25 Nëntor 2020

BE ndihmon Kosovën në menaxhimin e pyjeve

Prishtinë, 28 janar - Zyra ndërlidhëse e KE-së të premten (28 janar) do të lansoj një projekt dy vjeçar për përkrahjen e menaxhimit të pyjeve në Kosovë.

Nga ky projekt përfitojnë Ministria e Bujqësisë, Pylltarisë dhe Zhvillimit Rural dhe Agjencia Pyjore e Kosovës, të cilat do të udhëzohen për menaxhimin e pyjeve shtetërore dhe private sipas praktikave më të mira evropiane.

Ekspertiza do të jetë e përqendruar në zhvillimin e rrjetit kombëtar të rrugëve pyjore, menaxhimit të parqeve kombëtare, si dhe në trajtimin e çështjeve të prerjes ilegale të drunjve dhe fillimin e përdorimit të bioenergjisë nga drunjtë.  

Projekti do të vendos standardet e BE-së për menaxhim të qëndrueshëm të pyjeve në Kosovë.

Ministri i MBPZHR-së, Blerand Stavileci, shprehu bindjen se implementimi i këtij projekti do të shtoj kontributin dhe do të rrisë aktivitetet e shumëllojshmërisë në këtë sektor.

“Projekti i Binjakëzimit, i cili sot po fillon zyrtarisht, synon të shtoj kontributin dhe të rrisë aktivitetet e shumëllojshmërisë, për të gjeneruar mundësi punësimi nëpër zonat rurale dhe për të ndikuar në rritjen e aftësisë konkurruese”, tha ministri Stavileci.

Ai me tutje shtoi se, përfitimet e përgjithshme që variojnë nga ky bashkëpunim dhe binjakëzim, fuqizojnë sektorin pyjor në vendin tonë, sepse ofrojnë mundësi për të mësuar nga praktikat më të mira të Austrisë, Bullgarisë, Italisë dhe vendeve të tjera, nëpërmjet vizitave të ndryshme studiuese dhe këmbimit të përvojave për çështje që kërkojnë zgjidhje racionale në të mirë të të gjithëve, si për njeriun dhe mjedisin në të cilën jeton, ashtu edhe për shfrytëzimin efiçient të resurseve pyjore.

Melvin Asin, Zëvendësdrejtor i Operacioneve në Zyrën ndërlidhëse të Komisionit Evropian tha: “Pyjet ofrojnë kushte jetese për punëtorët, ndërmarrësit dhe pronarët e pyjeve, si dhe kontribuojnë dukshëm në rritjen ekonomike, vende të punës dhe prosperitet, posaçërisht në zonat rurale.  Ky projekt do të rrit rolin multifunksional të pyjeve."

Projekti pritet të stimuloj zhvillimin rural përmes përforcimit të sektorit pyjor dhe bujqësor, si dhe të punësimit në zonat rurale. Në të njëjtën kohë, projekti do të përkrahë përmirësimin e menaxhimit të zjarreve të pyjeve kombëtare, kafshëve të egra dhe menaxhimin e gjuetisë.     

Zyrtarët lokal do të përfitojnë nga ekspertiza e Austrisë, Bullgarisë dhe Italisë.  BE-ja financon këto aktivitete me 2.7 milion euro.

Kosova ka rreth 41% të territorit të mbuluar me pyje dhe këto resurse janë të rëndësishme për furnizim të vendit me lëndë të parë dhe me bioenergji.

Sektori pyjor ka rëndësi të madhe në përforcimin e ekonomisë së Kosovës.

Kalendari

Ngjarjet e datës 25 Nëntor 2020 - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit njofton me ftesën e Gjykatës Kushtetuese adresuar Kryetarit të Komisionit për Legjislacion, etj. (Ndërtesa e Kuvendit, salla N303, ora 9:00)

- Hapet edicioni i pestë të Panairit Nacional të Punës dhe të Karrierës, i cili për herë të parë do të organizohet online. (Përmes platformës virtuale: virtual.kosovafair.com, ora 9:00)

- Kryeministri Avdullah Hoti merr pjesë në shënimin e 25 Nëntorit - Fushatës Ndërkombëtare për Eliminimin e Dhunës ndaj Gruas. (Ndërtesa e Qeverisë, ora 10:00)

-  Komisioni për Buxhet dhe Transfere shqyrton raportet vjetore financiar të Operatorit të Sistemit, Transmisionit dhe Tregut, Zyrës Rregullative për Energji dhe Autoritetit Rregullativ për Komunikimeve Elektronike dhe Postare. (Ndërtesa e Kuvendit, salla C203, ora 10:00)

- Ministria e Arsimit dhe Shkencës në bashkëpunim me Agjencinë Austriake për Zhvillim, nën përkujdesje të Ambasadorit Austriak, Christoph Weidinger dhe Ministrit Ramë Likaj, do të bëjë lansimin zyrtar të Projektit “Heras Plus”. (https://zoom.us/j/91960516678?pwd=cFRXZXVodTR1Q1ZnQVNIaWtwWTd2QT09, - Meeting ID: 919 6051 6678 dhe Passcode: 167271, ora 10:00)

- Drejtësia Sot, platformë e Grupit për Studime Juridike dhe Politike organizon konferencën për media me temë “Si dështuan institucionet në trajtimin e rasteve të mosdeklarimit dhe deklarimit të rrejshëm të pasurisë”. (Hotel Sirius, ora 10:00)

- Sindikata e Pavarur e Sektorit Privat të Kosovës mbanë konferencë për shtyp, me qëllim të informimit për keqpërdorimin e punëtorëve në sektorin privat nga pronarët e kompanive dhe vet shteti. (Zyret e kësaj sindikate në objektin Ish Gërmia, ora 11:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport interviston kandidatët për Anëtarë të Këshillit të Kosovës për Trashëgimi Kulturore. (Ndërtesa e Kuvendit, salla N10, ora 11:00)

- Komuna e Prizrenit organizon debat publik me temën “Gjendja e përgjithshme e komuniteteve jo shumicë në Komunën e Prizrenit dhe bashkëpunimi”. (Shtëpia e Kulturës “Xhemajli Berisha”, ora 11:00)

- Instituti i Prishtinës për Studime Politike organizon diskutimin “Reforma për Racionalizimin e Agjencive: Faza e Dytë”. (https://us02web.zoom.us/j/89564823471?pwd=VmcwY2J5TVpWZWhZUGl2SVIrTFJ5QT09 - Meeting ID: 895 6482 3471 dhe Passcode: 192988, ora 11:00)

- Shënohet 76 vjetori i themelimit të Bibliotekës Kombëtare të Kosovës dhe në hapësirat e Bibliotekës do të hapen dy ekspozita për nder dhe kujtim të profesor Anton Çettës, ku do të merr pjesë edhe Ministrja e Kulturës, Rinisë dhe Sportit, Vlora Dumoshi. (Biblioteka Kombëtare, ora 12:00)

- Zëvendëskryeministrja e Kosovës, Albulena Balaj- Halimaj pret në takim zëvendëskryeministrin e parë të Maqedonisë së Veriut, Artan Grubi. (Ndërtesa e Qeverisë, ora 12:00)

- Hapet ekspozita “Anton Çetta : 100-Vjetori i lindjes” me libra dhe artikuj të/për Anton Çettën në koleksionet e BKK-së si dhe ekspozita e fotografisë: “Anton Çetta: 30-Vjetori i pajtimit të gjaqeve” ku do të paraqiten fotografi të publikuara për herë të parë. ((Biblioteka Kombëtare, ora 12:40)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve dhe diskuton planin e punës për periudhën e mbetur. (Ndërtesa e Kuvendit, salla N303, ora 13:00)

- Qendra për Informim, Kritikë dhe Aksion organizon konferencë për media në të cilën do të publikohet analiza për rastin e Suzana Zogëjani Sekiraqa, e cila është shpallur fajtore për vrasje të rëndë të bashkëshortit të saj dhe është dënuar me 25 vjet burgim. (Zyret e organizatës QIKA, në rrugën Hajdar Dushi, C2, Hy2/6, Prishtinë, ora 13:00)

- Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e drejtorit te prokurimit në SHSKUK-së, Selami Krasniqi. (Ndërtesa e Kuvendit, salla N302, ora 14:00)

- Kryeministri Avdullah Hoti i shoqëruar nga përfaqesues të Aleancës Kosovare e Bizneseve  viziton fabrikën Silcapor në Kaçanik ku do të përcjell eksportin e një kontigjenti të prodhimeve vendore në katër shtete regjionale e që kjo është edhe promovim i prodhimeve Made in Kosova në Ballkanin Perendimor. (Fabrika Silcapor, Kaçanik, ora 14:30)
 
- Kryeministri Avdullah Hoti merr pjesë në ceremoninë e ndriçimit të Ndërtesës së Qeverisë me ngjyrë portokalli, pjesë e aktiviteteve të Fushatës Ndërkombëtare për Eliminimin e Dhunës ndaj Gruas. (Ndërtesa e Qeverisë, ora 17:30)