02 Dhjetor 2020

Asgjësohet 60 ton mish dhe produkte ushqimore pa afat

Prishtinë, 22 shtator - Agjencia e Ushqimit dhe Veterinës ka asgjësuar 40 tonë mish dhe produkte të mishit dhe 20 tonë produkte të qumështit dhe akullore me afat të skaduar sot në deponinë e mbeturinave në Pejë.

Shefi i AUV Valdet Gjinovci ka konfirmuar lajmin se janë asgjësuar përmbi 40 ton mish të prishur dhe 20 ton produkte të qumështit dhe akullore në rajonin e Pejës.

Mësohet se kompanitë nga ku janë konfiskuar produktet e mishit janë, shitoret, Daja, Delfini, Genita, Apetiti, etj, ndërsa asgjësimi i këtyre artikujve është bërë në deponinë e mbeturinave në Zahaq të Pejës

Gjinovci tha se aksioni i asgjësimit të produkteve pa afat do të vazhdon edhe në të ardhmen, në mënyrë që mos te ketë më mish të prishur në tryezën e qytetarëve.

“Aksioni do të vazhdojë deri sa të mos ketë më mish të prishur dhe nuk do ta kursejmë asnjë kompani posedon mish pa afat”, tha Gjinovci.

Gjinovci tha se Detyre dhe përgjegjësi e AUV është mbrojtja e shëndetit publik te qytetarëve te vendit, mbrojtja e shëndetit te kafshëve dhe siguria e ushqimit, ne nivel vendi.

“Ju bej thirrje publike qytetare te gjithë operatorëve te biznesit te cilët merren me ushqim, nëse posedojnë produkte ushqimore me afat te skaduar ose i vërejnë se ato janë te pasigurta për konsum për arsye te ndryshme përfshi kushtet e ruajtjes, te njoftojnë sektorin përkatës te AUV për te realizuar asgjësimin e këtyre produkteve, sidomos operatoret që ofrojnë produkte me origjinë shtazore me theks të veçantë mish dhe produkte mishi, në të kundërtën jemi të obliguar të marrim masa sipas legjislacionit në fuqi”, tha ai.

Ai tha se inspektorët e AUV do të jenë në kontroll të vazhdueshëm të të gjithë operatorëve te biznesit dhe do të bëjnë eliminimin e produkteve të dëmshme të cilat rrezikojnë shëndetin e konsumatorëve, qytetarëve te vendit.

“Është duke u përgatit legjislacioni sekondar për siguri te ushqimit, është ligji bazë për ushqimin dhe 4 rregullore nga pakoja higjienike për ushqimin. Për te gjithë ata te cilët bien ndesh me ligjin do te veprohet dhe do të merren masa sipas legjislacionit në fuqi”, tha ai.

Kalendari

Ngjarjet e datës 2 Dhjetor 2020

- Sindikata e Infermierëve të Kosovës do të zhvilloj një takim me Minsitrin e Shëndetësisë, Armend Zemaj lidhur me kërkesat për rritje të pagesës së ndërrimeve të natës për infermier, pagesë të orëve shtesë dhe punës gjatë vikendeve si dhe për pagesë të rrezikshmerisë në punë. (Ndërtesa e Ministrisë, ora 8:30)

-  Komisioni Hetimor Parlamentar lidhur me procesin e privatizimit në Kosovë cakton datat e intervistave për dëshmitarë. (Ndërtesa e Kuvendit, salla N303, ora 9:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë Komunale e Arsimit, Xhemile Thaçi - Vezgishi, do të marrin pjesë në përurimin e fillimit të punimeve për ndërtimin e aneksit të objektit shkollor “Naim Frashëri” në fshatin Vlashnje. (Vlashnje, ora 10:00 - Nisja nga Shtëpia e Bardhë, ora 9:30)

- Gjykata Kushtetuese e Republikës së Kosovës do të mbajë seancë dëgjimore publike në të cilën do të shqyrtohet kërkesa KO95/20, që për objekt të shqyrtimit ka: “Vlerësimin e kushtetutshmërisë së Vendimit të Kuvendit të Republikës së Kosovës Nr.  07/V-15, të miratuar më 3 qershor 2020, përkitazi me zgjedhjen e Qeverisë së Kosovës”. (http://gjk-ks.org/live-streaming/, ora 10:00)

- Lëvizja FOL organizon diskutim online ku do të publikohet raporti “Dështimet e Kuvendit në Funksionalizimin e Agjencisë për Informim dhe Privatësi”. (Diskutimi mbahet online përmes platformës ZOOM, ora 10:00)

- Komisioni për Buxhet dhe Transfere shqyrton raportin vjetor financiar i Këshillit Gjyqësor të Kosovës, Këshillit Prokurorial të Kosovës, Komisionit Qendror të Zgjedhjeve dhe Komisionit për Ndihmë Shtetërore si dhe Raportit të Ndihmës Shtetërore. (Ndërtesa e Kuvendit, salla C203, ora 10:00)

- Me rastin e 76 vjetorit të lindjes së ish-Presidentit Historik të Kosovës Dr. Ibrahim Rugova, kryesia e LDK-së bën homazhe te varri i tij. (Velani, ora 10:30)

- Organizata për Rritjen e Cilësisë në Arsim publikon raportin "Integriteti akademik, publikimi shkencor dhe justifikimi i titujve akademikë në Universitetin e Gjakovës". (Zyra e ORCA-s afër Librarisë Buzuku, ora 11:00)

- Kryeministri Avdullah Hoti merr pjesë në ceremoninë e inaugurimit të Kompleksit Memorial ‘’Dr. Ibrahim Rugova’’. (Istog, ora 12:00)

- Baleti Kombëtar i Kosovës mban konferencë për media me rastin e Premierës së shfaqjes “Sisters”. (Teatri Kombëtar i Kosovës, ora 13:00)

- Partia Demokratike e Kosovës mban konferencë për media në të cilen do të flasë shefi i Grupit Parlamentar, njëkohësisht, anëtari i Kryesisë, Bedri Hamza. (Zyret e Selisë Qendrore, ora 13:30)  

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës interviston drejtoreshën e Barnatores Qëndrore në SHSKUK-së, Gezime Pllana. (Ndertesa e Kuvendit, salla N303, ora 14:00)

- Mbahet ceremonia e nënshkrimit të marrëveshjeve të bashkëfinancimit në lidhje me “Thirrjen publike për subvencionim të NMVM-ve me pronësi të grave ndërmarrëse”, ku prezent do të jetë edhe ministri Vesel Krasniqi. (objekti i MTI-së, ora 14:00)

- Me rastin e fushatës "16 ditë aktivizëm për dhunën ndaj gruas", në bashkëpunim me UNDP-në do të bëhet ndriçimi i Shtëpisë së Bardhë ku do të jetë i pranishëm edhe kryetari i Komunës, Mytaher Haskuka dhe përfaqësuesja e Përhershme e UNDP-së në Kosovë, Maria Suokko. (Shtëpia e Bardhë në Pirzren, ora 16:00)