27 Nëntor 2020

Çmimi i ushqimit në botë u rrit 5 % gjatë muajit gusht

New York, 2 shtator - Organizata e Kombeve të Bashkuara për Bujqësinë dhe Ushqimin, FAO, tha se në muajin gusht çmimi global i ushqimit u rrit me 5 përqind, ndërkohë që thatësirat në Rusi dhe përmbytjet në Pakistan kanë dëmtuar grurin dhe të mbjella të tjera.

Por një raport i FAO-së i publikuar sot thotë se çmimet ende janë nën nivelin e afërsisht 40% të rritjes së çmimeve që u regjistrua në vitin 2008.

FAO shkurtoi parashikimet e saj mbi të korrat e grurit dhe orizit. Shkurtimi i furnizimeve rrit çmimet nëse niveli i kërkesave mbetet i njejtë ose rritet.

Edhe pse sasia e korrjeve do të jetë më e ulët se ç’është parashikuar për këtë vit, ajo ende pritet të jetë në shifra rekorde.

Korrjet e orizit gjithashtu pritet të bien më shumë se ç’ishte parashikuar, ndërkohë që problemet e motit në Filipine dhe Pakistan kanë prekur prodhimet e orizit. Por FAO thotë se prodhimi bujqësor në vendet e tjera do të sjellë furnizime ne shifra rekorde.

Delegatët nga gjithë bota do të diskutojnë ndryshimet e fundit në çmimet e grurit në takimin e këtij muaji në Romë.

Kalendari

Ngjarjet e datës 27 Nëntor 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën nga Malcolm Simmons, ish kryetar i Asamblese së Gjyqtarëve të EULEX-it, përfaqësuar sipas autorizimit nga dr. Artan Qerkini, avokat. (Ndertesa e Kuvendit, salla N302, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Instituti për Politika Zhvillimore mban konferencë për media me temë “Promovimi i efiçiencës së energjisë dhe burimeve të ripërtëritshme në Kosovë”. (Hotel Sirius, ora 10:00)

- Ministri i Infrastrukturës, Arban Abrashi, merr pjesë në nisjen e asfaltimit të zgjerimit të llotit të 4 të rrugës Podujevë - Prishtinë, gjegjësisht në fshatin Llugë. (Rruga Podujevë - Prishtinë, fshati Llugë, ora 11:00)

- Kryeministri Avdullah Hoti merr pjesë në shënimin e Ditës së Forcës së Sigurisë së Kosovës. (Kazerma Adem Jashari në Prishtinë, ora 12:00)

- Ministria e Mbrojtjes organizon ceremoninë e shënimit të Ditës së Forcës. (Ambientet e kazermës “Adem Jashari” në Prishtinë, ora 12:00)

- Aleanca Kosovare e Bizneseve  Kryeministri Avdullah Hoti do e përcjellin realizimin e eksportit të produkteve kosovare në Serbi e që lidhet me marrveshëjen në Shtëpinë e Bardhë në Washington për bashkëpunim ekonomik Kosovë - Serbi e cila pason me një marrëveshje mes dy operatorëve ekonomik. (Objekti i Agrokosova Holiding në zona industriale - Shirokë, Suharekë, ora 14:00)

- Kryeministri Avdullah Hoti në kuadër të Javës së Biznesit Kosovar 2020, viziton Verarinë ‘’Agro Kosova Holding ’’ në Suharekë. (Veraria ‘’Agro Kosova Holding ’’, Suharekë, ora 14:00)

 

- Partia Demokratike e Kosovës, Dega në Podujevë, bën sot përmbylljen e fushatës zgjedhore përmes një konference për media. (Restorant “Artela”, ora 14:00)