18 Janar 2019

Daçiç: Me Rusinë e Kinën në krah, pozicioni ynë është më i fortë për Kosovën

Beograd, 9 maj - Ministri i Jashtëm serb, Ivica Daçiç komentoi nga Beogradi vizitën e Presidentit Aleksandar Vuçiç në Rusi, ku u takua me Putin.

“Është e rëndësishme për ne që një vend miqësor si Rusia, që mbron interesat dhe sovranitetin territorial të Serbisë të mos ndryshojë qëndrim”, deklaroi ai në një intervistë për një televizion serb.

Kryediplomati serb thotë se falë ndihmës së Rusisë dhe Kinës, sot Serbia gëzon një pozicion më të fuqishëm sa i takon Kosovës.

“Ndryshe nga përpjekjet e Bashkimit Europian, me ndërmjetësimin e të cilave po zhvillohet dialogu me Prishtinën, Kombet e Bashkuara janë duke verifikuar nëse Kosova ka një vlefshmëri ligjore ndërkombëtare për dialog."

"Këtu na vyen ndihma e Rusisë dhe e Kinës, që janë vende anëtare të përhershme të Këshillit të Sigurisë dhe një garanci që do të bllokojnë çdo përpjekje për ta njohur Kosovën si shtet të pavarur në OKB”, vijoi ai.

Sipas Daçiç, Beogradi kërkon një marrëveshje me Kosovën.

“Vetëm se ka në krah miqtë perëndimore, Prishtina nuk mund të mendojë që ne thjesht duhet të pranojmë (pavarësinë e saj)”, shtoi Daçiç.

Kalendari

Ngjarjet e datës 18 janar 2019 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 8:30)

- Kryeministri Ramush Haradinaj pret në takim 120 studentë nga Vjena dhe Venediku nga programi i studimeve  “Europian  Master in Human Rights and Democratisation”. (Ndërtesa e Qeverisë, ora 9:00 - vetëm pamje)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët e shkollës fillore “Dardania”. (Shkolla fillore Dardania, ora 10:00)

- Qendra e Lëvizjes Vetëvendosje! në Prishtinë mban konferencë për media. (Zyrat e Vetëvendosjes, ora 11:00)

- Kryetar i Sindikatës së Pavarur të Arsimit të Shqipërisë, Nevruz Kaptelli me bashkëpunëtoret e tij vizitojnë Sindikatën e Bashkuar e Arsimit, Shkencës dhe Kulturës e Kosovës të cilët së bashku me Këshillin Grevistë Qendror do t'i vizitojnë grevistët çerdhes “Gëzimi Ynë”. (Objekti i çerdhes “Gëzimi Ynë” në Prishtinë, ora 11:00)