03 Prill 2020

Xhamajka bëhet shteti i 117 që njeh pavarësinë e Kosovës

Prishtinë, 20 shkurt - Presidenti i Kosovës, Hashim Thaçi, ka bërë të ditur se shteti i Xhamajkës e ka njohur pavarësinë e Kosovës, transmeton Anadolu Agency (AA).

Thaçi në një postim në rrjetet sociale tha se, njohja i është bërë të ditur nga ambasadorja e Kosovës në Shtetet e Bashkuara të Amerikës (ShBA), Vlora Çitaku.

"Lajm i mrekullueshëm! Sapo u njoftova nga ambasadorja Vlora Çitaku se Xhamajka ka njohur Republikën e Kosovës si sovran dhe të pavarur", shkroi presidenti Thaçi, duke shtuar se ky është një rezultat i punës së madhe dhe lobimeve për vite me radhë.

Xhamajka (Jamaica) është shtet ishullor në detin e Karaibeve. Ajo është ishulli i tretë më i madh i Antileve të Mëdha. Numri i popullsisë arrin në rreth 2,6 milionë banorë. Kryeqytet i Xhamajkës është Kingston me rreth 650 mijë banorë, i cili është edhe porti më i madh detar.

Kosova gjatë vitit 2019 nuk mori asnjë njohje. Para Xhamajkës, njohja e fundit e pavarësisë së Kosovës erdhi nga Barbados, më 15 shkurt të vitit 2018.

Kalendari

Ngjarjet e datës 2 Prill 2020

- Presidenti i Kosovës, Hashim Thaçi, pret në takim kryetarin e AAK-së, Ramush Haradinaj, për t’u konsultuar lidhur me formimin e Qeverisë së re, ose shkuarjen në zgjedhje. (Zyra e Presidentit, ora 10:00) 

- Presidenti i Kosovës, Hashim Thaçi, pret në takim kryetarin e Listës Serbe, Goran Rakiq. (Zyra e Presidentit, ora 10:30) 

- Presidenti i Kosovës, Hashim Thaçi, pret në takim kryetarin e Nismës, Fatmir Limaj. (Zyra e Presidentit, ora 11:00) 

- Presidenti i Kosovës, Hashim Thaçi, pret në takim përfaqësuesit e Grupit Parlamentar 6 Plus. (Zyra e Presidentit, ora 11:30)