14 Gusht 2018

Në Britani veprojnë mbi 4600 banda të krimit të organizuar

Londër, 15 maj - Një studim i ri thotë se mbi 4600 banda të krimit të organizuar veprojnë në Britani.

Raporti i Agjencisë Kombëtare të Krimit të Mbretërisë së Bashkuar thotë se krimi i organizuar përbën kërcënimin më të madh për sigurinë kombëtare të vendit.

Studimi vëren se krimi i organizuar ka një ndikim të përditshëm në shërbimet publike të vendit, institucionet, reputacionin kombëtar dhe infrastrukturën.

Zyrtarët e agjencisë pretendojnë se shumica e krimit të organizuar zhvillohet për përfitime financiare.

Raporti sugjeron se njerëzit po përfshihen në krime të lidhura me bandat në Britaninë e Madhe edhe për shkak të kërcënimeve dhe shtrëngimit, presionit familjar dhe social, ose joshës nga mënyra e jetesës.

Studimi thotë se hyrja klandestine, si dhe importet e mëdha të drogës nëpërmjet rrugëve detare, paraqesin rrezikun më të madh për Mbretërinë e Bashkuar.

Kalendari

Ngjarjet e datës 14 Gusht 2018 - Lëvizja Vetëvendosje hap dyert e zyrës së saj për të pritur bashkatdhetarët që kanë ardhur në sezonin e pushimeve në Kosovë. (Selia e VV-së, Arbëri, ora  10:00)

- Kryetari i Komunës së Gjilanit, Lutfi Haziri, bën inaugurimin e shtëpisë për familjen Ilazi në Livoç të Ulët. (Fshati Livoç të Ulët, ora 11:00)

- Ministri i Arsimit, Shkencës dhe Teknologjisë, Shyqiri Bytyqi do të mbajë fjalë rasti në mbledhjen komemorative të organizuar nga Universiteti i Prishtinës “Hasan Prishtina”- Fakulteti i Mjekësisë dhe Shërbimi Spitalor dhe Klinik Universitar i Kosovës pas ndarjes nga jeta të profesorit Mujë Shala. (Amfiteatrin e Fakultetit të Mjekësisë, ora 11:00)

- Kryetari i Komunës së Gjilanit, Lutfi Haziri, bën inaugurimin e shtëpisë për familjen e Shaban Zahirit. (Fshati Livoç të Ulët, ora 12:00)

- Komuna e Prishtinës mban konferencë për media. (Objekti i vjetër i Komunës së Prishtinës, ora 13:00)

- Junaid Chndrigar për herë të parë në Ballkan do prezantojë në edicionin 9 të Festivalit të filmit te animuar Anibar. (Kinemanë Jusuf Gërvalla në Pejë, ora 14:00)

- Ushtruesi i Detyres se Ministri i Mjedisit dhe Planifikimit Hapësinor, Fatmir Matoshi do të pres në takim Kryetarin e Komunës së Klinës, Zenun Elezaj, me të cilin do të nënshkruajë një Memorandum Bashkëpunimi për realizimin e një projekti në fushën e mjedisit në komunën e Klinës. (Kabineti i Ministrit, ora 14:00)