23 Shkurt 2019

Lëvizja Vetëvendosje! pranohet si anëtar observues i Internacionales Socialist

Gjenevë, 27 qershor - Lëvizja Vetëvendosje ka bërë të ditur se Këshilli i Internacionales Socialiste e ka hedhur sot në votim dhe e ka miratuar unanimisht kandidimin e Lëvizjes Vetëvendosje! si anëtar observues në këtë organizatë ndërkombëtare të partive socialdemokrate.

Deri para këtij vendimi, Lëvizja Vetëvendosje! merrte pjesë si subjekt politik me statusin e “të ftuarit” në disa prej mbledhjeve të Internacionales.

Nga sot, Lëvizja do të ketë të drejtën të marrë pjesë në të gjitha punimet, mbledhjet dhe takimet e Internacionales Socialiste sipas statutit të organizatës, duke mundësuar lidhje më të forta me partië e tjera politike të qendrës së majtë nga e gjithë bota.

Kalendari

Ngjarjet e datës 24 shkurt 2019 - Mbahet kampionati ekipor në pingpong Liga e Parë e Meshkujve. (Pallati i Rinisë dhe Sporteve në Prishtinë, ora 10:00)

- Komuna e Deçanit në bashkëpunim më OVL të UÇK-së, organizojnë mbledhje komemorative, me rastin e ndarjes nga jeta të ish-luftëtarit Halim Tolaj. (Salla e Asamblesë Komunale në Deçan, ora 11:00)

- Lëvizja Vetëvendosje! mban konferencë për media për çështjen e Lumbardhit në të cilën flasin nënkryetarja Fatmire Kollçaku dhe anëtari i Kryesisë në Pejë Taulant Kelmendi. (Takimi me gazetarë bëhet tek hotel "Dukagjini", ora 12:00)

 - Mbahet ceremonia e varrimit të ish-luftëtarit Halim Tolaj. (Kompleksi i Varrezave të Dëshmorëve të Kombit në fshatin Prejlep, ora 13:00)