23 Mars 2019

ShBA, gjitha opsionet të hapura për Sirinë

Washington, 12 prill - Shtëpia e Bardhë tha se nuk është marrë asnjë "vendim përfundimtar" dhe të gjitha opsionet janë të hapura në lidhje me reagimin e Uashingtonit ndaj sulmit të dyshuar me armë kimike në Siri.

"Ne kemi një numër opsionesh dhe të gjitha janë ende të hapura. Vendimi përfundimtar nuk është marrë ende," tha zëdhënësja e Shtëpisë së Bardhë, Sarah Sanders.

Ajo foli vetëm disa orë pasi presidenti i ShBA-së, Donald Trump, e paralajmëroi Rusinë për një sulm të mundshëm me raketa në Siri.

Sekretari amerikan i Mbrojtjes Jim Mattis u shpreh gjithashtu i kujdesshëm në lidhje me kryerjen e veprimeve ushtarake kundër Sirisë, ndërsa nënvizoi se Uashingtoni ishte ende duke "vlerësuar materialet e zbulimit" lidhur me sulmin e dyshuar me armë kimike. 

Kalendari

Ngjarjet e datës 23 mars 2019 - Federata e pingpongut të Kosovës në bashkëpunim me Kpp Vitia nën patronatin e Komunës së Vitisë do të organizoj Turneun për senior Flakadani i Karadakut. (Salla e Shkollës së Mesme Teknike 'Jonuz Zejnullahu' në Vitiora, ora 9:30)

- Shoqata "Miqtë e Amerikës" do ta bëjë zëvendsimin e flamurit amerikan te shtatorja e Bill Clintonit në Prishtinë, me një të ri. (Shtatorja e Bill Clintonit, ora 11:00)

- Gjimnazi “Hasan Nahi”, në kuadër të Fondacionit për Arsim dhe Kulturë “Atmosfera”, organizon edicionin e gjashtë me radhë - Garën e Inteligjencës "Eureka 6". (Ambienti i Gjimnazit “Hasan Nahi” në Prishtinë, ora 11:00)

- Kryeparlamentari Kadri Veseli merr pjesë në shënimin e 30-vjetorit të demostratave të 23 marsit 1989 me nismëtare gratë dhe vajzat e Balajve. (Teatri “Adriana” - Ferizaj, ora 11:00)

- UBT dhe Raiffeisen Bank mbajnë garën më të madhe në vend “Data Science Hackathon”. (Kampusi i UBT-së në Lipjan, ora 11:00)

- Kryeministri Ramush Haradinaj bënë homazhe te Pllaka Memoriale e ushtarëve të KFOR-it, të rënë gjatë shërbimit në Kosovë. (Sheshi “Nëna Terezë”, ora 12:00)

- Kryeministri Ramush Haradinaj bënë homazhe te Pllaka Përkujtimore me emrat e ushtarëve britanikë, që humbën jetën në shërbim në Kosovë. (Sheshi “Edit Durham”, afër Hotelit Grand, ora 12:10)