18 Janar 2019

NATO do të hapë seli të reja në ShBA dhe Gjermani

Bruksel, 8 qershor - Sekretari i Përgjithshëm i NATO-s, Stoltenberg, ka bërë të ditur se NATO-ja do të hapë selitë e reja në Shtetet e Bashkuara dhe Gjermani.

Komanda e Përbashkët Atlantike do të vendoset në Norfolk, Virxhinia të ShBA-së, e cila do të përgjigjet për sigurinë e korsive detare midis Amerikës së Veriut dhe Europës.

Selia tjetër do të vendoset në Ulm të Gjermanisë për të siguruar mbështetje logjistike dhe mobilizimin ushtarak në Europë.

Stoltenberg-u tha se shefat e mbrojtjes të të gjitha vendeve mbështesin gjithashtu një nismë të zgjeruar gatishmërie të quajtur "Four 30s" dhe zotohen të sigurojnë që NATO-ja mund të dislokojë, deri në vitin 2020, 30 batalione të mekanizuara, një skuadron të forcave ajrore dhe 30 anije ushtarake.
 

Kalendari

Ngjarjet e datës 18 janar 2019 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 8:30)

- Kryeministri Ramush Haradinaj pret në takim 120 studentë nga Vjena dhe Venediku nga programi i studimeve  “Europian  Master in Human Rights and Democratisation”. (Ndërtesa e Qeverisë, ora 9:00 - vetëm pamje)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët e shkollës fillore “Dardania”. (Shkolla fillore Dardania, ora 10:00)

- Qendra e Lëvizjes Vetëvendosje! në Prishtinë mban konferencë për media. (Zyrat e Vetëvendosjes, ora 11:00)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët çerdhes “Gëzimi Ynë”. (Objekti i çerdhes “Gëzimi Ynë” në Prishtinë, ora 11:00)