18 Janar 2019

Ukraina teston raketat anti-tank të blera nga SHBA-të

Kiev, 23 maj - Ukraina ka testuar të martën sistemin e raketave “Xhejvelin”, për herë të parë, që kur u pajis me armatime nga Shtetet e Bashkuara për t’u mbrojtur në konfliktin me separatistët pro-rusë.

Washingtoni ka qenë një ndër mbështetësit kryesorë të Kievit që nga aneksimi i Krimesë nga Rusia në vitin 2014, që pasoi me nisjen e luftimeve në provincën lindore të Donbasit e që deri më sot ka marrë jetën e 10 mijë njerëzve.

Shtetet e Bashkuara dhe Ukraina janë të bindur se sistemi i raketave anti-tank do të ndihmojë palën ukrainase të ndërtojë një sistem mbrojtës efikas dhe afatgjatë.

Zyrtarët amerikanë kanë deklaruar se raketat “Xhejvelin” nuk mund të përdoren për të marrë territor, por Rusia është e mendimit se furnizimi i saj do të ndikojë në destabilizimin e mëtejshëm të situatës dhe do të inkurajojë përdorimin e forcës.

Testet u kryen në veri të Ukrainës, shumë larg nga vija e frontit. Presidenti Petro Poroshenko njoftoi lajmin i pari në Twitter.

“Më në fund erdhi dita! U jam mirënjohës Shteteve të Bashkuara për vendimin e palëkundur për të armatosur Ukrainën”, deklaroi Poroshenko. Ndërkohë, në lindje të Ukrainës kanë vijuar luftimet pavarësisht një marrëveshjeje armëpushimi dhe përpjekjeve diplomatike për paqen.

Kalendari

Ngjarjet e datës 18 janar 2019 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 8:30)

- Kryeministri Ramush Haradinaj pret në takim 120 studentë nga Vjena dhe Venediku nga programi i studimeve  “Europian  Master in Human Rights and Democratisation”. (Ndërtesa e Qeverisë, ora 9:00 - vetëm pamje)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët e shkollës fillore “Dardania”. (Shkolla fillore Dardania, ora 10:00)

- Qendra e Lëvizjes Vetëvendosje! në Prishtinë mban konferencë për media. (Zyrat e Vetëvendosjes, ora 11:00)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët çerdhes “Gëzimi Ynë”. (Objekti i çerdhes “Gëzimi Ynë” në Prishtinë, ora 11:00)