19 Tetor 2018

FAO bën thirrje për sisteme të fuqishme të kontrollit ushqimor

Stamboll, 7 maj - Ndryshimi i klimës, ngjarjet ekstreme të motit dhe temperatura në rritje lidhen ngushtë me ushqimin dhe bujqësinë.

Në të gjitha gjasat, thonë disa ekspertë, ndryshimet klimatike do të kenë pasoja negative për sigurinë e ushqimit - që do të thotë se do të bëhet më e vështirë për të parandaluar sëmundjet ushqimore në trajtimin, përgatitjen dhe ruajtjen e ushqimit.

Për këtë pikë foli sot Mary Kenny, zyrtare e FAO për sigurinë ushqimore dhe mbrojtjen e konsumatorit, në një konferencë ndërkombëtare në Stamboll të Turqisë.

Ky ndikim në sigurinë ushqimore mund të vijë nga një sërë shkaqesh, nga ndryshimet në ndotësit e mjedisit dhe nga profilet e patogjenëve deri te kontaminimi i shtuar nga toksina të ndryshme dhe rreziqet në rritje të higjienës, tha Kenny gjatë kontributit të saj në Kongresin e 6-të të Sigurisë Ushqimore mbi ndryshimet klimatike dhe sigurinë ushqimore.

Përshtatja e strategjive të sigurisë ushqimore me një klimë të ndryshueshme duhet të bazohet në fakte dhe për këtë arsye ka nevojë për më shumë kërkime dhe shkëmbim midis të gjithë aktorëve të lidhur në sektorin publik dhe atë privat, tha ajo.

"Rreziqet ndaj sigurisë ushqimore mund të lindin në çdo fazë të zinxhirit ushqimor, nga prodhimi fillestar deri tek konsumimi", tha Kenny, duke theksuar rëndësinë e një qasjeje të bazuar në vlerësimin e riskut për menaxhimin e sigurisë së ushqimit.

"Autoritetet e sigurisë së ushqimit duhet të punojnë vazhdimisht për të trajtuar një sërë çështjesh kritike të sigurisë së ushqimit dhe cilësisë. Qoftë kjo me natyrë mikrobiologjike ose kimike, këto çështje janë kuptuar mirë, por megjithatë ato ende paraqesin sfida në shumë kontekste ".

Kenny bëri thirrje për zhvillimin e sistemeve të fuqishme të kontrollit të ushqimit nën përgjegjësinë e autoriteteve kombëtare të sigurisë ushqimore.

"Organizata ka një rol kyç në ndihmën e vendeve në zhvillim për të shqyrtuar ndryshimet në situatat e sigurisë së tyre të ushqimit, për të nxitur bashkëpunimin ndërkombëtar dhe në përgjithësi për të përmirësuar kuptimin se çfarë nënkupton ndryshimi klimatik për sigurinë e ushqimit", tha Kenny.

Kongresi dy-ditor filloi më 3 maj, me fjalime të hapura nga përfaqësues të lartë të qeverisë turke dhe Viorel Gutu, Koordinatorja Nënrajonale e FAO për Azinë Qendrore dhe Përfaqësuesi i FAO në Turqi dhe Uzbekistan.

 

Kalendari

Ngjarjet e datës 20 tetor 2018 - Kryeministri Ramush Haradinaj pret në takim ministrin e Punëve të Jashtme të Turqisë, Mevlut Çavusoglu. (Ndërtesa e Qeverisë, ora 9:00)

- Oda e Fizioterapeutëve të Kosovë organizon ditë e dytë të Kongresit e I-rë Ndërkombëtar të  Fizioterapisë në Kosovë. (Hotel Emerald, ora 10:00)

- Aleanca Franceze e Prishtinës mirëpret një ekspozitë me titull "Studio Alix: një shekull fotografi të Pireneve", e propozuar nga shoqata franceze "Écrits de lumière". (Aleanca Franceze në Prishtinë, rruga Lah Nimani, ora 11:00)

- Zëvendëskryeministri i Kosovës, Fatmir Limaj, merr pjesë në vënien e gurthemelit të Qendrës së Banimit Social në Malishevë. (Lagjja Mirëdita në Malishevë, ora 14:00)

- Kryeministri Ramush Haradinaj merr pjesë në përurimin e fillimit të punimeve të sheshit të Obiliqit. (Qendra e qytetit në Obiliq, ora 14:00)

- Kryetari i Nismës Socialdemokrate, Fatmir Limaj, mban nesër (e shtune) takim me strukturat drejtuese të degëve të Nismës në Malishevë, Suharekë dhe Rahovec. (Restaurant Bimi 3 në Malishevë, ora 15:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një masterclass rreth historisë së fotografisë shqiptare për studentët dhe fotografët. (Kino Armata, ora 16:00)

- Në edicionin e Festivalit Ballkanik të pjekjes dhe promovimit të rakisë, 'Rakia Fest', mbahet tribunë shkencore 'Rakia si mundësi e rritjes se mireqenjes se ekonomive familjare në viset e pasura me pemë. Investimet në funksion të joshjes së popu tës rurale për prodhimin artizanal të rakisë'. (Etnokompleksit të fshatit Kukaj, ora 12:00)