15 Dhjetor 2018

Koreja e Veriut pranon ofertën e Koresë së Jugut për bisedime

Seul, 6 janar - Media koreanojugore ka bërë të ditur se Pheniani ka pranuar ofertën e Seulit për të marrë pjesë në bisedimet e nivelit të lartë javën e ardhshme.

Takimi i përcaktuar për t'u zhvilluar të martën në fshatin Panmunjom në kufirin mes dy vendeve, do të fokusohet në mundësinë e pjesëmarrjes së sportistëve koreanoveriorë në Lojërat Olimpike Dimërore në Korenë e Jugut në shkurt.

Udhëheqësi i Koresë së Veriut Kim Jong Un tha këtë javë se dërgimi i një delegacioni në Olimpiadën Dimërore do të ishte "një mundësi e mirë për të treguar unitetin".

Presidenti i Koresë së Jugut Soon Jae-in nga ana e tij ka thënë se e sheh Olimpiadën Dimërore si një "rast historik" për përmirësimin e marrëdhënieve midis dy Koreve.

Këto marrëdhënie shfaqën shenja përparimi këtë javë, kur Koreja e Veriut rivendosi linjën e komunikimit mes dy vendeve në Panmunjom. 

Kalendari

Ngjarjet e datës 15 dhjetor 2018 - Mbahet mbledhja e Kryesisë së Kuvendit në të cilën do të shqyrtohet kërkesa e 42 deputetëve për mbajtjen e seancës së jashtëzakonshme për miratimin e Projekt-rezolutës mbi procesin e dialogut për normalizimin e marrëdhënieve në mes të Republikës së Kosovës dhe Republikës së Serbisë. (Ndërtesa e Kuvendit, salla  C-301, ora 10:00)

- Rrjeti i Grave të Kosovës organizon Kuvendin Vjetor të 16-të të Anëtareve. (Hotel Sirius, ora 10:30)

- Presidenti i Republikës së Kosovës, Hashim Thaçi, bën homazhe tek shtatorja e Heroit të Kosovës, Zahir Pajaziti. (Shtatorja e Zahir Pajazitit në Prishtinë, ora 11:00)

- Gjimnazi "Hasan Nahi", organizon testin fazës së parë te garës e inteligjencës "Eureka". (Gjimnazi "Hasan Nahi", ora 11:00)

- Autostrada Biennale organzon konferencën vjetore “Revolucioni Jemi Ne - La Rivoluzione Siamo Noi” në të cilën prezanton "Autostraden Bienaleve: Libri i Përbashkët". (Muzeu Arkeologjik në Prizren, ora 11:00)

- Presidenti i Republikës së Kosovës, Hashim Thaçi, bën homazhe tek tek varri i ish-presidentit Ibrahim Rugova, dhe tek varri i veprimtarit të shquar të çështjes kombëtare Adem Demaçi. (Velani, ora 11:15)

- Fëmijët e lagjeve për rreth Parkut së bashku me prindërit e tyre shoqërues do të organizojnë protestën kunder degradimit të Parkut! (Tek anfiteatri në Parkë, ora 12:00)

- Presidenti i Republikës së Kosovës, Hashim Thaçi, bën homazhe tek varrezat e familjes Jashari në Prekaz. (Prekaz, ora 12:00)

- Ambasada Gjermane së bashku me Diakonie Kosova në Mitrovicë organizon tregun tradicional të Krishtlindjeve. (Oborri i Diakonie Kosova në Mitrovicë, ora 15:00)