20 Nëntor 2018

Weber: Ka kaluar koha e kompromisit Beograd – Prishtinë

Beograd, 11 korrik - Eksperti i Këshillit të Berlinit për politika të demokratizimit, Bodo Weber ka vlerësuar se ka kaluar koha për normalizimin e marrëdhënieve mes Kosovës dhe Serbisë përmes kompromisit.

Në konferencën “Shqiptarët dhe serbët” organizuar nga agjencia Tanjug dhe Agjencia Telegrafike Shqiptare, mbajtur në Beograd ai ka theksuar se normalizimi i marrëdhënieve me Kosovën nuk mund të bëhet përmes ballafaqimit të shoqërisë serbe me të kaluarën, por me të ardhmen.

"Kosova është e humbur për Serbinë dhe në dialog nuk do të ketë zgjidhje përmes kompromisit, ka thënë Weber. “Kjo shans është humbur nga Serbia në vitin 2011 apo 2013”, theksoi ai.

Weber ka kritikuar ashpër politikën serbe që tash e tre decenie, ka instrumentalizuar çështjen e Kosovës, duke mashtruar opinionin publik, se do ta kthejë procesin në rrugën drejt kompromisit.

Rrëfimi për pajtimin mes dy popujve paraqet një keqpërdorim nga ana e Qeverisë serbe, me qëllim ndarjen e Kosovës, vlerëson Weber.

Sipas tij, marrëveshja mes serbëve dhe shqiptarëve, nuk mund të shkojë përmes rrugës Tiranë – Beograd, por në pjesën më të madhe Prishtinë – Beograd.

Weber,  ka theksuar se është më se e nevojshme, që të ketë përparim në procesin e formimit të Asociacionit  të Komunave serbe, ndërsa ka kritikuar tendencën për diskutime se kush do të qeverisë me territore dhe jo si të qeveriset.

Me këtë mënyrë të menduarit, duhet thënë se përmes dialogut deri më tani, shqiptarët e Kosovës kanë fituar më së paku, Serbia më së shumti, kurse serbët e Kosovës, pothuaj asgjë, tha Weber.

Eksperti Weber, ka kritikuar edhe kryeministrin e Shqipërisë Edi Rama, i cili, sië tha Weber “ka tendenca të aktrojë babain e kombit shqiptar”. Ai mund të mësojë nga historia jo e largët e Serbisë se interpretimi i rolit të babait të kombit është një koncept i keq, pasi historia ka treguar se gjithmonë e pësojnë fëmijët dhe jo babai”.

Kalendari

Ngjarjet e datës 20 nëntor 2018 - Ministri i Tregtisë dhe Industrisë, Endrit Shala nënshkruan marrëveshje bashkëpunimi me IFC-në. (Holli i MTI-së, ora 10:00)
- Grupi për Studime Juridike dhe Politike organizon panelin e diskutimit, me temë “Integrimi i Gjyqtarëve dhe Prokurorëve Serb në Sistemin e Drejtësisë në Veriun e Vendit”. (Qendra e konferencave Orion, ora 10:30)

- Menaxhmenti i Universitetit te Prishtinës “Hasan Prishtina” mban konferencën ekskluzive për të informuar opinionin lidhur me rangimin e UP-së në databazën shkencore ndërkombëtare për institucione, Scimago. (Salla e Senatit në Rektorat, ora 10:30)

- Ministri për tregti dhe industri, Endrit Shala raporton para Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal lidhur me realizimin e planit të punës së këtij viti dhe planifikimet për vitin e ardhshëm. (Ndërtesa e Kuvendit, salla N 10, ora 11:00)

- Komisioni për Mbikëqyrjen e Financave Publike shqyrton raportin e auditimit për Pasqyrat Vjetore Financiare të Ndërmarrjes Publike Hekurudhat e Kosovës - Trainkos dhe raportin e auditimit për Pasqyrat Vjetore Financiare të Ministrisë së Kulturës, Rinisë dhe Sportit. (Ndërtesa e Kuvendit, salla N 225, ora 11:00)

- Promovohet libri i Ylli Cabiri i titulluar "Shqipëria mund të bëhët". (Biblioteka Kombëtare e Kosovës, ora 11:00)

- Në kuadër të aktiviteteve promovuese me qëllim të shënimit të Ditës Universale  të Fëmijëve Avokati i Popullit do të organizojë aktivitet me fëmijë të shkollave fillore, nga regjioni i Prishtinës, Gjakovës, Prizrenit, Gjilanit, Ferizajt, Pejës dhe Fushë Kosovës. (Zyrët Qendrore të IAP-së, ora 11:00)

- Ministri i Mjedisit dhe Planifikimit Hapesinore raporton para Komisionit për Bujqësi, Pylltari, Zhvillim Rural, Mjedis e Planifikim Hapësinor lidhur me gjendjen e mjedisit në Kosovë. (Ndërtesa e Kuvendit, salla N 302, ora 12:00)

- Zëvendës Presidenti i parë i Bankës Evropiane për Rindërtim dhe Zhvillim Jürgen Rigterink i takohet me Ministrin e Financave Bedri Hamza ku edhe do të mbajnë një konferencë për media. (Ndërtesa e  Qeverisë, kati 11, ora 12:30)

- Drejtoria Komunale e Arsimit në Gjilan hap Zyrën për Këshillin e Nxënësve në nivel komunal me qëllim të bashkëpunimit dhe inkorporimit të kërkesave direkte të nxënësve si harmonizim i aktiviteteve të përbashkëta. (Objekti i Drejtorisë Komunale të Arsimit në Gjilan, ora 13:00)

- Ministri i Drejtësisë, Abelard Tahiri dhe Drejtori i Përgjithshëm i Shërbimit Korrektues të Kosovës, Nehat Thaçi raportojn para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit lidhur me gjendjen e institucioneve korrektuese në Republikën e Kosovës. (Ndërtesa e Kuvendit, salla N204, ora 13:00)

- Lëvizja Vetëvendosje! mbanë konferencë për media. (Zyrët qendore të Vetëvendosjes, ora 14:00 - shtyhet, ora 15:00)

- Kryetari Shpend Ahmeti do të nënshkruaj Memorandum Mirëkuptimi me përfaqësuesit e BERZh-it, për “Pristina Green City Action Plan”. (Komuna e Prishtinës, ora 15:00)

- Në kuadër të programit “Coca-Cola përkrah Rininë” mbahet eventi i rrjetëzimit i cili do të certikoj 150 të rinj të cilët kanë ndjekur trajnimin gjatë muajve Tetor-Nëntor 2018.  (Sheshi 21, ora 16:00)

- Kosovo 2.0 organizon hapjen e ekspozitës artistike dhe instalacionit “Handle With Care,” përgatitur nga artistet Jimini Hignett and Patricia Kaersenhout. (Hapësira e re e K2.0, rr. Ferat Dragaj 60-1, pas furrës Qerimi 1, ora 18:00)

- Galera e Ministrisë së Kulturës bën hapjen e ekspozitës “Peizazhet e Sejdi Kapllanaj”.  (Galeria e Ministrisë së Kulturës, ora 19:00)