20 Nëntor 2019

Rritet numri i viktimave mes emigrantëve që kalojnë Mesdheun

Gjenvë, 4 shtator - Numri i emigrantëve që mbërrijnë në Evropë ka rënë. Megjithatë, sipas një raporti të publikuar sot nga UNHCR, është rritur ndjeshëm numri i vdekjeve, në veçanti të atyre që përpiqen të kalojnë Detin Mesdhe.

Raporti i titulluar “Udhëtime të Dëshpëruara” thotë se 2276 persona, pra 1 në çdo 42 emigrantë, vdiq vitin e kaluar gjatë përpjekjes për të kaluar Mesdheun.

Megjithë masat e marra në Libi, njerëzit që u largohen trazirave nga vendet e tyre vazhdojnë të mblidhen në Libi për të udhëtuar drejt Evropës.

Vincent Cochetel, i dërguari i posaçëm i UNHCR-së për Mesdheun qendror thotë se trafikantët tashmë janë duke marrë një rrezik më të madh.

“Trafikimi po shkakton më shumë viktima pasi trafikantët përballen me më shumë rreziqe prej operacioneve të rojes bregdetare libiane. U kushton më shumë t’i mbajnë njerëzit nën robëri në magazina. Është vështirësuar edhe furnizimi dhe transportimi me varka”, thotë zoti Cochetel.

Raporti “Udhëtime të Dëshpëruara” thotë se nuk kanë ndryshuar shkaqet kryesore të emigracionit të detyruar.

“Kemi ende 19 konflikte aktive në Afrikë. Vazhdon konflikti në Lindjen e Mesme, i cili shtyn njerëzit të largohen. Megjithë fushatën informuese dhe paralajmërimeve nëpërmjet mediave sociale për rreziqet me të cilat përballen gjatë udhëtimit, njerëzit vazhdojnë të marrin vendimin për të kaluar Mesdheun”, thotë zoti Cochetel.

Këtë vit ka patur 1095 viktima, duke e rritur kështu nivelin e vdekjeve në 1 në çdo 18 persona. Vetëm gjatë muajit qershor 1 në çdo 7 emigrantë humbi jetën.

Sipas raportit, gjatë dhjetë incidenteve të këtij viti, mbi 50 persona humbën jetën, shumica të nisur nga Libia. Shtatë prej këtyre incidenteve ndodhën gjatë muajit qershor.

Kalendari

Ngjarjet e datës 20 nëntor 2019

- Ambasada e Finlandës, UBT dhe UNDP organizojnë bashkërisht konferencën “Towards Small Scale Innovative Ecosystems in Kosovo”. (Kampusi Inovativ i UBT-së në Lipjan, ora 9:00)

- Kryeministri në detyrë, Ramush Haradinaj, merr pjesë në konferencën “Small-Scale Innovative Ecosystems in Kosovo”, organizuar nga ambasada e Finlandës në Prishtinë në bashkëpunim me UBT. (Magjistralja Prishtinë - Lipjan, kampusi i UBT-së, ora 9:00)

- Me rastin e shënimit të 20 nëntorit - Ditës Ndërkombëtare të Konventës për të Drejtat e Fëmijëve, Komuna e Gjilanit organizon vizitë nga Asambleja e Fëmijëve në tri shkollat fillore: Selami Hallaqi, Thimi Mitko, Rexhep Elmazi për nder të Ditës Ndërkombëtare të Konventës për të Drejtat e Fëmijëve. (Objektete e shkollave, ora 10:00)

- Koalicioni i OJQ-ve për Mbrojtjen e Fëmijëve hap dyert për fëmijët, prindërit dhe të gjithë qytetarët që dëshirojnë të vizitojnë ambientet e KOMF për të biseduar bashkë për të drejtat e fëmijëve. (Zyret e KOMF, ora 10:00)

- Fillon punimet Kongresi i parë ndërkombëtarë për trajtimin e hershëm të infarktit të miokardit. (Hotel International Prishtina, ora 10:00)

- Mbahet mbledhja e rregullt e Komitetit për Politikë dhe Financa i Komunës së Mitrovicës. (Salla e mediave të Komunës së Mitrovicës, ora 10:00)

- Mbahet mbledhja e gjashtë e rregullt e Këshillit Komunal për Siguri në Bashkësi në komunën e Rahovecit. (Salla e Kuvendit Komunal në Rahovec, ora 10:00)

- Zyra e UNICEF-it në bashkëpunim me Ministrinë e Arsimit, Shkencës dhe Teknologjisë si dhe Shtëpinë e Evropës në Kosovë organizojn aktivitetin kryesor për shënimin e 30 vjetorit të Konventës për të Drejtat e Fëmijës. (Holli i Bibliotekës Kombëtare të Kosovës, ora 11:00) 

- OQJ Integra organizon publikimin e raportit “Instituti i Vetizoluar - Vlerësim i Shoqërisë Civile për Institutin Albanologjik të Prishtinës”. (Hotel Sirius, ora 11:00)

- Fëmijët e çerdhës "Dardania" në Gjilan dhurojnë 120 pako dhurata për fëmijët me nevoja të veçanta. (Gjilan, ora 11:00) 

- Mbahen aktivitete argëtuese për fëmijët e zgjedhur nga Handikos, Asambleja e Fëmijëve, fëmijët nga komunitetet si dhe nga shkollat SHFMU, Gjilan mbështetur nga 'Albanica' dhe 'Kimi'. (Gjilan, ora 12:00)

- Komuna e Gjilanit organizon program nga Qendra e Vallëzimit Modern “Dancing House” Vallëzim Modern, Balet dhe Popullore. (Teatri i Qytetit, Gjilan ora 15:00)

- Qendra Multimedia shfaq "Pesë stinet e armikut te popullit" me regji të Blerta Nezirajt. (Teatri "Bekim Fehmiu" në Prizren, ora 20:00)