03 Dhjetor 2020

Reçica kërkon që regjioni të punojë për integrimin e komuniteteve pakicë

Tiranë, 27 tetor - Ministri Reçica sot mori pjesë në takimin ministror të vendeve të Ballkanit Perëndimor, për integrimin e romëve në shoqëri, në kuadër të procesit të Berlinit,  që këtë radhë po organizohet nga Qeveria e Republikës së Shqipërisë, me mbështetje të Këshillit për Bashkëpunim Rajonal (RCC).

Ky takim ministror ishte një mundësi e mirë për të vënë në pah gjithë angazhimin dhe përkushtimin e Qeverisë së Republikës së Kosovës në funksion të zbatimit të Deklaratës së Partnerëve të Ballkanit Perëndimor për Integrimin e Romëve, Ashkalive dhe Egjiptianëve në shoqëritë e vendeve tona.

Reçica njoftoi pjesëmarrësit e këtij takimi ministror për hapat konkret që ka ndërmarrë Qeveria e Kosovës  në zbatim të Deklaratës së Partnerëve të Ballkanit Perëndimor për Integrimin e Romëve, konkretisht për themelimin e Grupit Teknik për Mbrojtjen nga Diskriminimi të Komuniteteve Romë, Ashkali dhe Egjiptianë, që është edhe përgjegjëse për të zbatuar përgjegjësitë që dalin nga Deklarata e Partnerëve të Ballkanit Perëndimor për Integrimin e Romëve, në kuadër të procesit të zgjerimit të Bashkimit Evropian.

“Ne si shoqëri jemi përgjegjës për të përfshirë komunitetet në sistemin e edukimit dhe arsimit profesional, me qëllim që të kenë më pas qasje në tregun e punës”, tha ministri Reçica dhe vazhdoi se sa i përket integrimit në punësim, tashmë është evidente se Kosova po ballafaqohet me papunësi të lartë. “Këtë situatë e ka vështirësuar edhe më tej pandemia Covid-19”, th ai.

Ministria e Punës dhe Mirëqenies Sociale gjithashtu me programet saj të Masave Aktive të Tregut të Punës, me të cilat ka filluar tashmë, këtë vit, në mënyrë proporcionale do të jenë të përfshirë të gjitha komunitetet dhe atë në komunat e tyre: në arsim profesional, punë publike, praktikë në punë etj.

“Me këtë rast u bëj  thirrje pjesëtarëve të komunitetit Romë, Ashkali, Egjiptianë që të regjistrohen në zyrat e punësimit, me qëllim të shfrytëzimit të shërbimeve publike të punësim,  me ç’ rast do të përfitojnë nga masat aktive të tregut të punës të ofruara nga ne”, u shpreh ministri Reçica.

Ai, gjithashtu potencoi  se gjatë vitit 2019 dhe 2020 Qeveria e Kosovës ka mbështetur komunitetet Romë, Ashkali, Egjiptianë në ndërtimin e shtëpive, ku janë në ndërtim e sipër rreth 170 shtëpi dhe projekte të tilla do të vazhdojnë edhe në të ardhmen, me qëllim që secili qytetar të ketë strehë mbi kokë.

Me qëllim të rritjes së mirëqenies së qytetarëve, Qeveria e Kosovës ka miratuar Koncept Dokumentin për Asistencën Sociale, si program i vetëm i mbrojtjes sociale në vend dhe me këtë rast do të përfitojnë komunitetet romë, ashkali, egjiptianë, sepse ju ofron atyre më shumë mbrojtje sociale dhe nuk lejon diskriminim me kriteret e përfitimit.

Në fund të fjalës së tij z. Reçica tha se është domosdoshmëri e kohës që të kemi një përkushtim të madh si regjion, në mënyrë që të bëjmë më të mirën për integrimin e romëve, ashkalive dhe egjiptianëve në shoqëritë e Ballkanit Perëndimor.

Kalendari

Ngjarjet e datës 3 Dhjetor 2020

- Me rastin e Ditës Ndërkombëtare të Personave me Aftësi të Kufizuara, Handikos mban konferencën lansuese të Raportit vlerësues mbi qasshmërinë e fëmijëve me aftësi të kufizuara në ndërtesat shkollore të nivelit fillor dhe të mesëm të ulët në Kosovë. (Qendra e Resurseve të Handikos në Veternik, ora 9:30)

- Gjykata Themelore në Ferizaj mban seancën kundër të pandehurit Ibrahim Mustafa Keqpërdorimi i pozitës apo autoritetit zyrtar. (Gjykata Themelore në Ferizaj, ora 9:30)

- Kuvendi i Kosovës mban seancë te veçantë në të cilën do të mbahet debat parlamentar për gjendjen e të drejtave të personave me aftësi të kufizuara në Republikën e Kosovës. (Kuvendi i Kosovës, ora 10:00)

-  Komisioni për Integrim Evropian shqyrton Projektligjin për rimëkëmbjen ekonomike – COVID-19, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N302, ora 10:00)

-  Komisioni për të Drejtat dhe Interesat e Komuniteteve dhe Kthim shqyrton Projektligjin për Rimëkëmbjen Ekonomike - COVID-19, me raport amendamente të Komisionit funksional për Buxhet dhe Transfere. (Ndërtesa e Kuvendit, salla N303 Koha: 10:00  

- Komisioni Qendror i Zgjedhjeve mban mbledhjen ku shpall rezultatet përfundimtare të jashtëzakoshme për Kryetar të Komunës së Podujevës dhe Mitrovicës së Veriut, të cilat u mbajtën më 29 nëntor 2020. (Ndërtesa e KQZ-së, kati 4, ora 10:00)

- Për nder të Ditës Ndërkombëtarë për Personat me Nevoja të Veçanta, ushtruesja e detyres Presidentja, dr.Vjosa Osmani bashkërisht me ambasadorin Britanik, Nicholas Abbott dhe ministrin e Arsimit, Ramë Likaj  nënshkruajnë panon e zotimit për gjithëpërfshirje. Oborri i Kuvendit të Republikës së Kosovës (hyrja nga sheshi, ora 11:30)

- OJQ EC Ma Ndryshe organizon aktivitetet ndërgjegjësuese që ka qëllim të përcjell porosinë vetëdijësuese për eliminimin e pengesave që janë krijuar për shkak të mungesës së gjithëpërfshirjes. (Parku i Qytet në Prizren, ora 11:00 - Keji përballë xhamisë së “Sinan Pashës”, ora 12:00 - Marash, ora 13:00)