28 Maj 2020

Deputetët e BE-së u japin lamtumirën kolegëve të tyre britanikë

Bruksel, 31 janar - Ligjvënësit nga 27 vendet e mbetura anëtare të Bashkimit Evropian u kanë dhënë lamtumirën kolegëve të tyre britanikë.

Deputetët britanikë të Parlamentit Evropian morën pjesë në seancën e tyre të fundit të votimit përpara daljes së Britanisë nga BE-ja më 31 janar.

Nënkryetarja e Parlamentit Evropian Dita Charanzova shprehu mirënjohje për ligjvënësit britanikë:

"Kolegë, meqë është votimi i fundit me kolegët tanë britanikë, unë do të doja t'i falënderoja për gjithë punën e tyre në Parlamentin Evropian dhe t'u uroj atyre më të mirën."

Deputetja nga Partia e Gjelbër Gjermane dhe themeluesja e grupit të miqësisë BE-Mbretëri e Bashkuar Terry Reintke shprehu shpresën se lidhjet midis dy palëve do të jenë të ngushta edhe pas "Brexit"-it:

"Sinqerisht sot, kur për herë të fundit isha ulur pranë kolegut tim laburist në të djathtën time dhe kolegut tim të gjelbër në të majtë, u ndjeva paksa e trishtuar mbase, sepse do të jetë hera e fundit dhe do të na marrë shumë malli për ta. Por në të njëjtën kohë, tani kemi një platformë dhe do të qëndrojmë në kontakt e do të punojmë përsëri së bashku".

Këshilli i BE-së ka miratuar vendimin për të përmbyllur marrëveshjen e tërheqjes së Mbretërisë së Bashkuar, e cila është miratuar nga Parlamenti Evropian. 

Kalendari

Ngjarjet e datës 29 Maj 2020

- Mbahet mbledhja e jashtëzakonshme e Kuvendit Komunal të Prizrenit, e thirrur nga kryesuesi i Kuvendit. (Salla e shtëpisë së kulturës "Xhemajli Berisha", ora 10:00)

- Mbahet mbledhje e Komisionit për Mbikëqyrjen e Financave Publike, shqyrëtohet  raporti vjetor i përformancës se Zyrës Kombëtare të Auditimit për vitin 2019. (Kuvendi i Kosovës, salla N302, ora 10:00)

- Mbahet mbledhja e pestë e rregullt e Kuvendit Komunal të Rahovecit për vitin 2020, në të cilën do të bëhët shqyrtimi i propozim vendimit për bartjen e tejkalimit të të hyrave vetanake nga viti 2019.  (Salla e mbledhjeve të Kuvendit Komunal, në objektin e ri të komunës, ora 10:00)

- Mbahet mbledhja e radhës e Këshillit Gjyqësor të Kosovës. (Objekti i KGjK-së, ora 14:00)