21 Tetor 2019

Degradimi i moçaleve, lumenjve dhe liqeneve kontribuon në ngrohjen globale

Prishtinë, 1 shkurt - Me rastin e shënimit të Ditës Botërorë të Ligatinave WWF paralajmëron se humbja dhe degradimi i moçaleve, lumenjve dhe liqeneve kontribuon në problemin e ngrohjes globale.

Djegia e linjitit përbën një të dhjetën e emetimeve vjetore të gazrave serrë nga lëndët djegëse fosile dhe shkatërrimi i ligatinave kontribuon në afro një të katërtën e emetimeve globale të metanit.

Çdo vit, më 2 shkurt, shënojmë Ditën Botërore të Ligatinave, të cilat në nivel ndërkombëtar mbrohen nga Konventa Ramsar, përmes së cilës tentohet të rritet ndërgjegjësimi për rolin e tyre të rëndësishëm për njerëzit dhe natyrën.

Edhe ketë vit WWF si partner zyrtar i Konventës Ramsar dëshiron të theksojë rëndësinë e ruajtjes së ligatinave në luftën kundër ndikimeve negative të ndryshimeve klimatike.

Situata me të cilën përballemi sot është më shumë se alarmante. Ligatinat janë sistemet më produktive ekologjike, sepse ato thithin dhe mbajnë dy herë më shumë dioksid karboni se të gjitha pyjet botërore së bashku.

Edhe pse mbulojnë vetëm 3% të sipërfaqes së tokës, ato janë duke u zhdukur tre herë më shpejtë se sa pyjet tropikale.

Gjatë reshjeve të mëdha, ligatinat shërbejnë për ruajtjen, mbajtjen e ujit të tepërt që parandalon katastrofat natyrore dhe ekonomike, ndërkohë që vegjetacioni i tyre kontribuon në cilësinë më të mirë të ujit dhe vepron si një filtër që redukton ndikimin e burimeve të ndryshme të ndotjes.

Ambicia e vogla për mbrojtjen e ekosistemeve të ujërave të ëmbla nga shtetet anëtare të BE-se ka nxitur mbi 100 organizata joqeveritare që të nisin fushatën  #ProtectWater për t'u dhënë mundësinë qytetarëve në të gjithë Evropën të shprehin mendimet e tyre dhe të marrin pjesë në debatin publik gjatë procesit të vlerësimit të Direktivës se BE-se per Ujërat.

Deri tani më shumë se 250,000 njerëz i kanë thënë JO ndryshimit të rregullores më të fuqishme që siguron mbrojtjen e ujit.

Vetëm së bashku mund të ndryshojmë situatën aktuale dhe të parandalojmë humbjen e ligatinave dhe të vazhdojmë të përdorim shërbimet kryesore që u ofrojnë njerëzve dhe natyrës.

Është koha që individët, komunitetet dhe qeveritë të bashkëpunojnë për të mbrojtur ekosistemet e ujërave të ëmbla.

 
 

Kalendari

Ngjarjet e datës 21 tetor 2019  - Nën patronatin e Kryeprokurorit të Shtetit, Aleksandër Lumezi dhe në mbështetjen e Ambasadës Amerikane në Kosovë dhe UN Women-it, mbahet “Java për të Drejtat e Viktimave të Krimit” me ç‘rast do të organizohet konferencë ndërkombëtare me moton “Drejtësia rikthen dinjitetin e viktimave”. (Hotel Emerald, ora 10:00)

- Familja Hoxha mban konferencë për media për të shprehur zhgënjimin me Qeverinë Rama për neglizhencën në zbardhjen e fatin e Remzi Hoxhes. (Hotel The Plaza Tirana, orën 10:00)

- Kryetari i Gjilanit, Lutfi Haziri pret në takim kryetarin e Odës Ekonomike Indiano-Kosovare, Anil Mishra. (Zyra e kryetarit, ora 11:45)

- Aleanca Kosovare e Biznesve dhe Misioni Diplomatik për Paqe dhe Prosperitet  organizojnë ceremoninë zyrtare të vlerësimit për Vasfije Krasniqi-Goodman si Misionare e Paqës. (Zyrat e Misionit Diplomatik në Tiranë, rruga Donika Kastrioti, P14 Ap.3E, ora 12:00)