04 Gusht 2020

ShBA-ja fillon tërheqjen nga Marrëveshja e Parisit

Washington, 5 nëntor - Sekretari amerikan i Shtetit Mike Pompeo thotë se Shtetet e Bashkuara kanë filluar procesin e tërheqjes nga Marrëveshja e Parisit.

Presidenti i ShBA-së Donald Trump njoftoi në qershor 2017 se vendi i tij do të largohet nga marrëveshja e klimës.

Sipas Marrëveshjes së Parisit, nënshkruesit e saj mund të kërkojnë zyrtarisht heqjen dorë nga pakti vetëm tre vjet pasi ai ka hyrë në fuqi, e cila bie më 4 nëntor të këtij viti.

Tërheqja do të hyjë në fuqi një vit nga dorëzimi i njoftimit, që do të thotë se Shtetet e Bashkuara zyrtarisht do të tërhiqen nga pakti më 4 nëntor 2020. 

Kalendari

Ngjarjet e datës 4 Gusht 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raportin vjetor të Akademisë së Drejtësisë, Agjencisë Kundër Korrupsionit dhe Komisionit Qendror të Zgjedhjeve. (Salla e seancave plenare, ora 9:00)

- Mbahet mbledhja e Komitetit për Politikë dhe Financa e Komunës së Prizrenit. (Salla e mbledhjeve të Kuvendit Komunal në Shtëpinë e Bardhë, ora 10:00)

-  Komisioni për Mbikëqyrjen e Financave Publike shqyrton raportin e auditimit për Ministrinë e Kulturës, Rinisë dhe Sportit dhe Ministrinë e Diasporës dhe Investimeve Strategjike. (Salla e seancave plenare, ora 10:00)

- Mbahet takimi konsultativ rreth procesit për përgatitjen e programit të reformave në ekonomi 2021 - 2023. (Ndërtesa e Qeverisë, salla P 38, ora 13:30)