19 Janar 2019

Moska burimi kryesor i kërcënimeve të ndryshme ndaj Europës

Bruksel, 15 maj - Shefat e zbulimit të vendeve europiane paralajmëruan se Rusia është duke u përpjekur në mënyrë aktive, që të minojë demokracitë e tyre përmes dizinformimit, sulmeve kibernetike dhe mjete të tjera tradicionale të spiunazhit.

Krerët e agjencive të zbulimit të Britanisë dhe Gjermanisë, si dhe zyrtarë të lartë të Bashkimit Europian dhe NATO-s, e përcaktuan Moskën si burimin kryesor të kërcënimeve të ndryshme ndaj Europës, duke cituar përpjekjet për manipulimin e zgjedhjeve, vjedhjen e të dhënave delikate dhe nxitjen për grusht shteti në Mal të Zi.

Ata përmendën gjithashtu sulmin me agjent nervor ndaj spinut rus në Britani, për të cilin Londra ka fajësuar Rusinë.

“Respekti që kemi për popullin rus nuk duhet të na ndalojë që t’i bëjmë presion Kremlinit për shkeljet flagrante të rregullave ndërkombëtare”, tha kreu i Agjencisë britanike të Zbulmit. MI5, Andrew Parker në takimin që u mbajt në Berlin.

Shefi i zbulimit të brendshëm gjerman, Hans-Georg Maassen, tha se agjencia e tij BfV, fajëson autoritetet ruse për orkestrimin e një sulmi të vazhdueshëm kibernetik, që synon vjedhjen e të dhënave sensitive, me synimin për t’u përdorur në fushata ardhshme zbulimi, siç ndodhi me emailet e rrjedhura të Komitetit Kombëtar Demokratik gjatë zgjedhjeve presidenciale të vitit 2016 në Shtetet e Bashkuara.

Shefi i zbulimit gjerman tha se autoritetet janë veçanërisht të shqetësuara lidhur me financimin e grupeve ekstremiste që synojnë përçarjen e shoqërive europiane dhe bëri thirrje për një ndërgjegjësim më të madh ndaj sulmeve në fusha të ndryshme për t’iu kundërvënë këtyre kërcënimeve në të ardhmen.

Shefat evropianë të zbulimit, po ashtu theksuan rrezikun e vazhdueshëm nga ekstremizmi islamik dhe nevojën për bashkëpunim të afërt mes agjencive evropiane, megjithë largimin e Britanisë nga blloku vitin e ardhshëm. 

Kalendari

Ngjarjet e datës 18 janar 2019

- Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 8:30)

- Kryeministri Ramush Haradinaj pret në takim 120 studentë nga Vjena dhe Venediku nga programi i studimeve  “Europian  Master in Human Rights and Democratisation”. (Ndërtesa e Qeverisë, ora 9:00 - vetëm pamje)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët e shkollës fillore “Dardania”. (Shkolla fillore Dardania, ora 10:00)

- Qendra e Lëvizjes Vetëvendosje! në Prishtinë mban konferencë për media. (Zyrat e Vetëvendosjes, ora 11:00)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët çerdhes “Gëzimi Ynë”. (Objekti i çerdhes “Gëzimi Ynë” në Prishtinë, ora 11:00)

- Drejtori i Klinikës Emergjente, dr. Basri Lenjani, do të mbajë konferencë për medie. Në konferencë do të jepet qëndrimi zyrtar në lidhje me videon që ka qarkulluar në medie, për kinse mos ofrimin e shërbimeve shëndetësore ndaj një qytetari. (Klinika Emergjente, ora 13:00)