27 Nëntor 2020

Pasi i shpëtoi helmimit, Navalny do të kthehet në Rusi

Berlin, 16 shtator - Alexei Navalny ndodhet jashtë rrezikut për jetën dhe duket se është i vendosur për t’i shkuar deri në fund kauzës së tij.

Zëdhënësi i tij tha për mediat se Navalny do të kthehet në Rusi. “Të gjithë gazetarët në mëngjes më kanë shkruar dhe më pyesin, a është e vërtetë që Aleksei ka në plan të kthehet në Rusi?"

"Përsëri unë mund t’ua konfirmoj të gjithëve: asnjë mundësi tjetër nuk u mor parasysh kurrë”, shkroi zëdhënësi.

Kritiku i Vladimir Putin ka pohuar vetë se ka arritur të marrë frymë në mënyrë të pavarur.

“Nuk arrij të bëj asgjë, por të paktën kam marrë frymë vetë, gjatë gjithë ditës”, deklaroi Navalny, që sipas autoriteteve shëndetësore gjermane mendojnë se është helmuar me Noviçok, një nga agjentët helmues më të rrezikshëm të krijuar në kohën e Bashkimit Sovjetik.

Kalendari

Ngjarjet e datës 27 Nëntor 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën nga Malcolm Simmons, ish kryetar i Asamblese së Gjyqtarëve të EULEX-it, përfaqësuar sipas autorizimit nga dr. Artan Qerkini, avokat. (Ndertesa e Kuvendit, salla N302, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Instituti për Politika Zhvillimore mban konferencë për media me temë “Promovimi i efiçiencës së energjisë dhe burimeve të ripërtëritshme në Kosovë”. (Hotel Sirius, ora 10:00)

- Ministri i Infrastrukturës, Arban Abrashi, merr pjesë në nisjen e asfaltimit të zgjerimit të llotit të 4 të rrugës Podujevë - Prishtinë, gjegjësisht në fshatin Llugë. (Rruga Podujevë - Prishtinë, fshati Llugë, ora 11:00)

- Kryeministri Avdullah Hoti merr pjesë në shënimin e Ditës së Forcës së Sigurisë së Kosovës. (Kazerma Adem Jashari në Prishtinë, ora 12:00)

- Ministria e Mbrojtjes organizon ceremoninë e shënimit të Ditës së Forcës. (Ambientet e kazermës “Adem Jashari” në Prishtinë, ora 12:00)

- Aleanca Kosovare e Bizneseve  Kryeministri Avdullah Hoti do e përcjellin realizimin e eksportit të produkteve kosovare në Serbi e që lidhet me marrveshëjen në Shtëpinë e Bardhë në Washington për bashkëpunim ekonomik Kosovë - Serbi e cila pason me një marrëveshje mes dy operatorëve ekonomik. (Objekti i Agrokosova Holiding në zona industriale - Shirokë, Suharekë, ora 14:00)

- Kryeministri Avdullah Hoti në kuadër të Javës së Biznesit Kosovar 2020, viziton Verarinë ‘’Agro Kosova Holding ’’ në Suharekë. (Veraria ‘’Agro Kosova Holding ’’, Suharekë, ora 14:00)

 

- Partia Demokratike e Kosovës, Dega në Podujevë, bën sot përmbylljen e fushatës zgjedhore përmes një konference për media. (Restorant “Artela”, ora 14:00)