27 Maj 2019

Agrobiznesi në Evropë dhe Azi vlerësohet si 'inovativ' dhe 'përfshirës'

Voronezh, 21 maj - Sesioni i tridhjetë e njëtë i Konferencës Rajonale të FAO-s për Europën që u zhvillua për herë të parë në Federatën Ruse përfundoi punimet pas tre ditëve diskutimevesh intensive.

Konferenca ishte e pesta në vazhdën e konferencave rajonale pranverore për Afrikën, Amerikën Latine dhe Karaibet, Azinë dhe Paqësorin, dhe Lindjen e Afërt dhe Afrikën e Veriut.

Dyzet e tre vende nga 53 vende të përfshira plus pjesëmarrje e Bashkimit Evropian, vëzhgues dhe përfaqësues nga organizatat e shoqërisë civile, sektori privat dhe bota akademike morën pjesë në debatet lidhur me sfidat kryesore për sigurinë e ushqimit në rajon.

Jose Graziano da Silva, Drejtori i Përgjithshëm i Organizatës së Kombeve të Bashkuara për Ushqimin dhe Bujqësinë (FAO), theksoi rëndësinë e Axhendës 2030 për Zhvillimin të Qëndrueshëm dhe rolin e Konferencës Rajonale për të reflektuar se si Evropa dhe Azia Qendrore mund të bëjnë kalimin drejt qëndrueshmërisë së bujqësisë dhe sistemeve ushqimore në një klimë të ndryshueshme.

Ndërsa uria në botë u rrit në vitin 2017, rajoni në tërësi ka bërë përparim të konsiderueshëm në reduktimin e pasigurisë ushqimore.

Megjithatë, dallime të mëdha mbeten midis vendeve, rreth 14.3 milionë njerëz në rajon ende përjetojnë pasiguri të thella ushqimore në aksesin ndaj ushqimit, dhe shumë vende në Evropë dhe Azi Qëndrore ballafaqohen me të ashtuquajturën "barrë të trefishtë" të kequshqyerjes: kequshqyerje, mungesa ne vlera ushqimore  dhe mbipeshën de obezitet.

Konferenca adresoi nevojën për të forcuar bujqësinë e qëndrueshme dhe theksoi potencialin e agroekologjisë dhe drejtimeve të tjera.

Gjithashtu u theksua rëndësia për të miratuar të një "qasje të përbashkër ndaj sistemit ushqimor" me qëllim përballimin e sfidave të ndryshme që prekin bujqësinë dhe sigurinë ushqimore dhe vuri në dukje dobësinë e rajonit për ndryshimet klimatike për shkak të ekosistemeve të brishta dhe kapaciteteve të kufizuara të menaxhimit të rrezikut.

Pjesëmarrësit e konferencës theksuan rëndësinë e zhvillimit të e-bujqësisë si një mjet për zbatimin e Axhendës 2030 dhe inkurajoi pjesëmarrësit të ndajnë praktikat e mira dhe mësimet e nxjerra nga iniciativat dhe zbatimi i e-bujqësisë.

FAO-s iu kërkua që të ndihmojë vendet e rajonit për të përfituar më tej nga e-bujqësia - për shembull nëpërmjet ndarjes së njohurive, ngritjes së kapaciteteve, mbledhjes së të dhënave dhe analizës së praktikave të mira.

Konferenca gjithashtu miratoi drejtimin strategjik të Organizatës, nëpërmjet zbatimit të Kornizës së saj Strategjike dhe tre nismave rajonale: 1) fuqizimin e fermerëve të vegjël dhe fermave familjare për përmirësimin e jetesës rurale dhe reduktimin e varfërisë; 2) përmirësimin e tregtisë agro-ushqimore dhe integrimin e tregut; 3) iniciativa rajonale për burimet natyrore dhe ndryshimet klimatike.

Së fundi, një takim dytësor me temë "Zero Uri", nënvizoi nevojën urgjente për të zvogëluar sasinë e mbetjeve ushqimore dhe humbjet, pasi një e treta e ushqimit të prodhuar për konsum nga njerëzit humbet ose hidhet në nivel global, që shkon në rreth 1.3 miliard ton në vit.

Drejtori i Përgjithshëm theksoi se humbjet e ushqimit paraqesin humbje të burimeve të përdorura në prodhim - si toka, uji, energjia dhe lënda e parë, duke rritur emetimet e gazrave serrë.

 

Kalendari

Ngjarjet e datës 27 maj 2019 - Shefi i Shtabit të Përgjithshëm të Forcave të Armatosura të Malit të Zi, Dragutin Dakic pritet me ceremoni ushtarake në Ministrinë e Mbrojtjes ku edhe do te takohet me Gjeralin e FSK-se Rrahman Rama. (Objekti i Ministrisë së Mbrojtjes, ora 9:00)

- Shefja e Zyrës së Bashkimit Europian, Nataliya Apostolova do të marrë pjesë në ngjarjen e nisjes të fazës së dytë të projektit Harmonizimi i Arsimit me Tregun e Punës. (Hotel Emerald, ora 9:15)

- Ministri i Kulturës, Rinisë dhe Sportit, Kujtim Gashi merr pjesë në hapjen e ditës Olimpike në Ferizaj. (Ferizaj, ora 9:30)

- Në organizim të Komitetit Olimpik të Kosovës e në bashkëpunim me DKRS-në dhe me Drejtorinë e Arsimit të komunës së Mitrovicës do të organizohet Dita Olimpike e Kosovës dhe me këtë rast do të mbahet një vrapim në të cilin do të marrin pjesë të gjithë nxënësit e moshës 11 vjeçare të shkollave fillore të qytetit të Mitrovicës. (Sheshi “Adem Jashari” në Mitrovicës, ora 9:30)

- Kryeparlamentari Kadri Veseli pret në takim nënkryetarin e Këshillit të Atlantikut, Damon Wilson. (Kabineti i Kryeparlamentarit, ora 9:35)

- Ministri i Mbrojtjes së Republikës së Kosovës, Rrustem Berisha takohet me Shefin e Shtabit të Përgjithshëm të Forcave të Armatosura të Malit të Zi, Dragutin Dakic. (Kabineti i Ministrit të Mbrojtjes, ora 9:45)

- Komisioni Hetimor Parlamentar në lidhje me gjendjen në PTK dhe Vala shqyrton Plotësim-ndryshimin e kërkesës për buxhet si dhe formimin e grupeve hetuese në kuadër të Komisionit. (Ndërtesa e Kuvendit, sallën N 303, ora 10:00)

- 25 kompani vendore që kanë dhënë shërbimet në ndërtimin e autostrades Arben Xhaferi protestojnë për shkak të mos kryerjes se pagesave ndaj këtyre kompanive për punën që kanë kryer. (Para kampit Bectel & Enca në Ferizaj

-  Kuvendi Komunal në Deçan mban mbledhje të jashtëzakonshme lidhur me zbatimin e vendimit të Gjykatës  Kushtetuese dhe pasojat për Zhvillimin  Ekonomik të Komunës së Deçanit. (Salla e Asamblesë Komunale, ora 10:00)

- Mbahet mbledhja e Këshillit Gjyqësor të Kosovës. (Ndërtesa e Këshillit Gjyqësor, ora 10:00)

- Kryeministri Ramush Haradinaj pret në takim delegacionin nga North Atlantic, të prirë nga zv.presidenti ekzekutiv Damon Wilson. (Ndërtesa e Qeverisë, ora 10:10 - vetëm pamje)

- Kryeparlamentari Kadri Veseli pret në takim ndihmës sekretarin gjeneral të OKB-së për Evropë, Azinë Qendrore dhe SHBA, Miroslav Jenca. (Kabineti i Kryeparlamentarit, ora 10:15)

- Ministri i Kulturës, Rinisë dhe Sportit, Kujtim Gashi do të zhvilloj vizitë në Komunën e Ferizajit me ç’rast do të nënshkruaj memorandum bashkëpunimi për financimin e projekteve kapitale. (Komuna e Ferizajt, ora 10:30)

- Ministri i Kulturës, Rinisë dhe Sportit, Kujtim Gashi mban konferencë për media. (Ambientet e Komunës, ora 11:00)

- Drejtori për Buxhet dhe Financa i Komunes se Gjilanit, Zijadin Maliqi mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Projektligjit për mbrojtjen e ajrit nga ndotja. (Ndërtesa e Kuvendit, salla N 302, ora 11:00)

- Kryeparlamentari Kadri Veseli, bashkë​ me ministrin e Shëndetësisë, Uran Ismaili, merr pjesë në ceremoninë e nënshkrimit për herë të parë në Kosovë, të Udhëzimin Administrativ për rregullimin dhe unifikimin e çmimit të barnave në nivel vendi. (Hotel Sirius, ora 11:00)

- Ministri i Kulturës, Rinisë dhe Sportit, Kujtim Gashi bashk me kryetarin e Komunës së Ferizajit Agim Aliu, vizitojnë punimet e Qendrës Multifunksionale në fshatin Greme. (Fshati Greme, ora 11:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të operacionit “Shigjeta DO-2” dhe luftimeve në Pashtrik. (Fshati Planejë, Komuna e Prizrenit, ora 12:00)
 
- Kryeministri i Kosovës, Ramush Haradinaj dhe Ambasadori Christian Heldt do të mbajnë fjalë rasti gjatë inaugurimit të Katedrales së Novobërdës të restauruar rishtaz. (Novobërdë, afër Kalasë, ora 13:00)

- Kryeministri Ramush Haradinaj merr pjesë në zbulimin e pllakës së Shtabit Lokal. (Baran- Komuna e Pejës, ora 16:30)

- Kryeministri Ramush Haradinaj merr pjesë në zbulimin e pllakës së Betejës së 29 Majit. (Vranoc, ora 16:50)

- Kryeministri Ramush Haradinaj merr pjesë në zbulimin e pllakës së betejës së 29 Majit. (Kryshec, ora 17:10)