21 Tetor 2020

EC Ma Ndryshe nis biseda të gjelbra me nxënës të shkollave

Prishtinë, 15 tetor - EC Ma Ndryshe ka filluar ciklin e debateve “Green Talks - Biseda të gjelbra”, qëllimi i të cilave është nxitja e debatit për mjedis mes nxënësve të shkollave dhe përfaqësuesve të institucioneve.

Në debatin e parë kanë marrë pjesë nënkryetari i komunës së Prizrenit, Visar Shehu, nxënës dhe mësimdhënës nga ShFMU (Shkollat Fillore të Mesme të Ulëta) “Emin Duraku”, “Ibrahim Fehmiu”, “Mati Logoreci” dhe “Mustafa Bakiu”, si dhe përfaqësues të organizatës “EC Ma Ndryshe”.

Në fillim të këtij takimi është prezantuar projekti në kuadër të të cilit organizohet ky aktivitet nga Nora Simitçiu, EC Ma Ndryshe.

Po ashtu janë prezantuar edhe të gjeturat nga hulumtimi i fundit “Hapësirat Publike Gjelbëruese” në Prizren, realizuar nga EC, qëllimi i të cilit është vlerësimi direkt nga qytetarët mbi cilësinë e shfrytëzueshmërisë së hapësirave publike të cilat janë në dispozicion.

Para nënkryetarit Shehu, përfaqësues të shkollave prezente kanë paraqitur aktivitetet me të cilat angazhohen ata si shkollë, si dhe kanë adresuar disa pyetje që i shqetësojnë nxënësit, me theks të veçantë çështjet mjedisore.

Ata adresuan çështjen e qenve endacakë duke e parë shqetësuese këtë gjendje, si dhe adresuan çështjet e vendosjes së shportave për riciklim dhe mbjelljes së fidaneve. Po ashtu ata shprehën si shqetësim edhe gjendjen aktuale të krijuar të lumenjve tanë si rezultat i derdhjes së ujërave të zeza.

Në anën tjetër edhe z.Shehu i njoftoj të pranishmit për aktivitetet dhe projektet aktuale të Komunës. Ai i njoftoj të pranishmit për veprimin e Zyrës së Gjelbër në nivel të komunës si dhe prezantoi projektet aktuale dhe projektet e planifikuara për vitin e ardhshëm.

Nënkryetari njoftoj se do të intervenohet në shtimin e parkingjeve dhe shtigjeve për biçikleta. Potencoi që janë shqiptuar disa gjoba për personat që ndotin ambientin, janë pastruar 50 deponi ilegale si dhe publikoj që në fillim të vitit të ardhshëm do të funksionalizohet fabrika për trajtimin e ujërave të zeza në Vlashnje, kapacitet ky që do të mund ta mbuloj një pjesë të qytetit të Prizrenit.

Kalendari

Ngjarjet e datës 21 Tetor 2020

 - Vazhdimi i seancës plenare të Kuvendit të Republikës së Kosovës. (Salla e Kuvendit, ora 9:00)

- Kryeministri Avdullah Hoti mban konferencë për media. (Ndërtesa e Qeverisë, ora 9:30)

- Ministrja e Kulturës, Rinisë dhe Sportit Vlora Dumoshi viziton Komunën e Skenderajt ku do te takohet me Kryetarin Bekim Jashari. (Ndërtesa e komunës së Skenderajt, ora 10:00)

- Kryetari i Komunës së Prizrenit, Mytaher Haskuka do të merr pjesë në fillimin e punimeve për ndërtimin e infrastrukturës rrugore në rrugën “Fahredin Hoti”, e cila gjendet në lagjen “11 Marsi”. (Në afërsi të çerdhes publike në lagjen “11 Marsi” në Prizren, ora 10:00)

- Mbahet seanca plenare e Kuvendit të Republikës së Kosovës në të cilën do të mbahen tri interpelanca të kryeministrit Avdulla Hot. (Kuvendi i Kosovës, ora 10:00)

- Në ditën e dytë të Javës për të Drejtat e Viktimave të Krimit mbahet diskutimi me temë “Qasja e përgjithshme ndaj viktimave në kohën e pandemisë”. (Platforma zoom, ora 10:00)

- Komisioni për Buxhet dhe Transfere shqyrton Raportin vjetor financiar i Buxhetit të Republikës së Kosovës për vitin 2019, shqyrtimi i Projektligjit për Rimëkëmbjen Ekonomike - Covid-19, etj. (Ndërtesa e Kuvendit, salla C203, ora 10:00)

  - Ministrja e Kulturës, Rinisë dhe Sportit Vlora Dumoshi ndan certifikatave për ndërmarrësi në Skenderaj. (Skenderaj, ora 10:30)

- Kryetari i degës së PDK-së në Prizren Shaqir Totaj, mban konferencën e radhës. (Zyret e PDK-së në Prizren, ora 11:00)

- Këshilli Turk në Kosovë do të bëj përurimin e projektit të Klasës së Fizioterapisë në shkollën së mesme të mjeksisë "Hysni Zajmi". (Gjakovë, ora 12:00)

- Kampioni i botës në boks, Robin Haxhi Krasniqi viziton Komunen e Prishtines. (Objekti i Komunës, ora 12:00)

- Ministrja e Kulturës, Rinisë dhe Sportit Vlora Dumoshi viziton Komunën e Drenasit ku do të takohet me kryetarin Ramiz Lladrovci. (Ndërtesa e Komunës së Drenasit, ora 13:00)

- Me rastin e 25 vjetorit të rrëmbimit dhe vrasjes së Remzi Hoxhes mbahet konferencë për media. (Sëiss Diamond Prishtina, ora 13:00)

- Kryetari i Komunës së Prizrenit, Mytaher Haskuka do të merr pjesë në ceremoninë e fillimit të punimeve për ndërtimin e Fushës së Mbyllur të Tenisit, në oborrin e Qendrës Sportive "Sezai Surroi". (Oborri i Qendrës Sportive "Sezai Surroi" në Prizren, ora 14:00)

- Komisioni Qendror i Zgjedhjeve vazhdon mbledhjen e ditës së djeshme. (Ndërtesa e KQZ-së, në sallën që gjendet në katin e 4-t, ora 14:00)