11 Dhjetor 2018

Përfaqësuesit nga Kosova në trajnimin mbi diplomacinë dixhitale në Bled

Bled, 16 prill - Përfaqësues të institucioneve shtetërore të Republikës së Kosovës dhe të Ambasadës së Shteteve të Bashkuara të Amerikës në Prishtinë morën pjesë në trajnimin  “Fuqizimi i aktiviteteve të diplomacisë dixhitale në shtetet e Ballkanit Perëndimor dhe Evropës Lindore”, nga datat 10-13 prill, në Bled dhe Lubjanë të Sllovenisë.

Në trajnimin i cili mblodhi mbi 70 përfaqësues të marrëdhënieve me publikun, zyrtarë të komunikimit dhe diplomatë dixhitalë nga Kosova, Shqipëria, Mali i Zi, Maqedonia, Sllovenia, Bosnjë dhe Hercegovina, Serbia, Gjeorgjia, Moldavia dhe Ukraina, të pranishëm ishin edhe diplomatë të njohur dixhitalë ndërkombëtarë, ekspertë të marrrëdhënieve me publikun, redaktorë të mediave dixhitale dhe entuziastë të tjerë dixhitalë.

Përfaqësuesit nga Kosova shkëmbyen përvojat e tyre me përfaqësuesit nga shtetet e tjera pjesëmarrëse në fushën e diplomacisë dixhitale, me të cilët diskutuan për bashkëpunimin konkret në këtë sektor.

Trajnimi trajtoi aspekte teorike dhe praktike të komunikimit dixhital, gazetarisë dixhitale, teknikave të posaçme të rrëfimit, planifikimit të komunikimit strategjik, redaktimit të videove, fotografisë dhe dizajnit.

Ky trajnim evoluoi dhe avancoi të kuptuarit e teorisë së komunikimit, komunikimit dixhital në rrethana krizash dhe gazetarisë dixhitale, por gjithashtu ofroi një shans për të përmirësuar dhe rritur aftësitë në fushat e fotografisë, dizajnit dhe redaktimit të videove.

Pjesëmarrësit u sfiduan në zhvillimin e fushatave dixhitale, por diskutuan edhe fenomenin e keqinformimit, përdorimin e mediave sociale.

Produktet që kanë të bëjnë me mediat dhe marrëdhëniet me publikun dhe zhvillimi i tyre tërhoqën vëmendjen e pjesëmarrësve veçanërisht për shkak të zbatueshmërisë së tyre në jetën e tyre të përditshme profesionale.

Dita e fundit e trajnimit u zhvillua në Lubjanë dhe u përqendrua në punën ekipore, simulimet dhe prezantimet, ku pjesëmarrësit duhej të tregonin më të mirë dhe të përdornin njohuritë dhe aftësitë e fituara gjatë trajnimit.

Nës mesin e folësve dhe prezantuesve ishin edhe Ambasadori i SHBA-së në Slloveni, Brent R. Hartley, Presidentja e Bordit Ekzekutiv të CEP, Špela Lajmiš, Matt Jacobs, Amanda Berry, Kathy Giles-Diaz, Laurens Vermeire dhe Jared Caplan nga Departamenti amerikan i Shtetit, Phil Beekman nga Ambasada e SHBA-së në Slloveni, Ben Westlake – Tritton nga Zyra e Kryeministres së Mbretërisë së Bashkuar, Miriam Možgan nga Ministria e Punëve të Jashtme të Sllovenisë, Domen Savič nga Instituti “Državljan D” në Lubjanë dhe Damien Maloney, fotograf i pavarur. Dayna Geldwert nga Instagram bëri prezantimin qendror mbi politikat globale dhe marrëdhëniet e qeverisë me publikun.

Sesionit përmbyllës dhe ceremonisë se ndarjes së certifikatave iu bashkuan edhe Ambasadori Brent R. Hartley, Ambasador i SHBA-së në Republikën e Sllovenisë, dhe Dr. Gorazd Justinek, drejtor i Qendrës sllovene për Perspektivën Evropiane (CEP).

Trajnimi “Fuqizimi i aktiviteteve të diplomacisë dixhitale në shtetet e Ballkanit Perëndimor dhe Evropës Lindore” është i dyti i këtij lloji, pas trajnimit për diplomacinë dixhitale të mbajtur në nëntor 2017 dhe përbën një avancim të bashkëpunimit mes Qendrës për Perspektivën Evropiane (CEP) dhe Departamentit amerikan të Shtetit  dhe Ambasadës së SHBA-së në Lubjanë.

Kalendari

Ngjarjet e datës 11 dhjetor 2018 - Organi Shqyrtues i Prokurimit fillon me transmetim të drejtpërdrejtë “live stream” të sesioneve të tij, një hap ky në drejtim të një qasjeje më transparente nga ana e këtij institucioni. (Zyra e Organit Shqyrtues të Prokurimit, ish-Banka e Lubjanës, kati i 5-të, ora 10:00)
- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin legjislativ”. (Hotel Sirius, ora 10:00)

- Shoqata “Miqtë e Amerikës” dhe Komuna e Gjakoves hapin Librin e Zisë, në nderim të Presidentit George H.W. BUSH. (Pallati i Kulturës "Asim Vokshi" në Gjakovë, ora 10:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Rahovecit. (Rruga kryesore në fshatin Zaqisht të Rahovecit, ora 10:00)

- Shefi i Zyrës së BE-së, Nataliya Apostolova, do të diskutojë me nxënësit e shkollave të mesme me temë "Të mbështesë ndryshimin kulturor: roli i gjeneratave të reja për formësimin e vlerave të së nesërmes".  (Kafiteria Dit' e Nat', ora 10:00)

- Kompania vendore 'Produktet Natyrale të Kosovës' organizon ceremoninë e inaugurimit të linjës së re me teknologji të avancuar për përpunimin e farave të kungullit. (Fabrika 'Produktet Natyrale të Kosovës' në fshatin Loxhë në Pejë, ora 11:00)

- Sindikata e Pavarur e Sektorit Privat të Kosovës të mbajë konferencë për shtyp lidhur me gjendjen e punëtorëve të sektorit privat. (Zyret te BSPK, së ora 11:00)

- Instituti Demokraci për Zhvillim organizon ngjarjen vjetore të shpërblimeve në kuadër të projektit “Leja prindërore për barazi gjinore” që financohet nga Qendra Ndërkombëtare Olof Palme dhe mbështetet nga Qeveria Suedeze. (Libraria Dukagjini, ora 11:00)

- Mbahet tryeza në të cilën do të diskutohet për pakon ligjore kundër korrupsionit, si dhe për punën e institucioneve të drejtësisë në luftën ndaj krimit të organizuar dhe korrupsionit. (Ndërtesa e Kuvendit, salla C-405, ora 11:00)

- Policia e Kosovës mban konferencën zyrtare e cila i dedikohet fushatës kundër korrupsionit, të realizuar nga Drejtoria për Hetimin e Krimeve Ekonomike dhe Korrupsionit në bashkëpunim me ICITAP-in Amerikan. (Stacioni policor “Qendra”, ora 11:00)

- Asociacioni i Arkitektektëve të Kosovës dhe Komunës së Gjilanit bën prezantimin e “Bienales së Arkitekturës 2018”, ku do të marrin pjesë edhe përfaqësuesit e Komunës së Gjilanit dhe arkitektët në nivel Kosove dhe ata regjional. (Gjilan, ora 13:00)

- Instituti për Politika Zhvillimore organizon konferencën për shtyp me temë “Standardizimi i produkteve vendore: Shpërndarja dhe shitja e standardeve. (Resource Center Kosovo, në lagjen Pejton, në zyre të Forumit për Iniciativa Qytetare, ora 13:00)

- Koalicioni i OJQ-ve “Java Kundër Korrupsionit 2018” do të organizoj tryezen e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin ekzekutiv”. (Hotel Sirius, ora 14:00 - shtyhet, ora 15:00)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 14:00)

- Partia Socialdemokrate mban konferencë për media lidhur me çështjen e dialogut me Serbinë, për të cilën do të flasin nënkryetarët Visar Ymeri dhe Dukagjin Gorani. (Zyrat e PSD-së, në lagjen "Arbëria", ora 14:00)

- Ministria e Administrimit të Pushtetit Lokal në prag të përfundimit të vitit 2018, organizon ngjarjen vjetore për shënimin e të arriturave në vetëqeverisjen lokale në Kosovë si dhe të prezantojë orientimet për vitin e ardhshëm. (Sheshi 21, ora 18:00)