02 Dhjetor 2020

SHBA kërkon nga Kina transparencë për 'virusin kinez'

Washington, 22 mars - Shtetet e Bashkuara dhe Kina kanë fajësuar njëra-tjetrën për përhapjen e koronavirusit, duke rënduar kështu më tej marrëdhënien e vështirësuar nga lufta tregtare.

Presidenti Donald Trump vazhdon ta quajë virusi kinez, duke sugjeruar se po vepron kështu për t’iu kundërvënë propagandës së Pekinit.

Kjo mund të sinjalizojë për tensione të mëtejshme, ndërsa dy vendet po përpiqen të vënë nën kontroll pandeminë. Njofton korrespondentja e Zërit të Amerikës, Patsy Widakuswara.

Ndërsa Kina filloi të vërë në kontroll përhapjen e koronavirusit duke ulur rastet e transmetuara, administrata Trump vazhdon të fajësojë Pekinin se nuk u dha paralajmërim të hershëm vendeve të tjera, pasi e zbuloi virusin vitin e kaluar.

Të premten, Sekretari i Shtetit Mike Pompeo i bëri thirrje Kinës të bëja të ditura të dhënat për epideminë.

“Transparenca dhe shpërndarja e informacionit në mënyrë reale, nuk ka të bëjë me lojëra politike apo hakmarrje”, tha Sekretari Pompeo.

Megjithëse një entitet i OKB-së risolli në vëmendje se “virusi nuk ka kombësi”, Sekretari Pompeo dhe Presidenti Donald Trump vazhduan të përdorin termin “virusi kinez”.

“Nuk është fare raciste. Aspak. Vjen nga Kina, prandaj. Vjen nga Kina. Dua të jem i saktë”, tha Presidenti Trump.

Presidenti Trump gjithashtu tha se e përdori termin për t’iu kundërvënë propagandës kineze se përgjegjësinë për sjelljen e virusit, të zbuluar për herë të parë në qytetin kinez Wuhan, e ka Ushtria e Shteteve të Bashkuara.

“Dy vendet që duhet të bashkëpunonin, dhe munden të bashkëpunojnë, për të luftuar pandeminë, janë përfshirë realisht në lojëra fajësimi dhe zënka se si ta quajnë virusin. Kjo mendoj se është fëminore dhe gjithashtu e rrezikshme, pasi i shpërqëndron të dyja palët nga kujdesi që duhet t’i ofrojnë popullsisë së tyre”, thotë Robert Daly, i Qendrës Wilson.

Kina deklaroi se është tepër e indinjuar nga përmendja e “virusit kinez” dhe i mohoi pretendimet se nuk ka qenë transparente.

“I bëjmë thirrje Shteteve të Bashkuara të korrigjojë menjëherë gabimet e saj dhe të ndalë menjëherë akuzat e pajustifikuara ndaj Kinës”, tha Geng Shuang, zëdhënës i Ministrisë së Jashtme kineze.

Zënka për koronavirusin po teston më tej marrëdhënien SHBA – Kinë që është tensionuar tashmë nga lufta tregtare.

“Këto janë frutat e turavrapit në Pekin dhe në Uashington drejt marrëdhënieve rivale të viteve të fundit”, thotë zoti Daly.

Kjo mund të sjellë probleme të mëtejshme, në veçanti në një kohë kur administrata Trump po përpiqet të gjejë një ilaç për virusin COVID-19.

“Edhe nëse do të donim të prodhonim ilaçin në Shtetet e Bashkuara, ku nuk e kemi kapacitetin, 100% e reagentëve, kimikateve bazë dhe pjesëzave për të ndërtuar këto ilaçe vijnë nga Kina”, thotë David Gortler, ish-zyrtar i shëndetësisë në Administratën për Ushqimin dhe Barnat (FDA).

Gjithashtu këtë javë, Pekini dëboi gazetarë amerikanë, si kundërpërgjigje ndaj uljes nga Uashingtoni të numrit të shtetasve kinezë që lejohen të punojnë për mediat shtetërore kineze në Shtetet e Bashkuara.

Kalendari

Ngjarjet e datës 2 Dhjetor 2020

- Sindikata e Infermierëve të Kosovës do të zhvilloj një takim me Minsitrin e Shëndetësisë, Armend Zemaj lidhur me kërkesat për rritje të pagesës së ndërrimeve të natës për infermier, pagesë të orëve shtesë dhe punës gjatë vikendeve si dhe për pagesë të rrezikshmerisë në punë. (Ndërtesa e Ministrisë, ora 8:30)

-  Komisioni Hetimor Parlamentar lidhur me procesin e privatizimit në Kosovë cakton datat e intervistave për dëshmitarë. (Ndërtesa e Kuvendit, salla N303, ora 9:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë Komunale e Arsimit, Xhemile Thaçi - Vezgishi, do të marrin pjesë në përurimin e fillimit të punimeve për ndërtimin e aneksit të objektit shkollor “Naim Frashëri” në fshatin Vlashnje. (Vlashnje, ora 10:00 - Nisja nga Shtëpia e Bardhë, ora 9:30)

- Gjykata Kushtetuese e Republikës së Kosovës do të mbajë seancë dëgjimore publike në të cilën do të shqyrtohet kërkesa KO95/20, që për objekt të shqyrtimit ka: “Vlerësimin e kushtetutshmërisë së Vendimit të Kuvendit të Republikës së Kosovës Nr.  07/V-15, të miratuar më 3 qershor 2020, përkitazi me zgjedhjen e Qeverisë së Kosovës”. (http://gjk-ks.org/live-streaming/, ora 10:00)

- Lëvizja FOL organizon diskutim online ku do të publikohet raporti “Dështimet e Kuvendit në Funksionalizimin e Agjencisë për Informim dhe Privatësi”. (Diskutimi mbahet online përmes platformës ZOOM, ora 10:00)

- Komisioni për Buxhet dhe Transfere shqyrton raportin vjetor financiar i Këshillit Gjyqësor të Kosovës, Këshillit Prokurorial të Kosovës, Komisionit Qendror të Zgjedhjeve dhe Komisionit për Ndihmë Shtetërore si dhe Raportit të Ndihmës Shtetërore. (Ndërtesa e Kuvendit, salla C203, ora 10:00)

- Me rastin e 76 vjetorit të lindjes së ish-Presidentit Historik të Kosovës Dr. Ibrahim Rugova, kryesia e LDK-së bën homazhe te varri i tij. (Velani, ora 10:30)

- Organizata për Rritjen e Cilësisë në Arsim publikon raportin "Integriteti akademik, publikimi shkencor dhe justifikimi i titujve akademikë në Universitetin e Gjakovës". (Zyra e ORCA-s afër Librarisë Buzuku, ora 11:00)

- Kryeministri Avdullah Hoti merr pjesë në ceremoninë e inaugurimit të Kompleksit Memorial ‘’Dr. Ibrahim Rugova’’. (Istog, ora 12:00)

- Baleti Kombëtar i Kosovës mban konferencë për media me rastin e Premierës së shfaqjes “Sisters”. (Teatri Kombëtar i Kosovës, ora 13:00)

- Partia Demokratike e Kosovës mban konferencë për media në të cilen do të flasë shefi i Grupit Parlamentar, njëkohësisht, anëtari i Kryesisë, Bedri Hamza. (Zyret e Selisë Qendrore, ora 13:30)  

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës interviston drejtoreshën e Barnatores Qëndrore në SHSKUK-së, Gezime Pllana. (Ndertesa e Kuvendit, salla N303, ora 14:00)

- Mbahet ceremonia e nënshkrimit të marrëveshjeve të bashkëfinancimit në lidhje me “Thirrjen publike për subvencionim të NMVM-ve me pronësi të grave ndërmarrëse”, ku prezent do të jetë edhe ministri Vesel Krasniqi. (objekti i MTI-së, ora 14:00)

- Me rastin e fushatës "16 ditë aktivizëm për dhunën ndaj gruas", në bashkëpunim me UNDP-në do të bëhet ndriçimi i Shtëpisë së Bardhë ku do të jetë i pranishëm edhe kryetari i Komunës, Mytaher Haskuka dhe përfaqësuesja e Përhershme e UNDP-së në Kosovë, Maria Suokko. (Shtëpia e Bardhë në Pirzren, ora 16:00)