01 Dhjetor 2020

AKB: Të mbrohen prodhimet vendore

Prishtinë, 23 prill - Kryetari i Aleancës Kosovare të Biznesit Agim Shahini me disa përfaqësues të komunitetit të agrobiznesit kanë vizituar sot Ministrinë e Bujqësisë, Pylltarisë dhe Zhvillimit Rural, ku janë pritur nga ministri Blerand Stavileci me bashkëpunëtorët.

Kryetari i AKB-së  që fillim të fjalës së tij  ka dhënë  një rezyme të shkurtër të aktiviteteve që  AKB-ja i ka bërë në rrafshin e zhvillimit të agrobiznesit në shumë sektorë të saj, duke u fokusuar në çështjet më kruciale që kanë të bëjnë me zvoglimin e importit të prodhimeve bujqësore e të rritjes së prodhimtarisë në bujqësi.

Kjo, ka thënë tutje ai, mundëson hapjen e vendeve të reja të punës dhe duke mbrojtur prodhimet  vendore, rritet masa e mjeteve financiare për buxhetin e Kosovës dhe pamundëson “derdhjen” e miliona eurove jasht vendit. Mirëpo, edhepse kemi një import të madh të prodhimeve bujqësore ka thënë tutje Shahini, në rrafshin e eksporteve, Kosova identifikohet me prodhimin e patateve, që ka një bilanc të mirë të eksportit në vendet e rajonit.

Po ashtu në këtë takim është folur edhe për çështje të tjera që janë me interes për bujqësinë kosovare, siç është kultivimi , për herë të parë pas luftës, i lulediellit dhe prodhimi i vajit nga ky prodhim bujqësor, pastaj mbrojtja e  produkteve që janë profitabile dhe të avancuara.

Ministri Blerand Stavileci ka shprehur gatishmërinë për të mbështetur AKB-në në fushën e agrobiznesit, duke ofruar kështu parakushte reale që e mundësojnë këtë dhe u ka premtuar atyre se shumë shpejt do të jetë në dispozicion edhe një strategji zhvillimore, që do të konkretizohet me  aktivitete konkrete vepruese sipas shkallës së prioriteteve, sepse, tha ministri Stavileci, zhvillimi i bujqësisë nuk do të jetë vetëm me mbështetje  grantesh, por edhe me komponentën e zhvillimit më të hovshëm të saj.

 

Kalendari

Ngjarjet e datës 1 Dhjetor 2020 - Komisioni Hetimor Parlamentar lidhur me procesin e privatizimit në Kosovë në të cilën do të behët plotësimi i listës së dëshmitarëve. (Ndërtesa e Kuvendit, salla N10, ora 9:00)

- Drejtorit të AKI-së raporton para Komisionit për Mbikëqyrjen e Agjencisë së Kosovës për Inteligjencë lidhur me gjendjen e sigurisë në vend. (Ndërtesa e Kuvendit, salla N204, ora 9:30)

- Campus France, Ambasada Frnceze në Kosovë, Aleanca Franceze e Prishtinës dhe Universiteti i Prishtinës organizojnë Panairin e tretë Universitar Francez në Kosovë. (online -https://tourneebalkanskosovo.com, ora 10:00)

- Mbahet edicioni i 5-të virtual i Green Business Expo. (Businessexpo.greenkosovo.com, ora 10:30)

- Ministri i Shëndetësisë Armend Zemaj raporton para Komisionit për Mbikëqyrjen e Financave Publike lidhur me raportin e auditimit për Pasqyrat Vjetore Financiare të vitit 2019, për Ministrinë e Shëndetësisë. (Ndërtesa e Kuvendit, salla N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike diskuton lidhur me rekomandimet e dala nga “Raporti për vendin për vitin 2020, i Komisionit Evropian” me të ftuar ministrat dhe përfaqësuesit e agjencive të pavarura. (Ndërtesa e Kuvendit, salla N506, ora 11:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave Muhamet Malësiu dhe drejtorin e Autoritetit të Rajonit të Pellgjeve Lumore, nga Ministria e Ekonomisë dhe Ambientit, Gani Berisha lidhur me lejet e lëshuara për operimin e dy hidrocentraleve nga kompania “Kelkos Energy”. (Ndërtesa e Kuvendit, salla N225, ora 11:00)

- Nënkryetari i Partisë Demokratike të Kosovës, njëkohësisht, kryetari i Degës së PDK-së në Prizren, Shaqir Totaj, i shoqëruar nga deputetja Eliza Hoxha, mbajnë konferencë për media në të cilën do të flasin për shtatoren e re të Skënderbeut, punën e dobët artistike dhe lokacionin jo adekuat. (Zyret e PDK-së në Prizren, ora 11:00)  

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston kryetarin e Komunës së Deçanit, Bashkim Ramosaj. (Ndërtesa e Kuvendit, salla N225, ora 13:00)

- Partia Demokratike e Kosovës, Dega në Prishtinë, do të mbajë konferencë për medie. (Te stacioni i autobusëve urbanë “Katedralja”, ora 13:00)

- Zyrtarët e Agjencisë së Ushqimit dhe Veterinarisë raportojn para Komisionit për Bujqësi, Pylltari, zhvillim Rural, Infrastrukturë dhe Mjedis rreth importimit të vajit të palmës. (Ndërtesa e Kuvendit, salla N204, ora 13:00)

- Instituti Demokraci për Zhvillim (D4D) mban diskutimin “Rimëkëmbja nga viti 2020: Si të rindërtojmë ekonominë dhe politikat sociale në vitin 2021?”. (Hotel Sirius, ora 17:00)