04 Tetor 2022

Nokia largohet nga Rusia

Helsinku, 22 prill - Prodhuesi i pajisjeve të telekomunikacionit Nokia po tërhiqet nga tregu rus, tha CEO i saj, duke shkuar një hap më tej se rivali Ericsson që është shprehur se do të pezullojë aktivitetin në Rusi për një kohë të papërcaktuar.

Qindra kompani të huaja po ndërpresin lidhjet me Rusinë pas pushtimit të Ukrainës më 24 Shkurt dhe pas sanksioneve perëndimore kundër Moskës.

“Ne thjesht nuk shohim asnjë mundësi për të vazhduar në vend në rrethanat aktuale”, tha drejtori i përgjithshëm Pekka Lundmark në një intervistë.

Gjithashtu shtoi se Nokia do të vazhdojë të mbështesë klientët gjatë daljes së saj dhe nuk ishte e mundur të thuhej se sa kohë do të zgjaste tërheqja.

Nokia po aplikon për licencat përkatëse për të mbështetur klientët në përputhje me sanksionet aktuale, tha Lundmark në një deklaratë.

Si Nokia ashtu edhe Ericsson pësuan ulje të shitjeve në Rusi, ndryshe nga kompanitë kineze si Huaëei dhe ZTE që kanë rritur shitjet në këtë shtet.

Nokia nuk pret që ky vendim të ndikojë në perspektivën e saj për vitin 2022.

Rusia është gjithashtu në mosmarrëveshje me Finlandën dhe Suedinë, përkatësisht vendet e origjinës së Nokia dhe Ericsson, lidhur me interesin e tyre për t’u bashkuar me aleancën ushtarake të NATO-s.

Vendimi i Nokias për t’u larguar nga Rusia do të prekë rreth 2000 punëtorë dhe disa prej tyre mund t’u ofrohet punë në vende të tjera të botës, tha Lundmark. 

Kalendari

Ngjarjet e datës 4 tetor 2022

- Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)