05 Qershor 2020

Uragani Florence mund të shkaktojë përmbytje katastrofike

Washington, 18 shtator - Uragani Florence është dobësuar, por vazhdon të veprojë mbi pjesën qendrore pranë brigjeve të Atlantikut, duke përkeqësuar kushtet në zonat e përmbytura.

Deri tani ka njoftime për 14 të vdekur nga stuhia ndërsa shumë qytete dhe autostrada vazhdojnë të jenë të pushtuara nga uji.

Me shumë se 800 shtëpi nuk kanë energji elektrike. Zyrtarët paralajmërojnë se situata mund të keqësohet edhe më tej ndërsa reshjet e shiut vazhdojnë të shkaktojnë përmbytje.

Vrulli i uraganit Florence ka rënë, duke u klasifikuar tani nga zyrtarët si një stuhi e presionit të ulët e shoqëruar me reshje që sjellin edhe më shumë rrezik.

Reshjet në Karolinën e Veriut shtrihen nga pjesa qendrore deri në malet e atij shteti. Guvernatori Roy Cooper tha se janë shpëtuar rreth 900 njerëz nga përmbytjet ndësa kërkoi bashkëpunim nga qytetarët.

“Kini kujdes nga përmbytjet e papritura. Ndiqni me kujdes njoftimet për motin dhe qëndroni gati për të shkuar në zona të sigurta nëse kërkohet evakuimi. Kjo po ndodh aktualisht me disa nga lumenjtë tanë. Mos i jepni makinës në rrugët e përmbytura. Vetëm pak centimetra ujë dhe makina mund të rrëshqasë.”

Banorët e qytetit bregdetar Nju Bern janë mes të goditurve më rëndë nga përmbytjet. Shumë janë evakuuar ndërsa të tjerë kanë qendruar aty si Leigh Bell.

“Kjo është çatia që ka mbetur nga garazhi një katësh. Nuk e di ku ka shkuar pjesa tjetër. Aty kanë qënë themelet.”

Ndërsa stuhia zhduku një pjesë të garazhit, ajo solli aty një varkë të panjohur.

“Nuk e di nga erdhi varka, por duhet të ketë qënë ankoruar diku tjetër dhe stuhia e solli këtu”, tregon banorja Leigh Bell.

Joe Simmons e përjetoi stuhinë ndërsa po vizitonte nënën e tij në Xhaksonville të Karolinë së Veriut.

“Mbrëmja e kaluar ishte vërtet e tmerrshme. Sikur dëgjoja drurët dhe dërrasat që coptoheshin dhe gozhdët e ndryshkura që shqyheshin. Kishte rrufe të shumta dhe bubullima shurdhuese.”

Mbrëmë, stuhia ishte përqendruar rreth 50 kilometra në jugperëndim të kryeqytetit Kolumbia të Karolinës së Veriut, që është 250 kilometra larg vijës bregdetare. Gjatë ditëve në vazhdim priten rreth 25 centrimetra reshje në pjesën qendrore dhe perëndimore të atij shteti. Zyrtarët kanë paralajmëruar për përmbytje katastrofike dhe rrëshqitje dheu. Stuhia më

pas pritet të kalojë në luginën e lumit Ohajo drejt shteteve verilindore amerikane.

Kalendari

Ngjarjet e datës 5 Qershor 2020 - Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Mbahet mbledhja e Qeverisë së Kosovës. (Ndërtesa e Qeverisë, ora 12:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)

- Kryeministri Avdullah Hoti pret në takim ambasadorin e Shteteve të Bashkuara të Amerikës në Kosovë, Philip Kosnett. (Ndërtesa e Qeverisë, ora 15:45 - vetëm pamje)