30 Nëntor 2022

2.000 pemë të reja kundër Black Friday

Cyrih, 24 nëntor - Të shpëtosh botën nuk është punë e lehtë, siç dëshmuan kompromiset e fundit të Samitit COP27.

Nëse liderët global nuk mund t'i zgjidhin këto çështje urgjente, çfarë shprese ka që këtë mund ta bëjë njeriu mesatar?

Sipas Social Friday, ndryshimet e vogla në nivel lokal mund të bëjnë ndryshime të mëdha globalisht. Bizneset, OJQ-të dhe organizatat studentore mund të fillojnë të kontribuojnë këtë Black Friday (të Premte të Zezë) duke iu bashkuar lëvizjes së Social Friday (e Premtja Sociale) për të bërë të mira sociale në komunitetet e tyre lokale.

“E Premtja e Zezë është një stuhi ofertash të mëdha me kosto të madhe për mjedisin, me sasi të paqëndrueshme të prodhimit, transportit dhe konsumit të mallrave dhe mbetjeve që rezultojnë”, thotë Fikret Zendeli, themeluesi i Social Friday.

Disa aktivistë sugjerojnë që ta zëvendësojmë të premten me një "Ditë e të mos bërit asgjë" – ne në Social Friday, themi të bëjmë diçka; të dalim në komunitetin lokal dhe të angazhohemi në të mirë të shoqërisë!”

Edhe pse e Black Friday i dha ekonomisë një përfitim prej 9 miliardë dollarësh në vitin 2020, ajo solli gjithashtu më së shumti ndotje në historinë e kësaj ngjarje, me 429.000 tonë metrikë të gazrave serrë të liruar vetëm në një ditë në Mbretërinë e Bashkuar.

 E kombinuar me statistikën që 80% të artikujve përfundojnë si mbeturina, emri i të Premtes së Zezë është i merituar kur bëhet fjalë për mjedisin.

“Ne të gjithë e dimë se sa joproduktive është një pasdite normale e së premtes – dhe potencialin që kanë të mirat sociale për të transformuar komunitetet lokale,” shton Zendeli.

"Social Friday merr pasditet joproduktive të së premteve në zyrë dhe i përdor ato si një forcë prodhuese për të mirën, që e mbështetë komunitetin lokal. Është fitore për të gjithë.”

Më këtë 25 nëntor do të sfidohet Status Quo-ja. Në një nga nismat e përbashkëta, në zonën e Shkupit do të mbillen 2000 pemë.

Nëse një kompani e vogël nga Maqedonia e Veriut mund të mbjellë mijëra pemë në një ditë, imagjinoni se si do të dukej bota nëse kompanitë e mëdha anembanë globit do të mbillnin pemë, në vend që të bënin Black Friday. T’i japin natyrës dhe ta rikthejnë atë për brezat e ardhshëm. Ose duke u bashkuar për të adresuar padrejtësitë sociale.

Siç është ekspozita e ardhshme e veprave artistike të krijuara nga fëmijët e Shtëpisë për Jetimët në Social Friday 3Q22, ku të gjitha të ardhurat shkojnë për jetimoren e fëmijëve.

Ndërsa kontribuon e jep mbrapa për komunitetin, Social Friday gjithashtu u jep punonjësve një pasdite të së premtes pa brejtje të ndërgjegjes. Që të sjellin ndryshime krahas të gjitha përfitimeve nga aktivitetet tradicionale të ndërtimit të ekipit dhe rritjes së produktivitetit për javën e punës.

Për Social Friday

Social Friday është një nismë globale e Përgjegjësisë sociale të korporatave, që i kthen pasditet joproduktive të së premtes në ndërgjegjësim shoqëror dhe akte të organizuara bujarie.

Miliona orë shpenzohen në mënyrë joproduktive çdo të premte.

Ideja e së Premtes Sociale është që të aktivizojë kompanitë, organizatat dhe universitetet, të organizohen dhe t'i kushtojnë katër pasdite të së premtes çdo vit (një në çdo tremujor) vullnetarizmit për një kauzë sociale lokale.

Kalendari

Ngjarjet e datës 30 nëntor 2022

- Iniciative për Drejtësi dhe Barazi INJECT dhe Iniciativa Kosovare për Stabilitet IKS organizojnë diskutimin publik për iniciativat e reja ligjore për Mbrojtjen e Grave. (Hotel Sirius, ora 9:00)

- Kosova Women 4 Women  në bashkëpunim me Departamentin e Punës Sociale të Universitetit të Prishtinës organizon konferencën "Politikat në veprim kundër dhunës në baza gjinore". (Hotel Sirius, ora 9:00)

- Zëvendëskryeministër i parë për Integrim Evropian, Zhvillim dhe Dialog, Besnik Bislimi raporton para Komisionit për Integrim Evropian. (Ndërtesa e Kuvendit, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë shqyrton kërkesën për shtim të mjeteve buxhetore për Agjencinë e Kosovës për Inteligjencë në Projektligjin për Buxhet për vitin 2023. (Ndërtesa e Kuvendit, salla N302, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me Fabian Salvioli raportues special i OKB-së për promovimin e së vërtetës, drejtësisë, dëmshpërblimit dhe garancive për mospërsëritje të shkeljeve të të drejtave të njeriut dhe të së drejtës ndërkombëtare. (Ndërtesa e Kuvendit, salla N10, ora 10:00)

- Agjencia e Punësimit në bashkëpunim me GIZ Kosova, Universitetin e Prishtinës dhe Oda Ekonomike Gjermano-Kosovare organizojnë ceremoninë e hapjes së edicionit të shtatë të Panairit Kombëtar të Punës, Karrierës dhe Ndërmarrësisë. (Salla “1 Tetori”, ora 10:00)

- Komisioni për Buxhet, Punë dhe Transfere shqyrton raportet lidhur me shqyrtimin e Projektligjit për Borxhin Shtetëror dhe Garancitë Shtetërore. (Ndërtesa e Kuvendit, salla C203, ora 10:00)

- Institutit për Politika Zhvillimore organizon edicionin e dytë të Forumit të OZhQ-ve me titull ‘Koordinimi në mes të nivelit lokal dhe qendror të qeverisjes për zbatimin e Agjendës 2030'. (Hotel Emerald, ora 10:00)

- Komuna e Rahovecit organizon konsultimin publik me qytetarë për planin e Mobilitetit Urban në Rahovec. (Hotel Park Plaza, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, nga fushëveprimi që mbulon Komisioni për Legjislacion. (Ndërtesa e Kuvendit, salla N204, ora 11:00)

- Aleanca Kosovare e Bizneseve mban Kuvendin e VIII Zgjedhor Qendror. (Hotel Amazona, ora 11:00)

- Mbahet seanca plenare e Kuvendit​ të Republikës së Kosovës në të cilën do të paraqitet në interpelancë me kryeministrin, Albin Kurti për çështjen: "Masat urgjente të Qeverisë së Republikës së Kosovës në raport mesituatën e krijuar në vend". (Kuvendi i Kosovës, ora 11:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Komunën e Kamenicës me ç ‘rast do të​ takohen me Kryetarin, Kadri Rahimaj. (Komuna e Kamenicës, ora 12:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Shkollën Fillore të Mesme të Ulët, "Xhavit Ahmeti" në fshatin Hodonoc, Komuna e Kamenicës. (Objekti i Shkollës në fshatin Hodonoc, ora 13:00)

- Komisioni Qendror i Zgjedhjeve mban mbledhjen e radhës. (Objekti i KQZ-së, ora 14:00)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të jenë afër grave që udhëheqin biznese, znj. Ibadete Sadiku, znj. Kadrije Mustafa dhe znj. Emine Kërhanaj. (Kamenicë, ora 15:00)