21 Mars 2019

Vulin: Europa nënvlerëson rrezikun e Shqipërisë së Madhe

Beograd, 5 prill - Ministri serb i Mbrojtjes Aleksandar Vulin duke folur në Konferencën Ndërkombëtare për Sigurinë në Moskë tha se Europa po nënvlerëson rrezikun e Shqipërisë së Madhe.

Ai thotë se precedenti nga disa vende të Perëndimit që kanë njohur Kosovën, duke injoruar interesat e Serbisë, janë një rrezik për paqen dhe stabilitetin jo vetëm të Ballkanit, por të gjithë Europës.

“Europa nuk po punon për të parandaluar “konceptin e Shqipërisë së madhe”, duke nënvlerësuar rrezikun e sigurisë së saj në radhë të parë, por dhe duke neglizhuar interesat e veta”, ka thënë Vulin.

Ai shton se përpjekjet e Serbisë për të ruajtur stabilitetin në Ballkan janë të vazhdueshme, por “do të ketë gjithmonë potencial për konflikt”, duke iu referuar dhe arrestimit të Gjuriç në Kosovë.

“Sfidat e sigurisë janë të përbashkëta për ne, por përgjigjet shpesh nuk janë”, thotë Vulin, sipas mediave serbe.

Ministri serb i Mbrojtjes theksoi se Serbia do të vijojë të ndjekë politikën e ruajtjes së interesave të saj dhe neutralitetit të vazhdueshëm ushtarak, “të bindur se vetëm një politikë e pavarur e diktuar nga askush nga jashtë, garanto nsiguri dhe zhvillim për vendin, por ndihmon dhe vendet fqinje për të ruajtur stabilitetin dhe paqen”.

“Një palë mjafton për të nisur luftën, por për të mbajtur paqen duhen dy”, thekson Vulin sipas deklaratës së tij.

Të martën ministri serb i mbrojtjes u takua me homologun rus, Sergei Shoigu, ku u diskutua për blerje të armëve të reja ruse.

Kalendari

Ngjarjet e datës 21 mars 2019  
- Ministri i Punëve të Jashtme i Republikës së Kosovës, Behgjet Pacolli, do të jetë nikoqir i homologut të tij nga Mali i Zi, Srdjan Darmanoviq. (Ambientet e Ministrisë së Punëve të Jashtme, ora 8:50)

- Përurohem hapësirat e reja të Shoqatës Down Syndrome Kosova qendra në Prishtinë. (Qyteza Pejton Lokalet e NPB-së, ora 9:00)

- Institucioni i Avokatit të Popullit organizon tryezën me temë"Përgjegjësia juridike e shtetit për shkeljet e të drejtave të njeriut". (Institucioni i Avokatit të Popullit, ora 9:30)

- Instituti Demokraci për Zhvillim  organizon diskutim me rastin e publikimit të dokumentit të politikave “Matja dhe vlerësimi i politikave të riintegrimit”, (Hotel Sirius, ora 9:45)

- Ministri i Mjedisit dhe Planifikimit Hapësinor, Fatmir Matoshi do të takohet me kryetarin e Komunës së Prishtinës, Shpend Ahmeti ku do të diskutojë për hartat zonale, krijimin e zonave të gjelbra, veturat elektrike, policia mjedisore si dhe tema të tjera mes dy institucioneve. (Kabineti i Ministrit Matoshi, ora 10:00)

- Mbahet konferenca e përbashkët për media e Ministrit të Jashtëm, Behgjet Pacolli, dhe ministrit të jashtëm të Malit të Zi, Srdjan Darmanoviq. (Ambientet e Ministrisë së Punëve të Jashtme, ora 10:00)

Shoqata Down Syndrome Kosova organizon konferencen “Aftësia e Kufizuar Intelektuale në Kosovë”. (Hotel Sirius, ora 10:30)

- Qendra Mediale në Çagllavicë organizon debatin publik me temë "Platforma e Kosovës për dialog - realiteti apo fundi i dialogut?". (Qendra Mediale në Çagllavicë, ora 10:30)

- SHL-Kosova themelon Rjetin e Qendrave Rinore të Kosovës ku edhe mban Kuvendin për zgjedhjen e Bordeve të këtij Rjeti. (Zyra e KDI-së, ora 11:00)

- Lëvizja Vetëvendosje mban konferencë për media në të cilën flasin deputetët Glauk Konjufca dhe Arbërie Nagavci. (Holli i Kuvendit, ora 12:00)

- Ministri Mjedisit dhe Planifikimit Hapësinor, Fatmir Matoshi, do të vizitoi Termocentralin Kosova B lidhur me prezantimin e fillimit të investimeve madhore mjedisore në Termocentralin Kosova B, nga ana e menaxhmentit të KEK-ut. (Termocentrali Kosova B në Obiliq, ora 13:00)

- Partia Socialdemokrate mbanë koferencë për media. (Selia Qendrore e PSD-së, në lagjen Arbëria.  ora 14:00)