07 Korrik 2020

Rritet numri i viktimave nga tërmeti në Kili

Santiago, 1 Mars - Përkeqësohet bilanci i viktimave nga tërmeti në Kili. Mediat njoftojnë se numri i të vdekurve i kalon 400 personat ndërkohë që ky bilanc nuk është zyrtarizuar.

Presidentja në largim e vendit, Michelle Bachelet, shpalli gjendjen e emergjencës për shumë rajone. Sipas të dhënave të saj, rreth 2 milionë nga gjithësej 16,6 milionë banorët e Kilit, janë direkt të prekur nga katastrofa natyrore. Sipas vlerësimeve 1,5 milionë banesa janë shkatërruar ose dëmtuar.

 Veçanërisht i prekur është qyteti me 400.000 banorë Concepción, rreth 500 kilometra në jug të Santiagos. Epiqendra e tërmetit ndodhej në Paqësor në thellësi 35 kilometra dhe rreth 115 kilometra në verilindje të Concepción. tërmeti goditi kilin të shtunën rreth orës 3:34 të mëngjesit, sipas orës lokale. shumë shtëpi u dëmtuan, ndërtesa të tjera, shtylla të tensionit, ato të telefonisë, shumë ura e shembën e shumë rrugë janë rrënuar, ndërsa ka njoftime për zjarre. ndërkaq raportohet gjithashtu se 200 të burgosur janë arratisur nga një burg i dëmtuar në qytetin Chillian.

Dallgë gjigande janë përplasur në ishujt Juan Fernandes aty pranë, duke shkaktuar vdekjen e tre personave në ishullin Robinson Crusoe. Ndërkohë autoritetet kanë mbyllur aeroportin ndërkombëtar në kryeqytetin Santiago si rezultat i dëmve.

Pasgoditje të fuqishme u ndjenë edhe pas termentit të fuqishëm, përfshirë këtu edhe një lëkundje prej 6.9 ballësh. Ndërkohë Qendra paralajmëruese e Paqësorit për cunamet në Havai e hoqi paralajmërimin për rrezikun e cunamit. Kjo qendër kishte shpallur paralajmërim për rrezikun e cunamit për 53 shtete dhe rajone në të gjithë hapësirën e Paqësorit.

Dallgët e përmbytjeve arritën deri në Japoni dhe Rusi, por nuk qenë aq të larta sa pritej. menjëherë pas tragjedisë ka ardhur edhe solidariteti i komunitetit ndërkombëtar i cili po ofron mbështetje për Kilin pas termetit shkatërrues të së shtunës.

Presidenti amerikan Barak Obama tha se i ka ofruar ndihmë presidentes kiliane Mishelle Baçelet me grupe kërkim shpëtimi.Ai tha se Shtetet e Bashkuara kanë burime të pozicionura për tu dislokuar në Kili nëse kërkohet një gjë e tillë nga qeveria.

Bashkimi Europian ka premtuar 4 milion dollarë në ndihma imediate për Kilin. Presidenti i bllokut Jose Manuel Barroso tha se ky është hapi i parë për të zbutur vuajtjet dhe plotësuar nevojat imediate. Organizata e Shteteve Amerikane gjithashtu shprehu solidaritet me popullin kilen.

Cunami i shkaktuar nga termeti që goditit Kilin ka përshkuar mijëra kilomentra përgjatë Oqeanit Paqësor, duke dërguar dallgë të mëdha në brigjet e Havait, Zelandës së Re dhe ishujve në jug të Paqësorit.

Edhe autoritetet japoneze kanë urdhëruar evakuimin e 320 mijë njerëzve në veri të vendit, për shkak të rrezikut nga cunami. Zyrtarët kanë thënë se niveli i detit në orët e ardhshme, për shkak të tërmetit në Kili, mund të rritet në 3 metra. Sinjalizime për mundësinë e cunamit janë dhënë në Rusi, Peru, Ekuador, Kolumbi, Panama, Kostarikë dhe Kaliforni. 

Kalendari

Ngjarjet e datës 7 Korrik 2020 - Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Ministri i Drejtësisë, Selim Selimi, do të  mbajë konferencë për media për Kodin Civil. (Holli i Ministrisë së Drejtësisë, ora 14:00)

- Organizatat e dala nga Lufta e UÇK-së dhe Shoqata e ish të Burgosurve Politik, që janë Këshill Organizues i Protestave mbajnë sot konferencë për medie. (Selia qendrore e Organizatës së Veteranëve të Luftës së UÇK-së në Prishtinë, ora 14:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)