23 Tetor 2020

Biden paraqet Trumpin si i nënshtruar ndaj presidentit rus Putin

Washington, 30 shtator - Kandidati presidencial demokrat në SHBA, Joe Biden u përpoq ta paraqiste presidentin Donald Trump si të nënshtruar ndaj presidentit rus gjatë debatit të martën mbrëma ndërsa ish-zëvendëspresidenti pohoi se ka kundërshtuar Vladimir Putinin gjatë kohës sa ishte në detyrë.

"Fakt është që unë kam shkuar kokë më kokë me Putinin dhe ia kam bërë të qartë se ne nuk do të marrim ndonjë nga gjërat e tij", tha Biden. "Ai është këlyshi i Putinit. Ai ende nuk pranon madje t'i thotë asgjë Putinit në lidhje me dhuratat për kokat e ushtarëve amerikanë".

Biden i referohej një raporti të inteligjencës që sugjeron se agjencia kryesore e inteligjencës ruse, GRU, ofroi t'u paguante shpërblime talebanëve për vrasjen e pjesëtarëve të shërbimit amerikan. Vlerësimi u raportua fillimisht nga "The New York Times", por disa, përfshirë presidentin kanë thënë se raporti nuk ishte përfundimtar.

Ish-zv/presidenti bëri akuza gjatë debatit, i cili padyshim ishte kaotik që ndërpritej vazhdimisht ndërsa kandidatët bërtisnin dhe flisnin për njëri-tjetrin.

Përplasjet e shtynë moderatorin, Chris Wallace të ndëshkonte Trumpin, për të cilin tha se e ndërpreu Bidenin shumë më shpesh gjatë debatit të mbrëmjes sesa që e ndërpreu ish-zv/presidenti.

"Z. president, ju lutem ndaloni", tha Wallace gjatë një prej dhjetëra herë që presidenti ndërpreu Bidenin. "Vendi do të shërbehet më mirë nëse i lejonim të dy njerëzit të flisnin me më pak ndërprerje. Po ju bëj thirrje, zotëri, ta bëni këtë".

Trump dhe Biden pritet të përballen përsëri në fazën e radhës të debatit më 15 tetor dhe 22 tetor në dy debatet e fundit presidenciale përpara ditës së zgjedhjeve më 3 nëntor.

Kalendari

Ngjarjet e datës 23 Tetor 2020

- Komisioni Qendror i Zgjedhjeve mban mbledhjen e radhës. (ndërtesa e KQZ-së në, kati i parë, ora 10:00) 

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviziton ministrin e Ekonomisë dhe Ambientit; Blerim Kuçi. (Ndërtesa e Kuvendit, salla N204, ora 11:00)

- Në kuadër të përmbylljes së “Javës  Evropiane për Siguri dhe Shëndet në Punë”, ministri i MPMS-së, Skender Reçica viziton fabrikën “NewCo Ferronikeli”. (Drenas, ora 11:00)

- Kryetari i Komunës së Prizrenit, Mytaher Haskuka do të merr pjesë në përurimin e “Memorialit të Komandant Drinit - Ekrem Rexha. (Tek parku përballë Shtëpisë së Bardhë, ora 11:00)

-  Komisioni Hetimor Parlamentar lidhur me procesin e privatizimit në Kosovë interviston ish- Zëvendës kryesuesin e Bordit të Agjencisë së Privatizimit, Naser Osmani. (Ndërtesa e Kuvendit, salla N10, ora 12:00)

-  Komisioni për Integrim Evropian takohet me Shefin e Zyrës dhe Përfaqësuesin Special të BE-së në Kosovës, Tomáš Szunyog në lidhje me Raportin për Kosovën 2020 të publikuar nga Komisioni Evropian. (Ndërtesa e Kuvendit, salla C301, ora 12:00)

-  Komisioni Hetimor Parlamentar lidhur me procesin e privatizimit në Kosovë ish Ministër i Ekonomisë dhe Financave, Haki Shatri. (Ndërtesa e Kuvendit, salla N10, ora 13:00)

- Kryeministri i Qeverisë së Republikës së Kosovës, Avdullah Hoti pritet me një ceremoni zyrtare kryeministri i Maqedonisë së Veriut Zoran Zaev. (Para Qeverisë së Republikës së Maqedonisë së Veriut në Shkup, ora 14:00)

- Kryeministri i Qeverisë së Republikës së Kosovës, Avdullah Hoti dhe kryeministri i Maqedonisë së Veriut Zoran Zaev mbajnë konferencë për media. (Konferenca do të përcillet online, ora 15:05)

- Fondacioni Shtatëmbëdhjetë organizon bisedën “Off the record: Gjendja e hapësirave të braktisura”. (Kino Armata, ora 15:00)

- Kryeministri i Qeverisë së Republikës së Kosovës, Avdullah Hoti takohet me Presidentin e Maqedonisë së Veriut, Stevo Pendarovski. (Ndërtesa e Presidencës në Shkup, ora 15:35)

- Kryeministri i Qeverisë së Republikës së Kosovës, Avdullah Hoti takohet me Kryetarin e Kuvendit të Maqedonisë së Veriut, Talat Xhaferi. (Kabineti i Kryetarit të Kuvendit në Shkup, ora 16:10)

- Kryeministri i Qeverisë së Republikës së Kosovës, Avdullah Hoti takohet me Artan Grubi, Zëvendës Kryeministër i parë i shoqëruar edhe Ali Ahmeti, Kryetar i BDI-së. (Ndërtesa e Kuvendit në Shkup, ora 16:35)

- Nënshkruhet MoU për krijimin e rrjeteve të pastra 5G në mes të Qeverisë së Republikës së Kosovës dhe Departamentit të SHBA-ve. (Ambasada e Republikës së Kosovës në Shkup, ora 17:15)

- Kryeministri i Qeverisë së Republikës së Kosovës, Avdullah Hoti takohet me Udhëheqësit e partive politike si Ziadin Sela nga Aleanca për Shqiptarët, Bilall Kasami nga Lëvizja Besa,  Afrim Gashi nga Alternativa dhe Menduh Thaqi nga PDSH. (Ambasada e Republikës së Kosovës në Shkup, ora 17:40)