19 Korrik 2018

SHBA planifikon sanksione të ashpra ndaj Iranit

Washington, 4 korrik - Shtetet e Bashkuara kanë njoftuar planet për rivendosjen e sanksioneve të ashpra ndaj sektorëve të energjisë dhe financave të Iranit, duke thënë se Teherani duhet të ndryshojë qëndrim dhe të sillet si “një vend normal”.

Pasi u tërhoq nga marrëveshja për Iranin në muajin maj, Shtetet e Bashkuara janë gati të rivendosin sanksione të ashpra ekononomike ndaj Iranit dhe po u bëjnë thirrje vendeve dhe kompanive të tjera në gjithë botën të bëjnë të njëjtën gjë.

Brian Hook është drejtor i planifikimit të politikave në Departamentin e Shtetit.

“Objektivi ynë, përsa u takon sanksioneve të energjisë, është që të rrisimi presionin ndaj regjimit iranian duke i ulur në zero të ardhurat e tij nga shitja e naftës së papërpunuar. Aktualisht po punojmë për të minimizuar pasojat në tregun global, por kemi besim se ka aftësi të mjaftueshme për prodhim nafte rezervë”.

Zoti Hook tha se 50 kompani ndërkombëtare kanë premtuar të tërhiqen nga Irani.

Mes protestave në Iran ndaj përkqësimit të gjendjes ekonomike, opozitarët në mërgim të qeverisë së Teheranit u takuan për një “tubim për lirimin e Iranit” në Paris. Rudy Giuliani, këshilltar ligjor i Presidentit Donald Trump, tha sa sanksionet e planifikuara kanë filluar ta japin efektin.

“Mendoj gjithashtu se është një vlerësim për faktin që Presidenti Trump dhe qeveria jonë, kanë mbështetur protestuesit. Energjitë e tyre janë ripërtërirë”.

Vendet e tjera nënshkruese të marrëveshjes bërthamore të Iranit, përfshirë Gjermaninë dhe Francën, vazhdojnë të jenë pjesë e saj. Ish-Ambasadori amerikan në OKB, Bill Richardson paralajmëroi se Shtetet e Bashkuara nuk duhet të armiqësojnë aleatët evropianë, në përpjekjet për të ndëshkuar Iranin.

“Prandaj mendoj se Shtetet e Bashkuara duhet të jenë të kujdesshme me zbatimin e sanksioneve ndaj miqve tanë evropianë”.

Nga ana e tij, presidenti iranian, Hassan Rouhani po fillon një turne diplomatik në Evropë, në përpjekje për të ruajtur marrëveshjen bërthamore.

Kalendari

Ngjarjet e datës 20 Korrik 2018  - Në Universitetin “Kadri Zeka ” në Gjilan mbahen provimet pranuese. (Universiteti “Kadri Zeka” në Gjilan, ora 9:00)

- Ministri i Kulturës, Rinisë dhe Sporti, Kujtim Gashi merr pjesë në vendosjen e gurthemelit të Pishinës Olimpike në në Prizren, investim i Ministrisë së Kulturës, Rinisë dhe Sportit. (Palestra Sportive “Sezai Surroi” Prizren, ora 10:30)

- Nisin punimet për ndërtimin e rrugës  në fshatin historik - turistik Belle. (Kilometri i-të  përgjatë rrugës në grykën e Deçanit  afër hotel Kalaja, ora 10:00)

- Grupi Parlamentar i Lidhjes Demokratike të Kosovës mban konferencën për media (Ndërtesa e Kuvendit, para sallës C301, ora 13:00)

- Ministri i Punëve të Jashtme i Republikës së Kosovës, Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov. (Ndërtesa e MPJ-së, ora ora 13:15 - vetëm pamje)

- Ministri i Financave Bedri Hamza dhe menaxheri i Bankës Botërore për Kosovën Marco Mantovanelli nënshkruajn marrëveshje për financimin e projektit të Ekonomisë Digjitale në Kosovë në vlerë prej  20.7 milion euro. (Ndërtesa e Qeverisë, kati 11, ora 14:00)

- Ministri i Punëve të Jashtme i Republikës së Kosovës, z. Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov mbajn konferencë për media do të mbahet. (Ndërtesa e MPJ-së, ora 14:00)

- Në përkujdesjen e Komunës së Deçanit Kryetarit, Bashkim Ramosaj në bashkëpunim më zyrën e diasporës organizohet hapja e  panairit - verorë  2018. (Qendra e qytetit të Deçanit, ora 16:00)

- Asociacioni i Agjencive për Zhvillim Rajonal organizon ceremoninë përmbyllëse të dhënies së Granteve. (Hotel Sirius, ora 17:00)

- Rritja e vetëdijës mbi migrimin, refugjatët dhe viktimat e konfliktit, si dhe eksplorimi i kulturës dhe identitetit përmes artit publik, bisedave dhe tregimeve, janë karakteristikat kryesore të ngjarjes 'Arti i Migrimit' që do të mbahet në Prishtinë. (Miqt Pub pranë Swiss Diamond Hotel, ora 17:00)