27 Shkurt 2020

PAD-i miratoi platformë për zgjidhjen e statusit të Sanxhakut

Novi Pazar, 29 korrik - Me miratimin e Platformës për zgjidhjen e statusit të Sanxhakut dhe elementet themelore të politikës kombëtare boshnjake për të cilat ekziston pëlqimi i kësaj popullate, PAD-i (SDA) Sanxhakut shënoi 29 vjetorin e themelimit dhe funksionimit.

Në kuvendin e SDA së Sanxhakut  për dokumentet e miratuara votuan të gjithë 800 delegatë nga të gjashtë komunat e pjesës serbe të Sanxhakut. Para votimit në preambulën e akteve të  SDA Sanxhaku u përkujtua  se organizimi politik i popullit boshnjak në Sanxhak filloi me themelimin e kësaj partie si një lëvizje popullore dhe   bazuar në  imperativin e zgjidhjes së statusit të Sanxhakut dhe statusin e popullit boshnjak.

Lideri i SDA Sanxhakut, Sulejman Uglanin në fjalimin e tij tha se Sanxhaku gjatë konfliktit në ish Jugosllavi nuk kishte asnjë konflikt ndëretnik. Ai theksoi se partia në krye të së cilës është ai  "nuk është parti, por lëvizje dhe ide  e popullit të Sanxhakut", e cila nëpër të gjitha institucionet e sistemit , ka promovua politikën e paqes, tolerancës, mirëkuptimit dhe është përpjekur të zgjidh statusin e Sanxhakut.

"Ky është suksesi ynë i madh,  parakusht për themelimin e statusit të veçantë të Sanxhakut. Duke lexuar këto gjithkush do të vij në përfundim se qytetarët e Sanxhakut   mendojnë, jetojnë dhe punojnë si evropian. SDA e Sanxhaku, si   përfaqësues legjitim i këtyre qytetarëve  dinë se çfarë duan dhe di se si ae si të ia arrijnë", tha Uglanin duke përkujtuar  angazhimin dhe kërkesën e përbashkët   të SDA  është   miratuar Rezoluta 855 në Këshillin e sigurimit të OKB-së me të cilën është vendosur  misioni i përhershëm i OSBE-së për Sanxhak, Kosovë dhe Vojvodinë.

Siç   vlerësoi, me këtë në një formë Sanxhakut i është kthyer dinjiteti dhe "institucioni më i lartë ndërkombëtar  pranoi se Sanxhaku ekziston  dhe Sanxhaku do të ekzistoj".

Uglanin, tha se, në qoftë se Sanxhaku nuk e zgjidh statusin e vet dhe nuk siguron mekanizma    të qëndrueshëm para se të hyjnë Serbia, Malin e Zi, Kosova dhe vendet e tjera të rajonit në Bashkimin Evropian, " kur vjen rrëmuja e parë dhe lind një Millosheviq i  ri ose Vuçiq i  ri, për  boshnjakët, shqiptarët dhe të gjithë popujt tjerë do të vijë në pyetje mbijetesa e tyre ".

Sipas Uglaninit, në  statusin e veçantë i Sanxhakut shqiptarët, boshnjakët, malazezët dhe serbët nuk humbasin asgjë, ata do të kenë statusin e popujve konstituiv dhe si i tillë Sanxhaku do të jetë bërthama e stabilitetit në rajon.

"Në Sanxhak,  Serbia  dhe Mali të Zi kanë mosmarrëveshje territoriale, sundojnë  një pjesë të territorit i   cili  nuk është i tyre. Ne jemi pjesëmarrës në këtë   në emër të paqes",  tha ai duke kujtuar qëndrimin e zyrtarëve të shteteve anëtare  të BE-së që asnjë shtet  që ka  mosmarrëveshje  territoriale nuk mund të bëhet anëtar.

Presidenti i SDA  ftoi anëtarët e partisë dhe përfaqësuesit e partive që t'i thërrasin të gjithë   partitë  tjera boshnjake për një qëllim të përbashkët. Ai paralajmëroi se ai do të vazhdojë të bashkëpunojë me Partinë Demokratike të Sanxhakut (SDP), e themeluar nga Rasim Lajiq, për të përmirësuar ambientin politik dhe çdo ambient tjetër për të gjithë qytetarët në Sanxhak.

Ai paralajmëroi  qëllimin  e  SDA Sanxhakut  që në zgjedhjet e  ardhshme  të krijojë një paraqitje të përbashkët të partive boshnjake.

"Qëllimi ynë është  të formojmë Grup parlamentar boshnjak në parlamentin serb,  Kuvendin e Sanxhakut dhe  pas hyrjes në Kuvend, me delegatët e tjerë serbë dhe malazezë të formojmë grupin e Sanxhakut," tha ai.

Në takimin solemne të SDA përveç anëtarëve  dhe mbështetësit, morën pjesë përfaqësues të partive politike, shoqatave nga Vojvodina, Kosova, Mali i Zi, Maqedonia dhe Bosnja e Hercegovina, zyrtarë të Këshillit Boshnjak Kombëtar (BNV),  nga  diaspora e Sanxhakut  nga vendet evropian dhe SHBA-së,  personalitete  publike dhe përfaqësues të organizatave politike dhe të tjera në Sanxhak, me të cilët bashkëpunon SDA.

Në punimet e kuvendit solemn të PAD-it (SDA) nga Lugina e Preshevës morën pjesë Kryetari i Këshillit nacional të Shqiptarëve zoti Ragmi Mustafa  kryetari i PVD përkatësisht kryetari i Komunës së Bujanocit Shaip Kamberi, nga Mali i Zi nënkryetari i Lidhjes Demokratike Ali Daci, nga Kosova Prof. dr. Nexhmedin Spahiu, Xhezair Murati  deputeti i Parlamentit të Kosovës nga radhët e kualicionit VAKAT, dhe  kryetari i shoqatës “ Kosova për Sanxhakun” Ismet Azizi me bashkëpunëtor.

Në mesin e mysafirëve të cilët përshëndetën punimet e  kuvend solemn  ishin Shaip Kamberi, Ali Daci  Nexhmedin Spahiu. Ndërsa nga telegramet  përshëndetës që arritën nga partitë e ndryshme politike të rajonit u lexua edhe telegrami i dërguar nga kreu i Lidhjes Demokratike të Kosovës, Isa Mustafa.

Të përkujtojmë se pas rënies së komunizmit në ish Jugosllavi, në praninë e më shumë se 40.000 qytetarëve në kuvendin themelues  në stadiumin e qytetit në Novi Pazar, më 29 korrik 1990, është themeluar Partia e Aksionit Demokratik (SDA) së Sanxhakut, atëherë si pjesë e SDA për ish-Jugosllavinë, me seli në Sarajevë.
 

Kalendari

Ngjarjet e datës 27 shkurt 2020 - Kryeministri Albin Kurti pret në takim Komandantin e KFOR-it, Michele Risi. Ndërtesa e Qeverisë, ora 8:40 - vetëm pamje)

- Shefja e Zyrës së Bashkimit Evropian në Kosovë, Nataliya Apostolova do të marrë pjesë në eventin përmbyllës të projekti të BE-së për mbështetjen e shërbimeve korrektuese dhe sprovuese të Kosovës, i cili do të mbahet në Prishtinë. (Hotel Emerald, ora 9:00)

- Nën organizimin e Sindikatës së Pavarur të Sektorit Privat të Kosovës, punëtorët e sigurimit fizik të Rektoratit të Universitetit të Mitrovicës do të protestojnë për shkeljet e tyre ligjore nga ana e kompanisë e cila edhe pse është vërtetuar që ju ka borxh punëtorëve asaj nuk i intereson kjo. (Para Rektoratit të Universitetit të Mitrovicës, ora 10:00)

- Mbahet  seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, (ish objekti i gjykatës. ora 10:00)

- Kryeministri Albin Kurti pret në takim zëvendës presidentin e Parlamentit Evropian, Rainer Wieland. (Ndërtesa e Qeverisë, ora 10:00 - vetëm pamje)

- Koalicioni i OJQ-ve për Mbrojtjen e Fëmijëve në partneritet me rrjetin Kraeeyn organizon konferencën për publikimin e “Politikës rekomanduese për zhvillimin në fëmijërinë e hershme”. (Hotel Sirius, ora 10:00)

- Mbahet mbledhja e rregulltë e Kuvendit Komunal të Mitrovicës. (Salla e Kuvendit të Komunës së Mitrovicës, ora 10:00)

- Zyra e Bashkimit Evropian në bashkëpunim me komunën e Prishtinës do ta përuroj çerdhen në lagjen Kalabria në Prishtinë. (Lagjja Kalabria, ora 10:30)

-  OJQ-së Aktiv bën prezentimin e letrës ‘Vlerësimi i të drejtave dhe lirisë në komunitetet Serbe të Kosovës’, mbështetur nga Qendra Ndërkombëtare Olof Palme. (Hotel Sirius, ora ora 11:00)

- Komisioni për Integrim Evropian bën shqyrtimin e draft-planit të punës së komisionit për vitin 2020. (Ndërtesa e Kuvendit, salla N 204, ora 11:00)

- Nënkryetari i Komunës së Gjilanit, Arbër Ismajli, me bashkëpunëtorët pret në takim zëvendësministren e Arsimit, Sportit dhe Rinisë të Shqipërisë, Lorena Haxhiu. (Zyra e kryetarit, ora 13:30)

- Mbahet mbledhja e Qeverisë së Republikës së Kosovës. (Ndërtesa e Qeverisë, ora 16:00)

- Fondacioni Shtatëmbëdhjetë organizon hapjen e Ekspozitës INFRARED: Additions në Fushë Kosovë. (Rr. e Pejës të rrethi në Fushë Kosovë, ora 18:00)