17 Korrik 2019

Kalimet përmes mesdheut janë bërë më vdekjeprurëse se kurrë më parë

Gjenevë, 5 shtator - Tri vjet pas imazheve tronditëse të fëmijës së pajetë sirian Alan Kurdi në një plazh të Turqisë, raporti i sapo publikuar nga UNHCR, Agjencia e Kombeve të Bashkuara për Refugjatët njofton se kalimi përmes Detit Mesdhe është bërë edhe më vdekjeprurës.

Raporti i ri i UNHCR-së "Udhëtimet e të dëshpëruarve" informon se më shumë se 1,600 njerëz kanë vdekur apo janë të pa gjetur derisa janë munduar të arrijnë në Evropë gjatë këtij viti.


Raporti thekson se përderisa numri total i njerëzve që vijnë në Evropë ka rënë, shkalla e vdekjeve është rritur ndjeshëm, veçanërisht për ata që kalojnë përmes Detit Mesdhe. Në Mesdheun Qendror, një person vdiq ose u zhduk për çdo 18 vetë që kaluan në Evropë ndërmjet janarit dhe korrikut 2018, në krahasim me një vdekje për çdo 42 vetë që kaluan në të njëjtën periudhë në vitin 2017.

"Ky raport edhe një herë konfirmon Mesdheun si një nga kalimet më vdekjeprurëse në botë", tha drejtoresha e zyres së UNHCR-së për Evropë, Pascale Moreau. "Me numrin më të vogël të njerëzve, që vijnë në brigjet evropiane, kjo nuk është më një provë nëse Evropa mund të menaxhojë numrat, por nëse Evropa mund të tregojë humanitetin për të shpëtuar jetëra".

Në muajt e fundit, UNHCR, së bashku me Agjencinë e OKB-së për Migracionin, IOM, kanë bërë thirrje për një qasje parashikuese e rajonale për shpëtimin dhe zbarkimin e njerëzve në gjendje të vështirë në Detin Mesdhe.

UNHCR po ashtu i bën thirrje Evropës për të rritur qasjen në rrugë të sigurta dhe ligjore për refugjatët, duke përfshirë rritjen e vendeve të rivendosjes dhe heqjen e pengesave për bashkimin familjar - duke ndihmuar në ofrimin e alternativave kundrejt udhëtimeve potencialisht vdekjeprurëse.

Raporti gjithashtu përshkruan rreziqet me të cilat refugjatët përballen gjatë udhëtimit përgjatë rrugëve tokësore në ose brenda Evropës. Duke vënë në dukje hapat që disa kanë ndërmarrë për të parandaluar hyrjen e refugjatëve dhe emigrantëve në territorin e tyre, raporti i nxit shtetet t'i japin atyre që kërkojnë mbrojtje ndërkombëtare lehtësisht të disponueshme në procedurat e azilit. Ai, gjithashtu u bën thirrje shteteve të forcojnë mekanizmat për të mbrojtur fëmijët që udhëtojnë vetëm dhe kërkojnë azil.

Ambasadori i vullnetit të mirë i UNHCR-së, shkrimtari Khaled Hosseini, një ish-refugjat nga Afganistani, ka publikuar një libër të ri të ilustruar, që përputhet me trevjetorin e vdekjes së Kurdit. 'Lutja e Detit' i dedikohet mijëra refugjatëve, të cilët kanë humbur jetën nëpër botë, duke ikur nga lufta, dhuna dhe persekutimi.

"Kur pashë ato imazhe tmerruese të trupit të Alan Kurdit, zemra ime u thye", tha Hosseini. "Vetëm tri vjet nga kjo, dhe pavarësisht se me mijëra njerëz të tjerë humbasin jetën e tyre në det, kujtesa jonë kolektive dhe urgjenca për të bërë më mirë duket se ka tretur".

Në qershor dhe korrik të 2018, Hosseini vizitoi Libanin dhe Italinë dhe pa ndikimin shkatërrues në familjet që kishin humbur të afërmit derisa përpiqeshin të arrinin Evropën.

"Në Sicili kam vizituar një varrezë të vetmuar dhe të çrregullt të mbushur me varre të pa shënuara të njerëzve - përfshirë shumë fëmijë - të cilët janë mbytur në udhëtime në vitet e fundit, ashtu si Alan", tha Hosseini. "Secili prej këtyre njerëzve tani është reduktuar në vetëm një numër, një kod në varr, por ata ishin të gjithë burra, gra dhe fëmijë që guxuan të ëndërrojnë një të ardhme më të ndritur. Tre vjet nga vdekja e Alanit, është koha që të jemi së bashku për të bërë më shumë për të parandaluar tragjeditë e ardhshme dhe për t'ua bërë të ditur miqve, familjeve, komunitetit dhe qeverive se ne jemi me refugjatët".
 

Kalendari

Ngjarjet e datës 17 korrik 2019 - Koalicioni i OJQ–ve për Mbrojtjen e Fëmijëve në Kosovë organizon konferencë të jashtëzakonshme për media lidhur me rastin e fundit i vdekjes së fëmijës në rrethana të dyshimta në Fushë Kosovë. (Hotel Sirius, ora 10:00)

- Lansohet Plani i Integritetit të Ministrisë së Mbrojtjes të Republikës së Kosovës. (Ndërtesa e Ministrisë se Mbrojtjes, ora 10:00)

- Me rastin e shënimit të “Epopesë së Korrikut 1998’’ në Rahovec, Komuna e Rahovecit do të bëj homazhe dhe ndërim për të rënet. (Rahovec, ora 10:00)

- Kryetari i Gjykatës Themelore të Gjilanit, Ramiz Azizi do të mbajë konferencë për media. (Objekti i Gjykatës Themelore në Gjilan, Kati i III, Salla 306, ora 10:30)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi mban dëgjim publik lidhur me mbikëqyrjen e zbatimit të Ligjit për Trashëgiminë Kulturore. (Ndërtesa e Kuvendit, salla C 203, ora 11:00)

- Policia e Kosovës do të mbajë një konferencë për media, ku do prezantohet raporti gjashtëmujor  janar-qershor 2019 duke u fokusuar edhe në aktivitetet më të rëndësishme të policisë gjatë kësaj periudhe. (Stacioni policor Qendra në Prishtinë, ora 11:00)

- Kryeministri Ramush Haradinaj pret në takim Azgan Haklaj, president i Unionit Artistik të Kombit Shqiptar. (Ndërtesa e Qeverisë, ora 11:00)

- Ministria e Tregtisë dhe Industrisë organizon panairin “Gratë në Biznes dhe artizanate tradicionale” në të cilin do të marrin pjesë rreth 32 biznese dhe shoqata të grave ndërmarrëse nga komunitete të ndryshme të Kosovës. (Sheshi “Para Teatrit” në Gjilan, ora 11:00)      
 
- Ministria e Infrastrukturës dhe Transportit në bashkëpunim me Policinë e Kosovës lanson fushatën vetëdijësuese “10 Rregullat e Arta të Sigurisë Rrugore. (Pika kufitare e Merdares, ora 11:00)

- Partia Socialdemokrate mban konferencë për media. (Zyrët qendrore të PSD-së në lagjen Arbëria, ora 11:30)

- Komuna e Rahovecit organizon akadmi përkujtimore me rastin e 21 vjetorit shënimit të “17 korrikut - Epopesë së Rahovec’’. (Shtëpia e Kulturës 'Mentor Zyberaj" në Rahovec, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.48. (Hoteli Grand, ora 12:30)

- Mbledhja e komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për Inspektoratin e Punës. (Ndërtesa e Kuvendit, salla N 303, ora 13:00)

- Komuna e Rahovecit organizon dëgjim publik për përgatitjen e buxhetit për vitit 2020 më banorët e fshatit Hoçë e Madhe. (Shtëpia e Kulturës në fshatin Hoçë e Madhe, ora 14:00)

- Kryeministri Ramush Haradinaj zhvillonë një vizitë pune në Komunën e Malishevës. (Malishevë, ora 15:00)

- Komuna e Rahovecit organizon dëgjim publik për përgatitjen e buxhetit për vitit 2020 më banorët e lagjeve III- dhe IV të qytetit të Rahovecit. (Shkolla fillore “Isa Boletini” në Rahovec, ora 19:00)