Tokio, 29 dhjetor - Numri i lindjeve në Japoni sivjet ka rënë në nivelin më të ulët që kur filloi regjistrimi i të dhënave më shumë se një shekull më parë.

Sipas statistikave të publikuara nga Ministria e Shëndetësisë, Punës dhe Mirëqenies, numri i foshnjave të lindura pritet të jetë nën 1 milion për të dytin vit me radhë.

Numri arriti kulmin gjatë bumit të lindjeve që pasoi Luftën e Dytë Botërore, duke arritur 2.7 milionë.

Rënia e popullsisë ka vazhduar teksa numri i vdekjeve në vitin 2017 ishte më i larti në epokën e pasluftës, ndërsa i martesave më i ulëti.

Plakja dhe shkalla e ulët e lindjeve kanë qenë dy sfidat më kritike demografike të Japonisë.