedisit, institutet kërkimore shkencore dhe palët e tjera me interes për dhënien e komenteve.

Draft-dokumenti është publikuar në web faqen e MBPZHR-së dhe është i hapur për diskutim deri më 08 tetor 2010.
 

Kalendari

Ngjarjet e datës 11 Korrik 2020

- Në Ditën Botërore të Popullsisë, organizata SIT, organizon aktivitetin ku do të prezantojë statistikat e rasteve të raportimit të dhunës në Kosovë gjatë pandemisë COVID-19. (Sheshi "Zahir Pajaziti" në Prishtinë, ora 9:00)

 - Aktivistë të shoqërisë civile organizojnë aksionin simbolik për të kërkuar drejtësi për Kujtimin pasi qe po bëhen 1 vit prej kur 11 vjeçari nga Fushë Kosova, u përdhunua e u vra.  (Përpara Këshillit Prokurorial të Kosovës në Prishtinë, ora 11:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë transmetimin live të ceremonisë komemorative në Srebrenicë. (Qendra Kulturore Informative Boshnjake - Rr. Agim Ramadani, nr. 375 - Aktash, ora 12:00)

- Me rastin e 25 vjetorit të gjenocidit në Srebrenicë mbahet ligjëratë "25 vjet pas gjenocidit në Srebrenicë" me ligjërues Akademik Ferid Muhić Moderator dhe bashkëbisedues Bekim Blakaj - Drejtor Ekzekutiv i Fondit për të Drejtën Humanitare në Kosovë. (Livestream në Facebook - Humanitarian Law Center, ora 15:00)

- SENSE Qendra për Drejtësi Tranzicionale në bashkëpunim me Fondin për të Drejtën Humanitare Kosovë organizojnë shfaqjen e ekspozitës multimediale “Gjenocidi në tetë akte”. (Sheshi Skënderbeu, ora 17:30)

- - Me rastin e 25 vjetorit të gjenocidit në Srebrenicë bahet aksion simbolik: Ndezje e qirinjëve para Teatrit Kombëtar të Kosovës. (Para Teatrit Kombëtar të Kosovës, ora 20:00)