28 Shtator 2020

Erërat e forta dhe temperaturat e larta rrezikojnë zgjerimin e zjarrit në Australi

New South Wales, 5 janar - Më shumë se 130 vatra zjarri vazhdojnë të jenë aktive në New South Wales të Australisë, ndërsa temperaturat në disa pjesë të shtetit pritet të arrijnë në rreth 40 gradë celsius.

Situata po bëhet gjithnjë e më e vështirë për shkak të erërave të fuqishme e mungesës së lagështirës.

Zjarret u përhapën të shtunën edhe në qytetin bregdetar të Moruyas. Sipas ekspertëve era mund bëhet shkak për zgjerimin e vatrave aktuale të zjarrit, duke marrë me vetë thëngjij prej zonave që digjen.

Zjarret e fuqishme kanë shkaktuar një nga evakuimet më të mëdha në historinë e vendit.

Me urdhër të Kryeministrit të Australisë janë angazhuar rreth 3 mijë rezervistë. Kërcënimi u përshkallëzua të shtunën në të paktën tre shtete ku 2 persona humbën jetën.

Erërat e forta e temperaturat e larta pritet të zgjerojnë flakët në zonat e populluara, përfshirë periferinë e Sidneit.

Kalendari

Ngjarjet e datës 28 Shtator 2020 - Mbahet mbledhja e Qeverisë së Kosovës. (Ndërtesa e Qeverisë, ora 8:30)

-  Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të bëhët shqyrtimi dhe plotësimi i Planit të Punës së Komisionit për sesionin vjeshtor. (Ndërtesa e Kuvendit, ora N10, ora 9:30)

-  Organizata për Rritjen e Cilësisë në Arsim organizon aksionin protestues "Kundër plagjiaturës të përbashkuar", për denoncimin e plagjiaturave të udhëheqësve të ministrive të Arsimit në Kosovë dhe në Shqipëri, ministrit Ramë Likaj dhe ministres Evis Kushi. (Rruga Radovan Zogoviq në lagjen Pejton, para Ambasadës së Shqipërisë në Kosovë, ora 10:00)

-  Mbahet mbledhja e Komisionit për Punë të Jashtme dhe Diasporë në të cilën do të bëhët shqyrtimi i Përfundimit të Kryesisë së Kuvendit dhe shqyrtimi i draft - Planit të Punës së Komisionit. (Ndërtesa e Kuvendit, salla N303, ora 10:00)

- Komisioni Hetimor Parlamentar lidhur me procesin e privatizimit në Kosovë bën përzgjedhjen e ekspertëve të jashtëm si dhe cakton intervistat për dëshmitar. (Ndërtesa e Kuvendit, salla N302, ora 11:00)

- Vazhdimi i seancës plenare të Kuvendit në të cilën do të bëhet zgjedhja e Avokatit të Popullit. (Salla e Kuvendit, ora 12:00)

-  Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e dëshmitarit Beqë Cufaj  – Ambasador i Republikës së Kosovës në Gjermani. (Ndërtesa e Kuvendit, salla N204, ora 14:00)

- Mbahet paraqitja e parë e Salih Mustafës. (Salla e  gjyqit të Dhomave  të  Specializuara të Kosovës  (DHSK) në Hagë ora 15:00 - mund  të  përcillet edhe përmes transmetimit në Internet, me një vonesë të shkurtër në https://www.scp-ks.org/sq/transmetim)

- Ministri i Punëve të Brendshme, Agim Veliu, ministri i Shëndetësisë, Armend Zemaj dhe drejtori EMCDDA do të nënshkruajnë marrëveshje pune. (Objekti i Ministrisë së Punëve të Brendshme, salla P-01, ora 16:00)