04 Dhjetor 2020

Fillon implementimi i projektit për riciklimin e mbeturinave

Prishtinë, 4 qershor - Me rastin e Ditës Ndërkombëtare të Ambientit, Kuvendi i Republikës së Kosovës, përkatësisht Komisioni për Bujqësi, Pylltari, Zhvillim Rural, Mjedis dhe Planifikim, në bashkëpunim me UNDP-në dhe në mbështetje të Qeverisë Holandeze, ka filluar implementimin e projektit për riciklimin e mbeturinave.

Përmes Iniciativës së Gjelbërt të Parlamentit për riciklim të mbeturinave, Kuvendi i Kosovës si institucioni më i lartë ligjvënës do t’i paraprijë të gjitha institucioneve dhe popullatës në përgjithësi për të mbrojtur më shumë ambientin dhe mbështetur ligjet bazë për ambientin. 

Një hap i tillë mundëson që tonelata të produkteve të letrës, aluminit dhe plastikës të ripërpunohen dhe të kthehen prapë në produkte të përdorshme. Me këtë mënyrë, do të kontribuohet në zvogëlimin e numrit të deponive në komunën e Prishtinës. Kështu që Kuvendi i Kosovës, përveç përgatitjes së legjislacionit, monitorimit dhe përfaqësimit, do të ndikojë direkt në ruajtjen e ambientit, u tha gjatë kësaj ceremonie.  

Kryetari i Komisionit për Bujqësi, Pylltari, Zhvillim Rural, Mjedis dhe Planifikim, Naser Rugova duke falënderuar për këtë mbështetje UNDP-në, Qeverinë e Mbretërisë së Holandës, si dhe Ministrinë e Mjedisit dhe Planifikimit Hapësinor theksoi se vendosja kontenjerëve të tillë do të kontribuojë në ruajtjen e ambientit dhe trajtimin e mbeturinave, në bazë të standardeve evropiane. 

“Ne sot po shënojmë një ditë shumë të rëndësishme, Ditën e Ambientit. Kjo ditë për të gjithë ne ka vlera të mëdha sa i përket mbrojtjes së natyrës dhe popullatës, për një mjedis më të shëndoshë dhe ekologjik. Me këtë rast kemi vendosur kontenjerët që janë ndihmesë i procesit të riciklimit. Besojmë se riciklimi i cili i takon një procesi dhe teknologjie moderne, do të gjejë zbatim edhe në vendin tonë”, tha Rugova duke sqaruar tutje se Komisioni për Bujqësi...aktualisht është në fazën e plotësimit dhe ndryshimit të Projektligjit për Mbeturinat. 

Gjatë kësaj ceremonie foli edhe ministri i Mjedisit dhe Ambientit, Mahir Yagcilar. Ai tha se ministria të cilën e drejton ai, bashkarisht me Komisionin parlamentar për Bujqësi, është në përpjekje të një krijimi të një hapësire sa më pastër në vend. “Do të krijojmë edhe një kornizë ligjore në mënyrë që të veprohet me më efikasitet në fushën e mjedisit”, tha Yagcilar, duke sqaruar se kontenjerë të tillë do të vendosen edhe në mjediset e Qeverisë, për të vazhduar me projekte të tilla edhe në institucionet tjera shtetërore. Po ashtu Yagcilar tha se do të përpjeken që të krijojnë sa më shumë hapësira të gjelbëruara. 

Me këtë  rast folën edhe përfaqësuesi i zyrës mbretërore të Holandës, z. Carel Brands, si dhe koordinatorja zhvillimore e agjencive të KB-ve, znj. Osnat Lubrani, të cilët  theksuan se iniciativa të ngjashme për të pasur një ambient të pastër duhet të praktikohen gjatë tërë vitit. 

Ky aktivitet i kontribuon respektimit të ligjeve për mbrojtjen e ambientit, si dhe përkrahjes së ligjeve të reja në mënyrë që të reduktohet numri i sipërfaqes së mbeturinave përreth Prishtinës. Me këtë rast ky aktivitet i jep përkrahje edhe vendimit  të pesë komunave të Kosovës, për të caktuar vendet për riciklim të mbeturinave, u tha gjatë kësaj ceremonie.

Shënimi i kësaj iniciative filloi me vendosjen e kontenjerëve të dizajnuar enkas për riciklim, e cila u bë në hollin e ndërtesës së Kuvendit. Vendosja e

shportave të ndara për letër, plastikë dhe kanaçe për riciklim do të vazhdojë në të gjitha zyret e Kuvendit, deri në fund të muajit korrik të këtij viti. 

Hedhja e mbeturinave për riciklim në kontejnerin e parë të vendosur në hollin e ndërtesës së Kuvendit u bënë nga Naser Rugova, përfaqësues të Qeverisë holandeze, përfaqësues të UNDP-së, si dhe deputetë të tjerë të Kuvendit të Kosovës. 
 

Kalendari

Ngjarjet e datës 4 Dhjetor 2020

- Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

 

- Kryetari i Grupit Parlamentar të Partisë Demokratike të Kosovës, Bedri Hamza, mban sot konferencë për media. (Oborri i Kuvendit hyrja nga sheshi, ora 14:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)

 

- Kryeministri Avdullah Hoti dhe ministrja e Financave Hykmete Bajrami, mbajnë konferencë për media. (Ndërtesa e Qeverisë, ora 16:00)