08 Mars 2021

Sanksionet ndaj sektorit rus të energjisë në përputhje me ligjin

Bruksel, 17 shtator - Gjykata Evropiane e Drejtësisë (GJED) ka vendosur se sanksionet ekonomike të vendosura kundër sektorit energjetik rus janë në përputhje me ligjin.

Gjykata Evropiane e Drejtësisë, Gjykata Supreme e Bashkimit Evropian me seli në Luksemburg, doli me vendim lidhur me procesin gjyqësor të ngritur nga kompania ruse e energjisë Rosneft.

Gjykata hodhi poshtë ankesën e ndërmarrjes ruse të naftës Rosneft kundër vendimit mbi sanksionet ekonomike që BE-ja vendosi ndaj Rusisë.

Në vendimin e gjykatës thuhet se sanksionet u vendosën me qëllim për të bërë presion mbi Rusinë për shkak të rolit të saj në krizën ukrainase, në përputhje me ligjin.

Me këtë vendim, GJED justifikoi masat kufizuese të vendosura nga Këshilli Evropian kundër bankave ruse dhe kompanive të naftës dhe gazit.

Rusia aneksoi në mënyrë të paligjshme Krimenë dhe qytetin e Sevastopolit më 18 mars 2014.

Pas aneksimit të Krimesë dhe ngjarjeve në Ukrainën lindore, Bashkimi Evropian, Shtetet e Bashkuara të Amerikës dhe disa vende të tjera filluan të vendosnin sanksione ekonomike ndaj Rusisë.

Në kuadër të sanksioneve ekonomike, vendet anëtare të BE-së nuk i shesin armë Rusisë. Sanksionet ndalojnë Rusinë të blejë pajisje të caktuara teknologjike të përdorura në sektorin e naftës dhe gazit nga vendet e BE-së. Gjithashtu, bankat shtetërore ruse përjashtohen nga sektori financiar në Evropë.

Kalendari

Ngjarjet e datës 9 Mars 2021

- Institucioni i Avokatit të Popullit organizon një tryezë diskutimi në lidhje me publikimin e dy raporteve me rekomandime në të cilën do të merr pjesë edhe Presidentja Vjosa Osmani. (Hotel International Prishtina në Veternik, ora 9:30)

- Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe  institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Qendra e Telemjekësisë në QKUK, ora 10:00)

- Programi për Drejtësi Komerciale në bashkëpunim me Innovation Centre Kosovo, organizojnë diskutim rreth ngritjes të vetëdijes për bizneset fillestare të sapo themeluara dhe sipërmarrësit e rinj me fokus në drejtësinë komerciale, pjesa e sistemit të drejtësisë që siguron çasjen e bizneseve në drejtësi. (Innovation Centre Kosovo -https://www.facebook.com/ickosovo, ora 10:00)

- Mbahet ceremonia e zbarkimit të kontingjentit të Forcës së Sigurisë të Kosovës në misionin e parë paqësorë jashtë vendit në të cilën do të merr pjesë Presidentja Vjosa Osmani dhe Kryeministri në detyrë, Avdullah Hoti. (Salla e sporteve në kazermën ''Adem Jashari'', ora 10:45)   

- Partia Liberale Egjiptiane dorëzon ankesë në Gjykatën Supreme për anulimin edhe të pesë vendvotimeve tjera. (Gjykata Supreme e Kosovës, ora 11:00)