21 Janar 2021

Shteti i Katarit qëndron përkrah Republikës së Kosovës

Tiranë, 12 janar - Shteti i Katarit vazhdon mbështetjen e palëkundur për Republikën e Kosovës.

Gjatë takimit që zhvilloi sot në Ambasadën e Republikës së Kosovës në Tiranë, ministrja e Punëve të Jashtme dhe Diasporës, znj.Meliza Haradinaj - Stublla me ambasadorin jorezident të Katarit në Kosovë, Ali Bin Hamad Al Marri, marrëdhëniet në mes të dy vendeve u vlerësuan si të shkëlqyera.

Ambasadori i Shtetit të Katarit, Al Marri, siguroi ministren Haradinaj-Stublla se qëndrimi i Doha-s mbetet i pandryshuar dhe se vendi i tij do të vazhdojë ta mbështesë Kosovën.

“Ne duam që të avancojmë raportet mes dy shteteve. Shteti i Katarit qëndron përkrah popullit dhe shtetit të Kosovës”, u shpreh ai.

Shefja e diplomacisë kosovare shprehu mirënjohjen e saj të thellë  për Shtetin e Katarit, për mbështetjen që i ka dhënë Kosovës në të gjitha periudhat e rëndësishme të shtetndërtimit, konsolidimit, dhe së fundmi në luftën kundër pandemisë.

Republika e Kosovës dhe Shteti i Katarit janë në proces të finanalizimit të disa marrëveshjeve të interesit të përbashkët, e për të cilat, po ashtu, u diskutuan gjatë këtij takimi.
 

Kalendari

Ngjarjet e datës 22 Dhjetor 2020 - Kryeministri në detyrë Avdullah Hoti bashkë me përfaqësuesit e SBASHK-ut, mban konferencë për media. (Ndërtesa e Qeverisë, ora 9:00)

- Mbahet seanca gjyqësore ndaj Ibrahim Mustafes për peqpërdorimi i pozitës apo autoritetit zyrtar. (Gjykata Themelore në Ferizaj, Salla nr.II, ora 9:30)

- Nën patronatin e Kryeprokurorit të Shtetit, Aleksandër Lumezi do të mbahet konferenca vjetore e Prokurorëve, e cila këtë vit për shkak të situatës me pandeminë Covid-19, organizohet në formë virtuale. (Platforma “Zoom”, ora 10:00)

- Kryetari i Komunës së Prizrenit, Mytaher Haskuka dhe drejtori i Drejtorisë së Urbanizmit dhe Planifikimit Hapësinor, Beni Kizolli do të mbajnë konferencë për shtyp. (Shtëpia e Bardhë, ora 10:00)

- Komuna e Skenderajt së bashku me shoqatat e dala nga lufta e UÇK-së, për nder të 23 vjetorit të triumfit të familjes Jashari ndaj sulmit të dytë të forcave serbe, do të bëjnë homazhe në shenjë nderimi për heroizmin e jashtëzakonshëm të familjes Jashari. (Kompleksi Memorial “Adem Jashari”, në Prekaz, ora 10:00)

- Kryetari i komunës Xhafer Tahiri, prezanton Planin për Rimëkëmbje Ekonomike të Vushtrrisë. (Ndërtesa e komunës, ora 11:00)