17 Janar 2019

Irani po zhvillon armë bërthamore

Telaviv, 5 prill - Kreu i agjencisë së inteligjencës së Izraelit, Mossad është “100 për qind e sigurt” se Irani mbetet i angazhuar për zhvillimin e një bombe bërthamore dhe beson se bashkësia ndërkombëtare duhet të ndryshojë ose të heqë marrëveshjen e saj bërthamore me Republikën Islamike.

Yossi Cohen, i cili kryeson agjencinë e fshehtë të spiunazhit, po zhvillon diskutime rreth programit bërthamor iranian dhe dha vlerësimin e tij në një takim të mbyllur të kohëve të fundit, me zyrtarë të lartë.

Cohen e quajti marrëveshjen bërthamore një “gabim të tmerrshëm”, duke thënë se i lejon Iranit të mbajë elementet kyçe të programit të tij bërthamor të paprekur dhe do të heqë kufizimet e tjera brenda disa viteve.

“Atëherë Irani do të jetë në gjendje të pasurojë uranium të mjaftueshëm për një arsenal të bombave bërthamore”, tha Cohen, sipas pjesëmarrësit të takimit, i cili foli me kusht anonimiteti, sepse ai po diskutonte një çështje të klasifikuar të sigurisë.

“Si kreu i Mossad, unë jam 100 për qind i sigurt se Irani kurrë nuk ka braktisur vizionin e tij bërthamor ushtarak, për asnjë çast të vetëm. Kjo marrëveshje i mundëson Iranit ta arrijë atë vizion. Kjo është arsyeja pse unë besoj se marrëveshja duhet të ndryshohet ose të hiqet tërësisht. Dështimi për ta bërë këtë do të ishte një kërcënim serioz për sigurinë e Izraelit”, tha Cohen.

Komentet e Cohen vijnë në mes të një diskutimi intensiv ndërkombëtar mbi të ardhmen e marrëveshjes bërthamore të vitit 2015, në të cilën Irani ra dakord të kufizojë dhe të inspektojë programin e tij bërthamor në këmbim të lehtësimit nga sanksionet ndërkombëtare.

Kalendari

Ngjarjet e datës 17 janar 2019 - Kryeministri Ramush Haradinaj bën homazhe te Shtatorja e Gjergj Kastriotit Skënderbeut, me rastin e 550 vjetorit të vdekjes. (Shtatorja e heroit Gjergj Kastrioti Skënderbeu, Prishtinë, ora 9:00)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët e komunës së Malishevës. (Gjimnazi “Hamdi Berisha” në Malishevë, ora 9:15)

- Ministri i Financave Bedri Hamza dhe udhëheqësi i Divizionit për Slloveninë, Kroacinë, dhe Ballkanin Perëndimor në Bankën Evropiane për Investime Matteo Rivellini nënshkruaj Marrëveshje Grant për Mbështetje të Projektit për Ndërtimin e Autostradës Kijevë-Zahaq. (Ndërtesa e  Qeverisë, kati 11, ora 9:30)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët në çerdhen e komunës së Malishevës. (Objekti i çerdhes në Malishevë, ora 9:45)
 
- Kryeministri Ramush Haradinaj zhvillon takim pune me përfaqësuesit e Odës Ekonomike Gjermane. (Hotel Emerald, ora 10:00)

- Misioni i OSBE-së do të publikojë raportin mbi gjendjen e strehimoreve për viktimat e dhunës në familje në Kosovë. (Hotel Swiss Diamond, ora 10:15)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët e shkollës fillore “Ganimete Tërbeshi” në Astrazub të komunës së Malishevës. (Astrazub, ora 10:40)

- Administrata Tatimore e Kosovës nesër do të shënoj 19 vjetorit të themelimit të saj. (Qendra e Shërbimit të Tatimpaguesve, ish-ndërtesa e Gërmisë, ora 11:00)

- Mbahet takimi i përbashkët në mes kryetarit të Komunës së Gjilanit Lutfi Haziri dhe Kryeshefit Ekzekutiv të KRU"Hidromorava" Muhamet Suliqi, du do të zyrtarizohet Njësitit për Implementimin e Projektit - Impiantit dhe Kolektorëve  për ujëra të zeza. (Zyra e Kryetarit Haziri, ora 11:00)
 
- Kryeministri Ramush Haradinaj merr pjesë në shënimin e 19-vjetorit të themelimit të Administratës Tatimore të Kosovës. (Qendra e Shërbimit të Tatimpaguese, ish ndërtesa e Gërmisë, ora 11:00)

- Ministri i Kulturës, Rinisë dhe Sportit, Kujtim Gashi, do të bëjë hapjen zyrtare të Zyrës për programin “Evropa Kreative Kosovë”. (Biblioteka Kombëtare të Kosovës “Pjetër Bogdani”, ora 11:00)

- Nën organizimin e Grupit Parlamentar të LDK-së dhe Kryetarit të Komunës së Pejës Gazmend Muhaxherit në 17 vjetorin e vrasjes, organizohen homazhe në nderim të jetës dhe veprës së ish-deputetit të Republikës së Kosovës, Komandantit të Shtabit Rajonal Rugova, Heroit Smajl Hajdaraj. (Tek varrezat e fshatit Zahaq të Pejës, ora 12:00)

- Në 37 vjetorin vrasjes së heronjve të kombit Jusuf e Bardhosh Gërvalla, Grupi Parlamentar i LDK-së, në nderim të jetës dhe veprës së tyre do të vendos kurora lulesh tek varrezat e heronjve. (Fshati Dubovik në Deçan, ora 12:30) 

- Kryeministri Ramush Haradinaj pret në takim Komisionerin Evropian për Politika të Fqinjësisë dhe Negociata të Zgjerimit, Johannes Hahn. (Ndërtesa e Qeverisë, ora 16:45 - vetëm pamje)
 
- Kryeministri Ramush Haradinaj merr pjesë në ceremoninë e organizuar me rastin e përmbylljes së aktiviteteve në 550 vjetorin e Vitit Mbarëkombëtar të Skënderbeut. (Sheshi 21, ora 18:00)

- Dega e LDK-së në Pejë do të bëjë ndezjen e qirinjve në vendin e vrasjes te ish-deputetit të Republikës së Kosovës, Komandantit të Shtabit Rajonal Rugova, Heroit Smajl Hajdaraj. (Lagja “Fidanishte” në Pej, ora 19:50)