16 Nëntor 2018

Certifikohen 22 ekspertë të sigurisë ushqimore

Prishtinë, 7 dhjetor - Zëvendësministri i Bujqësisë, Pylltarisë dhe Zhvillimit Rural, Isni Kilaj, ka marrë pjesë sot në ceremoninë e certifikimit të inspektorëve dhe auditorëve vendorë për sigurinë ushqimore.

Gjatë kësaj ceremonie, e cila është organizuar nga USAID-i dhe MBPZHR-ja, shtatë ekspertë vendorë u pajisën me certifikatën inspektorë të GLOBAL.A.P-it dhe 15 të tjerë me certifikatën për auditor të HACCP-it, ku i gjithë procesi është bërë nga trupa certifikuese“AgroManagement”, nga Danimarka.

Me këtë rast, zëvendësministri Isni Kilaj, ka thënë se certifikimi i këtyre ekspertëve vendorë është një mundësi e mirë për agrobizneset vendore, pasi që në këtë mënyrë atyre do të ju ofrohet mbështetje profesionale për implementimin standardeve ndërkombëtare të sigurisë ushqimore në prodhimtarinë bujqësore.

Ai po ashtu, ka treguar se MBPZHR-ja edhe në vitin e ardhshëm do të ofrojë mbështetjen e saj për sektorin prodhues dhe përpunues në vend, me qëllim të rritjes së prodhimtarisë dhe cilësisë së prodhimeve bujqësore, që gjë sipas tij do të ndikojë që ato të jenë konkurrente edhe në tregun e huaj.

Zëvendësministri Kilaj me këtë rast, ka falënderuar USAID-in për mbështetjen që i ka dhënë  bujqësisë në vazhdimësi viteve të fundit.

Në anën tjetër, James Hope, drejtor i USAID-it në Kosovë, tha se implementimi i standardeve ndërkombëtare të sigurisë ushqimore në prodhimtarinë primare dhe atë të përpunimit është njëra nga sfidat për sektorin e bujqësisë dhe sipas tij certifikimi i këtyre ekspertëve do të jetë një ndihmesë e madhe në këtë drejtim.

Po ashtu, gjatë kësaj ceremonie 469 prodhues të mjedrës, të cilët edhe janë anëtarë të shoqatës “Mjedra e Llapit” nga Podujeva,  janë pajisur me certifikatën e sigurisë së ushqimit GLOBAL.A.P për mjedrën e kultivuar.
 

Kalendari

Ngjarjet e datës 16 nëntor 2018 - Mbahet takimi i radhës i Grupit Ndërministror për të Drejtat e Njeriut në Republikën e Kosovës. (Ndërtesa e Qeverisë, salla P-38, ora 9:00)

- Kryeministri Ramush Haradinaj merr pjesë në takimin e Grupit Koordinues Ndërministror për të Drejtat e Njeriut në Republikën e Kosovës. (Ndërtesa e Qeverisë, ora 9:00)

- Zyra e BE-së dhe Këshilli i Evropës do të bashkëorganizojnë një konferencë në kuadër të projektit të përbashkët kundër Krimit Ekonomik e cila do të përqëndrohet në rezultatet e vlerësimit pajtueshmërinë e Kosovës me standardet evropiane dhe ndërkombëtare në fushat e anti-korrupsionit, pastrimit të parave dhe luftimit të financimit të terrorizmit. (Swiss Diamond Hotel, ora 9:15)

- Mbahet seanca e jashtëzakonshme e Kuvendit të Republikës së Kosovës në të cilën do të mbahet debat parlamentar sipas kërkesës së 42 deputetëve për mbajtjen e seancës së jashtëzakonshme lidhur me dështimet dhe skandalet në politikën e jashtme të Republikës së Kosovës. (Kuvendi i Kosovës, ora 10:00)

- Koalicioni i Organizatave për Mbrojtjen e Fëmijëve organizon konferencën për avancimin e shërbimeve sociale. (Hotel Sirius, ora 10:00)

- Universiteti “Isa Boletini” nga Mitrovicë në bashkëpunim me Universitetin “Aleksandër Mosisiu” nga Durrësi organizojnë konferencën ndërdisiplinore ndërkombëtare "Vazhdimësia historike dhe ndryshimi: Ballkani në kontekst evropian dhe global". (Kampusi i ri i Universitetit “Isa Boletini” në Mitrovicë, ora 10:00)

- Koordinatori Nacional për Kulturë, Rini dhe Sport, Rexhep Hoti do të mbajë takim informues me Drejtorët Komunalë të Arsimit në Republikën e Kosovës ku do të shpaloset Programi Nacional për Rininë. (Hotel International në Veternik, ora 10:00)

- Ministria e Administrimit të Pushtetit Lokal organizon ceremoninë solemne për projektet e përzgjedhura për financim në kuadër të Thirrjes së Parë të Programit IPA BNK Mali i Zi – Kosovë 2014-2020. (Hotel International Prishtina, ora 12:00)

- Shfaqet për gazetarë premiera vendore të filmit të metrazhit të gjatë “Nëntori I ftohtë/Cold November” me regji të Ismet Sijarina ku pas shfaqes se filmit do të zhvillohet një konferencë për media ku prezent do të jenë disa prej protagonisteve kryesor. (Cineplexx në Albi Mall, ora 12:00)

- Sindikata e Pavarur e Sektorit Privat mban takim me punëtorët e Llamkosit. (Salla e Kuvendit Komunal të Vushtrrisë, ora 13:00)

- Lëvizja Vetëvendosje mban konferencë për media. (Zyrët qendrore te Vetëvendosjes, ora 14:00)

- Mbahet takimi i deputetëve të Kuvendit të Republikës së Kosovës me qytetarë të Drenasit. (Shtëpia e Kulturës në Drenas, ora 14:00)

- Kryeministri Ramush Haradinaj merr pjesë në inaugurimin e fillimit të punimeve të rrugës së qarkores së Gjakovës. (Rruga Gjakovë - Prizren, ish Fabrika e Elektromotorëve, ora 14:00)

- Muzeu i Kosovës organizon hapjen e ekspozitës “Moti i Madh” kushtuar Heroit të Kombëtar të shqiptarëve Gjergj Kastrioti-Skënderbeu. (Muzeu i Kosovës, ora 18:00)