21 Tetor 2018

Trump nënshkruan një urdhër ekzekutiv për pranimin e refugjatëve

Prishtinë, 26 tetor - Presidenti amerikan Donald Trump ka nënshkruar një urdhër ekzekutiv që rifillon procesin e pranimit të refugjatëve në vend, por që imponon një shqyrtim më të rreptë të shtetasve të 11 vendeve që konsiderohen me rrezik të lartë për sigurinë kombëtare.

Zyrtarët refuzuan të bëjnë të ditura shtetet, por sipas agjensisë “Reuters” dhe asaj franceze të lajmeve, bëhet fjalë për të njëjtat shtete, qytetarët e të cilëve po i nënshtrohen ndërkohë masave të shqyrtimit të nivelit të lartë.

Në listën me 11 vende përfshihet Egjipti, Irani, Iraku, Libia, Mali, Koreja e Veriut, Somalia, Sudani Jugor, Sudani, Siria dhe Jemeni.

Urdhëri i lëshuar të martën është përpjekja më e fundit e zotit Trump në kuadër të fushatës së tij të premtimeve për të kufizuar numrin e refugjatëve që hyjnë në Shtetet e Bashkuara.

Që nga janari me mijëra refugjatë kanë hyrë në Shtetet e Bashkuara, pavarësisht dy urdhrave ekzekutivë të Presidentit Trump në përpjekje për të ndalur programin.
 

Kalendari

Ngjarjet e datës 21 tetor 2018

- Shoqëria Civile e Ferizajt organizon MiniMaratonen 5 km "Vrapo për Tetorin" e cila mbahet për tu sensibilizuar me të gjitha vajzat dhe gratë që janë të prekura me kancer të gjirit, dhe të gjitha mjetet e grumbulluara nga ky event do të dhurohen për shërimin e tyre. (Ferizaj, ora 10:00)

- Dita e tretë e Festivalit të Rakisë vazhdon me punëtorin kreative, pjekja tradicone dhe bashkekohore e rakisë, cilësia dhe shija, krijimi i një brendi të rakisë, krijimi i një tregu të përbashkët. (Etnokompleksit të fshatit Kukaj, ora 12:00)

- Lëvizja Vetëvendosje mban konferencë për media. (Zyrat e Vetëvendosjes, ora 13:00)