18 Nëntor 2019

Miqësia me SHBA-në nuk duhet të lëkundet

Stokholm, 27 shkurt - Instituti Shkencor Kosovaro - Suedez ka bërë të ditur se përshëndeti me kohë vendosjen e taksës prej 100% në produktet e Serbisë si të qëlluar dhe sensibilizuese.

"Mendojmë që qëllimi është arritur duke ngritur mekanizma për identifikimin e vendit të origjinës dhe tash mbetet tek konsumatori të jetë i ndërgjegjëshëm dhe t’i bojkotoj ato."

"Nga ana tjetër nuk guxojmë të vëmë në lojë miqësinë me Shtetet e Bashkuara të Amerikës po ashtu edhe me shtetet tjera të NATO-s duke pasur parasysh kontributin dhe investimin e tyre në lirinë dhe shtet-formimin e Republikës së Kosovës", thekson Denis Spahija zëvendës president i Instituti Shkencor Kosovaro - Suedez .

Këshillat e miqve sipas Institutit duhen dëgjuar dhe fjala e tyre duhet të zë vend sepse miku mikun respekton.

"Ne mendojmë që taksa duhet suspenduar për një kohë dhe t’i lihet miqve që të ndikojnë tek fqinji verior të reflektoj dhe të filloj implementimin e marrëveshjeve të gjertanishme dhe mos pengoj Republikën e Kosovës në rrugën e saj për në Bashkim Evropian si dhe mekanizmat tjerë ndërkombëtar si UNESKO, INTERPOL, KOMBE TË BASHKUARA etj", ka deklaruar Spahija.
 

Kalendari

Ngjarjet e datës 18 nëntor 2019

- Oda Ekonomike e Kosovës do të mbajë konferencë për media në të cilën do të prezentojë hulumtimin rreth opinionit të bizneseve për marrëveshjen Kosovë-Serbi. (Objekti i Odës Ekonomike të Kosovës, ora 9:00)

- Organizata për Demokraci, Anti-korrupsion dhe Dinjitet, ÇOHU! me përkrahjen e Ambasadës së Mbretërisë së Holandës përmes Programit Matra organizon tryezë në të cilën do të publikohet raporti me titull Qasja në Drejtësi. (Hotel Sirius, ora 10:00)

- Qendra e Inovacionit të Kosovës dhe Oda Ekonomike Amerikane në Kosovë organizojnë ceremoninë e hapjes së Javës Globale të Ndërmarrësisë 2019 në Kosovë. (Menza "Ramiz Sadiku" në Prishtinë, ora 10:00)

- Grupi Tematik për të Drejtat e Fëmijëve në Shëndetësi në kuadër të Koalicionit te OJQ-ve për Mbrojtjen e Fëmijëve organizon konferencën për media në te cilën do të prezantojë një dokumet me të dhëna dhe rekomandime për mbrojtjen e ambientit në Kosovë. (Qendra e Resurseve për OSHC, Forumi për Iniciativa Qytetare në Lagjen Pejton, ora 10:00) 

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të organizojë tryezë me titull “Pandëshkueshmëria e korrupsionit”. (Hotel Sirius, ora 10:00)

- Instituti Kërkimor për Çështje Evropiane dhe të Zhvillimit organizon prezantimin e studimit per Çështjen e Kompleksit të Trepçës dhe Çështjen e Reparacioneve për Krimet e Luftës të kryera në Kosovë në Kontekstin e ‘Finales së Madhe’ eventuale ndërmjet Kosovës dhe Serbisë. (Hotel Swiss Diamond, ora 10:00)

- Komuna e Prizrenit në bashkëpunim me PPSE Swisscontact dhe SHB Sharri përuron shtegun turistik të ri Via Ferrata "Panorama". (Gryka e Lumbardhit, 4.5 km nga qendra e qytetit, ora 11:00 - transporti i organizuar nga Komuna e Prizrenit, nisja nga Shtëpia e Bardhë, ora 10:30)

- Në kuadër të aktivitet kulturor kushtuar "Ditet e Alfabetit", promovohet botimi 'Levizja Protestante te shqiptaret 1818-1908" te autorit prof. dr. David Hosaflook. (Biblioteka Kombetare "Pjeter Bogdani", ora 10:30)

- Muzeu Kombëtar i Kosovës hap ekspozitën “Bienalen e Akuarelit Edicioni i 2-të” e cila sjellë vepra arti të artisëve nga 70 vende të botës me rreth 380 piktura. (Muzeu Kombëtar, ora 19:00)

 

- Në kuadër të projektit ' Tell Me More' të perkrahur nga MKRS dhe DKRS dhe të implementuar nga Kuvendi i të Rinjve të Prizrenit do të realizohet shfaqja teatrale në Shtepinë e Kulturës " Xhemajli Berisha ". (Shtëpia e Kulturës në Prizren, ora 20:00)