31 Mars 2020

Nënshkruhet marrëveshja për binjakëzimin e Gjilanit me Sioux City të SHBA’ve

Iowa, 26 shkurt - Kryetari i Komunës së Gjilanit, Lutfi Haziri dhe kryetari i qytetit të Sioux City të Iowa të Shteteve të Bashkuara të Amerikës, Bob Scott, kanë sot nënshkruar të mërkurën marrëveshjen e binjakëzimit mes këtyre dy komunave.

Përpos kryetarit të qytetit Sioux City, në ceremoninë e organizuar nga ky qytet, të pranishëm ishin edhe ushtarakët, policia e shtetit, zjarrëfikësit dhe të zgjedhurit e popullit.

“I dashur kryetar z. Scot, më lejoni t’ju falënderoj shumë për keto takime tona në vendin tuaj Sioux City. Faleminderit, po ashtu, për mbështetjen sot e shumë vite më herët. Njerëzit e kombit tuaj mbështetën kombin tonë në kohë të vuajtjes së luftës dhe kohën e paqes. Faleminderit që e keni mbështetur komunitetin e Gjilanit si dhe komunitetet e ndryshme ne Kosovë, në kultura dhe edukime te ndryshme”, ka thënë kryetari Haziri, pas nënshkrimit të kësaj marrëveshje.

“Kjo marrëveshje ka për qëllim shkëmbimin e studentëve dhe përvojave të tjera profesionale. Në këtë dokument që sot po e nenshkruajmë, pra binjakëzimin e qyteteve tona për bashkëpunim në shumë fusha, e që nënkupton për bashkëpunim të gjeneratave të reja e fermerëve. Gjilani është zonë tipie agroindustriale dhe fermerë të mirë, të cilëve do t’iu dalim në ndihmë”, ka shtuar Haziri.

Ndërkaq, kryetari i Sioux City, Bob Scott, theksoi se marrëveshja e binjakëzimit, përkthehet në bashkëpunim në shumë sektore, për fermerët, të rinjtë dhe në bashkëpunimin e shkëmbimit të studentëve.

Kalendari

Ngjarjet e datës 31 mars 2020

- Sindikata e Pavarur e Sektorit Privat të Kosovës do të mbaj konferencë për shtyp lidhur me gjendjen e punëtorëve të sektorit privat të Kosovës dhe masat e marra  nga Qeveria e Kosovës për këtë kategori të punëtorëve. (Objekti i ish Gërmisë tani ATK, nga ora 11:00)

 

- Lëvizja Vetëvendosje mban konferencë për media ku do të pronocohet Nënkryetarja së Kuvendit. znj Arbërie Nagavci. (Në hyrjen e Gjykatës Kushtetuese, ora 14:30) 

 

- Partia Demokratike e Kosovës, mban konferencë për media. (Selia e PDK-së, ora 16:00)