21 Nëntor 2019

Belgjika mbyll dyert për të gjithë azilkërkuesit

Bruksel, 2 mars - Autoritet belge do të refuzojnë të gjitha kërkesat për azil nga shqiptarët e Maqedonisë, Kosovës dhe Serbisë, bëjnë të ditur mediat serbe.

Pas liberalizimit të vizave, me mijëra qytetarë nga vendet e Ballkanit kanë parashtruar masivisht kërkesa për marrje të azilit, vendosje dhe asistence financiare. Ndërkohë, Belgjika këto kërkesa do t’i refuzojë si të pabaza.

Në analizat e tyre, siç transmetojnë mediat serbe, evropianët mund të rishohin vendimin e heqjes së vizave për Maqedoninë dhe Serbinë, si pasojë e kërkesës së madhe për azil nga qytetarët e këtyre dy vendeve.

Dy muajt e fundit mbi 1000 familje shqiptare nga Likova dhe Kumanova, kanë aplikuar për azil në Belgjikë. Ministria e Jashtme e Maqedonisë, thotë se qytetarët janë manipuluar. Gjasat për të marrë azil në BE janë zero.

Vetëm tre muaj pas hyrjes në fuqi të liberalizimit të regjimit të vizave, në Maqedoni ka dalë në sipërfaqe keqpërdorimi i saj. Familje shqiptare nga komuna e Likovës dhe Kumanovës po udhëtojnë drejtë Belgjikës, ku me të arritur aplikojnë për të fituar statusin e azilkërkuesit. "Më vjen shumë keq kur shikoj pleq, gra, fëmijë duke bredhur rrugëve të Belgjikës, në Namyr, Liezh, Bruksel, të humbur krejtësisht, nuk dinë nga t`ia mbajnë," thotë Abim Neziri, administrator në kryqin e kuq të Belgjikës.

Dukuria ka marrë hov

Që kjo dukuri ka marrë hov të madh e tregon edhe fakti se shumë nxënës të shkollave në Kumanovë dhe Likovë kërkojnë fletëshpërngulje nga shkollat. "Shpresa dhe dëshira jonë është që ata nxënës të kthehen përsëri në bankat shkollore," thotë Emri Rexhepi drejtor i shkollës "Naim Frashëri" në Kumanovë. Ata që kanë marrë vendim për të udhëtuar drejt Belgjikës nuk parapëlqejnë të flasin në mikrofon për arsyet e ikjes. Por, ata thonë se arsyeja kryesore është kriza ekonomike. "Secili ka hallet e veta dhe kushtet ekonomike që mbretërojnë këtu na detyrojnë të marrim këtë rrugë," thotë një banor i Likovës.

Kërkohet durim

Sadulla Duraku, në cilësinë e kryetarit të komunës së Likovës, i drejton një apel bashkëqytetarëve të tij, që të mos bien pre e manipulatorëve të cilët keqpërdorin gjendjen e vështirë ekonomike të këtij rajoni, duke premtuar parajsën në Belgjikë. "Unë mendoj se qytetarët tonë do të jenë të durueshëm, sepse çdo krizë ekonomike do të tejkalohet, sikurse e kanë tejkaluar edhe baballarët tanë," thotë Sadulla Duraku.

Fluksi i madh i shkuarjes së qytetarëve nga Maqedonia në Belgjikë ka detyruar autoritetet belge që të sinjalizojnë qeverinë e Shkupit. "Numri i azilkërkuesve nga Maqedonia vetëm gjatë muajit shkurt ka arritur në 349 persona dhe kjo është 50 përqind më shumë se tërë vitin e kaluar," ka deklaruar ambasadori i Belgjikës në Shkup, Mark Mishellson.

Alarm në Shkup

Zëvendëskryeministri Abdylaqim Ademi, thotë se po merren të gjitha masat për parandalimin e kësaj dukurie. "Tani për tani kthimi i tyre mund të bëhet vetëm në mënyrë vullnetare sepse, sipas konventës së Gjenevës, ata që kanë aplikuar për azil do të marrin përgjigje pas dy muajve".

Abdylkadër Memeti, sekretar shteti në ministrinë e Jashtme vlerëson, se gjasat që qytetarë të Maqedonisë të marrin statusin e azilantit në vendet e BE-së, janë zero. "Gjendja politike, e sigurisë, të drejtat e njeriut në Maqedoni nuk janë në atë nivel të rrezikuar, që vendet e BE-së të pranojnë kërkesat për azil politik. Maqedonia edhe de jure është kandidate për antarsim në BE," thotë Abdylkadër Memeti.

 

Gjithnjë sipas tij, Maqedonia nuk rrezikohet të hiqet nga lista e vendeve që kanë fituar liberalizimin e regjimit të vizave, por ata qytetarë që kanë aplikuar azil dhe marrin përgjigje negative, janë të rrezikuar nga heqja e mundësisë për udhëtim të sërishëm në vendet e zonës Shengen. 

Kalendari

Ngjarjet e datës 21 nëntor 2019 - Institucioni i Avokatit të Popullit, me mbështetje të projektit të financuar nga Bashkimi Evropian organizon festimin e përvjetorit të 19-të Institucionit të Avokatit të Popullit. (Hotel Emerald, ora 9:30)

- Universiteti i Mitrovicës "Isa Boletini" organizon hapjen e Panairit te Parë të Punës dhe Karrierës. (Universiteti i Mitrovicës, ora 10:00)

- Me rastin e 23 vjetorit të vdekjes së Dr. Xhavit Ahmetit, anëtarit të Kryesisë dhe veprimtarit të LDK-së, Kryesia e LDK-së, bën homazhe te varri i tij. (Lagjja Arbëria, ora 10:30)

- Kosovo Center for Business Support organizon tryezën me temën “Si ti zëvenësojmë Qeset e Plastikës pa u dëmtuar Bizneset” dhe cilat hapa duhet t’i ndërmarrim lidhur me zbatimin e planit të MMPH-së për zvoglimin e përdorimit të qeseve të plastikës në Kosovë. (Hotel Sirius, ora 10:30)

- Banka Qendrore e Republikës së Kosovës organizon konferencë për media, ku temë do të jetë tarifat e vendosura nga kompanitë e sigurimeve. (Auditoriumi i BQK-së, ora 11:00)

- Lëvizja Vetëvendosje do të organizojë bashkëbisedim në mes të kryetarit të Lëvizjes Vetëvendosje, Albin Kurti dhe përfaqëuesve të sindilkatave në Kosovë, me titull: "Mbështetja e fuqizimit sindikal në vendin tonë". (Hotel Grand, ora 11:00)

- Organizata për Rritjen e Cilësisë në Arsim dhe ADMOVERE organizojnë aksionin protestues lidhur me vendimet e Këshillit të Etikës, për plagjiatura dhe avancime jo meritore në UP. (Para ndërtesës së Rektoratit të UP-së, ora 11:00)

- Ministria e Punëve të Jashtme të Republikës së Kosovës organizon konferencë me rastin e organizimit “Thirrja e Tretë për Projekte të Fondit të Ballkanit Perëndimor”. (Ministria e Punëve të Jashtme, ora 11:00)

- OJQ ETEA dhe Kuvendi i të Rinjve të Prishtinës organizojnë hapjen e minibiblotekës ne lagjen Velania.  (Lagjja Velania në parkun përballë SOS Fshatit, ora 12:00)

- Aleanca për Mbrojtjen e Teatrit nga Tirana do të mbaj një diskutim të hapur me komunitetin teatror, publikun dhe mediat e Kosovës. (Teatri Kombëtar i Kosovës, ora 12:00)

- OJQ ETEA dhe Kuvendi i të Rinjve të Prishtinës organizojnë hapjen e minibiblotekës ne lagjen Bregu i Diellit. (Parku afër SHFMU “Ismail Qemali”, ora 14:00)

- Shefja e BE-së në Kosovë, Ambasadorja Apostolova do të marrë pjesë në një debat për dhunën në familje në Mitrovicë të Veriut. (Shtëpia e Evropës në Mitrovicë të Veriut, ora 14:00)

- Në kuadër të Javës Ndërkombëtare të Edukimit Amerikan, American Advising Center Education USA, organizon “Alumni Fair - Panairi i të diplomuarëve në SHBA”. (Fakulteti i Edukimit në Universitetin e Prishtinës “Hasan Prishtina”, ora 14:30)

- Programi i Kombeve të Bashkuara për Zhvillim dhe komuna e Gjakovës do të shënojnë përfundimin e punimeve në rehabilitimin dhe rregullimin e Urës së Terzive dhe hapësirës përreth. (Pranë Urës së Terezive në Gjakovë, ora 16:00)

- OJQ ETEA dhe Kuvendi i të Rinjve të Prishtinës organizojnë hapjen e minibiblotekës ne lagjen e Spitalit". (Afër SHFMU “Pavarësia”, ora 16:00)

- Qendra Kosovare për Studime Gjinore organizon panelin e diskutimit “Balancimi mes punës dhe jetës dhe leja prindërore”. (Restoran Tartine Deli, ora 16:00)

- Në kuadër të Global Entrepreneurship Week, do të mbahet ngjarja “Are you a Champion of Success?” organizuar nga Ardian Hoxha dhe Oda Amerikane e Kosovës në bashkëpunim me ICK, Venture UP dhe Jakova Innovation Center. (Swiss Diamond, ora 17:00)